Tekið í nefið af tilefni!

Eftir að hafa keypt sína fyrstu íbúð á ævinni bauð Magnús sonur minn Guðmundi Pálssyni seljanda og bónda í Litlu-Sandvík í nefið og þar með höfðu þeir haldið upp á merk tímamót.

Þegar Magnús flutti að heiman fyrir þremur árum var hann þess fullviss um að íbúðaverð í landinu væri alltof hátt, leigði smátt og sparaði aurana til betri tíma. Nú í kreppunni stendur hann uppi sem hinn nægjusami og skynsami sigurvegari og innsiglar sigurinn á meðfylgjandi mynd.

Íbúðin sem Magnús keypti er í Ástjörn og nú taka við framkvæmdir þar innanhúss sem eru i öruggum höndum Hákonar Páls og hans manna hjá Selási. Við feðgar þökkum fasteignasölunni Remax fagleg og góð vinnubrögð og Guðmundi Pálssyni viðskiptin.

Semsagt, til hamingju Magnús.

Athugasemdir

[Ásdís Sigurðardóttir, 22.1.2010 kl. 13:43]

Ég þarf að muna eftir að óska honum til hamingju með þetta næst þegar ég hitt hann.

[Sandra Dís Eyrarbakka (IP-tala skráð) 22.1.2010 kl. 15:08]

Glæsilegt hjá kappanum.  Mér finnst það nú hafa verið í gær sem ég passaði drenginn á Eyrarbakka en þegar ég hugsa betur um það eru sennilega rúm 20 ár síðan.........tíminn líður.....

bestu kveðjur neðan af Bakka

[Egill Bjarnason, 22.1.2010 kl. 15:21]

storkostlegt! (myndin er i ruglstaerd)

[Helga R. Einarsdóttir, 22.1.2010 kl. 22:27]

Glæsilegt! Skynsamur ungur maður- til hamingju með hann.

[Guðrún María Óskarsdóttir., 23.1.2010 kl. 02:20]

Til hamingju með það Bjarni.

kv.Guðrún María.

[Guðmundur Stefánsson (IP-tala skráð) 23.1.2010 kl. 19:59]

Á síðu hérna sagt er hús

selt en ekki gefið.

Þess í stað að drekka dús

drengir tóku í nefið.

Kv. GSt.

[Sigurlaug B. Gröndal, 24.1.2010 kl. 10:58]

Til hamingju, Magnú og Bjarni. Þetta er stór áfangi í lífi ungs manns. Þarna var skynsamur maður að spila út trompinu sínu og sigraði!!! Yndislegt!!!

[Guðmundur Pálsson, 29.1.2010 kl. 02:29]

Það er alltaf gaman að taka í nefið.

[642-456 (IP-tala skráð) 12.2.2010 kl. 05:06]

Nice work on your site.

[220-701 (IP-tala skráð) 12.2.2010 kl. 05:07]

I like your site its interesting one.

[HP0-S18 (IP-tala skráð) 12.2.2010 kl. 05:08]

I like the way you are working its awesome.