Kíkjum í kjarnorkupakkann!

Nú þegar Hjörleifur er genginn úr VG væri skynsamlegt hjá ríkisstjórninni að kanna hvaða áhrif það hefði á byggð í Eyjum og efnahag þjóðar að reisa kjarnorkuver í miðbæ Heimaeyjarkaupstaðar. 

Samhliða geta flokkarnir samþykkt ályktanir um að þeir séu alfarið á móti kjarnorkuverum. Það er nauðsynlegt að kíkja í alla pakka, til þess eru menn í ríkisstjórn! 

Kjarnorkuver í Eyjum

Athugasemdir

[Gunnlaugur I., 27.1.2013 kl. 16:41]

Sæll Bjani.

Já afhverju ekki Bjarni svo verður formúlan auðvitað að vera svona.

Alls ekki má áður spyrja þjóðina sjálfa eða Eyjamenn hvort að þeir kæri sig yfirleitt um þetta eða hvort eyða eigi fjármunum í þetta mál. Það er bara farið í viðræður og samninga við stærstu kjarnorkuvera samsteypu veraldar.

Þó svo að eini flokkurinn í bæjarstjórn sem styður málið er kjarnorkufylkingin sem að hafði innan við 29% fylgi í síðustu bæjarstjórnarkosningum og 3 menn af 10 í bæjarstjórninni.

Engu skiptir heldur þó svo að það komi fram í skoðanakönnun eftir skoðanakönnun nú í bráðum fjögur ár að meirihluti þjóðarinnar og Eyjamanna sé algerlega á móti þessu. Kjarnorku sinnar segja að þeir geti alls ekki haft svona skoðun á þessu máli núna því að samningum sé alls ekki lokið og því ekki hægt að skoða í allan pakkann.

Kjarnorku samsteypunni verður leyft að opna sérstakar skrifstofur og Kjarnorkustofur í höfuðborginni og Vestmannaeyjabæ. Þar bera þeir ómælt fé á lykilmenn í bæjarstjórn og atvinnulífi.

Farnar verða reglulega lúxusferðir á stórum einkaþotum með helstu bæjarbúa beint frá Vestmannaeyjarflugvelli til þess að heimsækja höfuðstöðvar alheims samtaka Kjarnorkuvera.

[Pétur Örn Björnsson (IP-tala skráð) 27.1.2013 kl. 19:42]

Nú svo getur júrókrata stjórnin kíkkað í "drón" pakka alríkis ESB.

Þýska ríkisstjórnin vill nú alveg ólm að Bundeswher, her Þýskalands, eignist vopnuð, fjarstýrð flugtæki "drón" til að auka getu hersins í aðgerðum utan Þýskalands.

Kannski innanríkisráðherrann fari með vini sínum utanríkisráðherranum til Berlínar og falbjóði land okkar sem "virkisturninn í norðri" fyrir "drón" alríki ESB?

Ég er viss um að innanríkisráðherrann og utanríkisráðherrann fara glaðir í þá ferð, ef þeir fá eldvatn fyrir í Berlín.

En ef Berlín býður þeim sjálfar glerperlurnar, þá væru þeir vafalaust vísir til að kíkja í kjarnorkupakkann, með sérlegu "nýsköpunar"leyfi frá simmsalabimm ráðherranum þistilfirska.

[Högni Elfar Gylfason, 28.1.2013 kl. 09:39]

Sæll Bjarni.

Til að samanburðurinn sé algjör verðum við að reikna með því að meira verði gert. Viðræðurnar myndu fjalla um hvernig og hvenær Vestmannaeyjar yrðu búnar að aðlaga sig að fullu að reglum og lögum samningsaðilanna. Það myndi auðvitað þýða að samhliða viðræðunum yrði kjarnorkuverið byggt í miðbænum og hlutar þess settir í gang eftir því sem hægt væri. Eðlilega myndu þeir á sama tíma aftengja og/eða klippa á sæstrengi frá fasta landinu. Svo að endingu þegar Vestmannaeyingar væru að fullu farnir að nota kjarnorkuverið yrðu þeir spurðir að því hvort þeir vildu nota kjarnorku eða gamla raforkukerfið sem þá væri búið að aftengja og henda út í hafsauga.

Góðar kveðjur á Selfoss.

[Ómar Bjarki Smárason, 28.1.2013 kl. 22:10]

Mál til komið fyrir þig að snúa til baka til þíns pólitíska uppruna og taka þátt í þeirri björtu framtíð sem hlýtur að blasa við ykkar stóra framsóknarhjarta, Bjarni,....