Verður gengisfelling í boði ÓRG

Daglega flytja fjölmiðlar okkur fréttir af því að ekkert gerist á fundum stjórnar- og stjórnarandstöðu um Icesave og það kemur þjóðinni vitaskuld stórlega á óvart!

Á sama tíma veikir vandræðagangurinn og vitleysan hér heima íslenskt hagkerfi dag frá degi og langlíklegast að innan skamms hrynji krónan um 20-30 prósent til viðbótar við það sem orðið er. Allt í boði Indefence og Ólafs Ragnars Grímssonar. Þar fjúka þá fúlgur miklu hærri en það sem deilt er um í Icesavemálinu sem allir nema Davíð eru sammála um að borga, bara ekki hinsegin heldur svona (eða var það svona en ekki hinsegin) ...

Farsinn heldur áfram og verður með hverjum degi fíflalegri á kostnað almennings og atvinnulífs sem á sínar skuldir og myntkörfur undir því að einhverntíma fari að rofa til á Íslandi. En nei, meðan mínir menn sitja ekki við kjötkatlana skal frekar svíða allt ofan í grunn, hugsar hin þröngsýna íhaldssál allra hreppa.

Athugasemdir

[Bjarni Kjartansson, 19.1.2010 kl. 10:09]

Nú er þér farið afar mikið að förlast, kemur þar hugsanlega til, langar stöður við að selja bækur á aðventu.  ÉG man, að ekki var mér mjög svefnsamt á þeim tíma sem ég rak bókabúð í denn.

Þetta setti ég inn á annað bloggsvæði en tel það eiga prýðilega við hér, svona í anda þess sem um er rætt í uppleggi þínu.

 Svo annað, Íhaldssálir eru mjög svo fróma og aufúsugestir í Himnaríki og fá greiðan aðgang í boði Lykla Péturs.  Hinsvegar eru aurasálir og gróðapungar annað lið og óskilt, þar vaða uppi pótentátar af líkri gerð og SA menn, sem vilja allt falt og gefa alla banka okkar til sama slekts í útlöndum bara til, eins og þeir segja, ,,að eignast VINI í útlöndum.  Við Íhaldsmenn v itum, að þeir munu ekki eignast vini, með að leggjast kylliflatir fyrir yfirgangasseggjum, heldur mun það frekar verða HÚSBÆNDUR af verri sortinni.

En hvað með það,.  Hér er innleggið við uppleggið þitt.

Við lestur yfirlýsingar Ingibjargar Sólrúnar, kemur glögglega fram, að bæði samkvæmt undirrituðum samning og hefðbundnu prótókolli, voru ísl stjórnvöld laus allra eftirmála af því nauðungsplaggi, sem ritað ar undir fyrr í ferlinu.

einnig kemur kristaltært fram, að skilningur manna var, bæði fyrr og þá, að til að einhverjir samningar öðlist gildi, þurfi atbeina Alþingis til að staðfesta hann.   Þessi skoðun og túlkun er svo geir-nelgd í álitum sérfræðinga í milliríkjasamningum, beggja vegna Altandsála.

Líkt og Bretar neita að greiða innistæður innlánseigenda í útibúum fallina banka þeirra á Gurnsey, svo ber okkur ekki heldur að greiða penny umfram það sem til var í tryggingasjóði bankana, líkt og Stjórnvöld í London segja við sína kröfuhafa á Gurnsey.

Ef svo þú telur Ingibjörgu fara með eintóma firru verður svo að vera en í þessari greinargerð til Viðskiptanefndar nú nýlega, koma þessi atriði fram og virðast hljóma líkt og bæði erlendir og innlendir sérfræðingar hafa sett málið upp.

Því er það frekar undirlægjuháttur núverandi stjórnvalda hér og ótrúlegur þrælsótti vegna hugsanlegra synjunar um inngöngu í ESB sem rekur þetta lið til þjónkunar við erlent kúgunarvald.

Svo er ekki úr vegi, að skoða hverjir taka málstað þessara afla.  Þar fara fyrstir í flokki fjölmiðlungar úr liðsveitum ESB sinna og vinstrinu.  Svo koma fast á eftir SA ,,gefum útlendingum bankana svo við eignumst VINI erlendis" gengið, þv+i næst eru það stórkaupmenn, sem hræðast ,,verri viðskiptakjör" sem mýs undir fjalaketti.  Svo auðvitað ASÍ með sína forkólfa innmúraða í Samfylkinguna og hlýða þaðan kalli, líkt og ítrekað hefur komið fram, jafnvel þvert á hagsmuni heimilanna í landinu.

Þokkalegur hópur að tarna.

Miðbæjaíihaldið

vill halda til haga þeim staðreyndum sem þjóðarréttur leggur mönnum til.

[Sigurður Þórðarson, 19.1.2010 kl. 10:38]

Því stærri sem sigurinn verður í þjóðaratkvæðagreiðslunni  því betri verður samningsaðstaða Íslands.

 Og

Því meira sem krónan fellur því fyrr munum við borga niður erlendar skuldir þjóðarinnar. 

Eða

Vildir þú kannski auka þær?

[Jón Steinar Ragnarsson, 19.1.2010 kl. 14:07]

Gengið hélst stöðugt þrátt fyrir höfnun forsetans og gerir enn, öllum markaðssérfræðingum að óvörum.  Ekkert breyttist. Segir það þér eitthvað?

[Snæbjörn Björnsson Birnir, 19.1.2010 kl. 18:06]

Gengið fellur fyrst almennilega, þegar þjóðin er búin að hafna frumvarpinu. Nú er biðstaða, fram að þjóðaratkvæðagreiðslu.

[Hjálmtýr V Heiðdal, 19.1.2010 kl. 21:44]

Eftirfarandi er tilvitnun í dæmigerð skrif frá andstæðingum þess að þjóðin velji besta kostinn og samþykki Icesavesamninginn í væntanlegri þjóðaratkvæðagreiðslu:

„En í dag höfum við allt sem þarf, en samt er til hópur fólks sem vælir og spáir hörmungum ef við vogum okkur að hrekja á burt þræla veiðara og ræningja. Því að það eru þeir, sem neyða fólk til að vinna fyrir sig kauplaust og ræna af því eigum þeirra með löglausu valdi.

Hugleysingjar eru þeir sem af kjarkleysi standa ekki með þeim sem þora í þessu máli. Þorið og samstaðan er allt sem þarf til að vinna þetta mál með sóma. Ef við guggnum og lúfum fyrir nokkrum hrokafullum skítseiðum þá ber eingin virðingu fyrir okkur. En beri okkur gæfa til að standa saman, þá sigrum við hið erlenda þursaveldi með þeirra eigin lögum og þá hljótum við virðingu að níu.“

Því miður þá er stór hluti þeirra sem tjá sig um Icesave ekki að hafa fyrir því að líta raunsætt á málið. Menn eru komnir í skotgrafir og skotfærin eru þjóðremba, útlendinganíð og gervihagspeki. Velviljaðir skríbentar út um allan heim og allir „Íslandsvinirnir“ duga ekki til þess að hindra fall þjóðarinnar í ruslflokk ef þjóðaratkvæðagreiðslan endar með ósköpum.

[Jón Á Grétarsson, 20.1.2010 kl. 01:10]

http://www.youtube.com/watch?v=vpyrcy5hwdc

[Árni Gunnarsson, 20.1.2010 kl. 17:24]

Ráðherrar í ríkisstjórnum Íslands hafa nú um nokkurra ára skeið talið sig hafa þegið vald sitt frá Guði með einhvers konar millilendingu á Alþingi sem oftar en ekki hafi orðið til tafa og óþæginda.

Forstetinn er þjóðkjörinn og sá skilningur hefur aldrei dvalist fyrir íslenskum forsetum að vald þeirra sé frá henni komið gegn um kjósendur. Þetta er nú eiginlega miklu hugnanlegri skilningur fyrir mig en skilningur ráðherra og ríkisstjórna. Ég hef alltaf verið tortrygginn á þetta illa skilgreinda vald frá Guði.