Landráð af gáleysi og varasamir atvinnupólitíkusar

Mér er auðvitað oft orðs vant. Oftast yfir einhverju sem er svo yfirgengilega vitlaust að ég verð klumsa. En einstöku sinnum vegna vits. Og þannig er mér farið þegar ég hlusta hér á tölvuskömminni á viðtal Evu Maríu við Pál Skúlason háskólarektor fyrrverandi. Hér er á ferðinni betri og merkari úttekt á vandamálum okkar samfélags.

Eitt af mörgu merkilegu er það sem Páll segir um atvinnupólitíkusa, annað um einokunina, enn annað um flokkakerfið en ég orða þetta aldrei eins vel og Páll. Svakalegast þó þegar Páll talar um landráð af gáleysi! 

Semsagt - allir ættu að hlusta, linkurinn er hér: http://dagskra.ruv.is/sjonvarpid/4454024/2008/12/28/

Athugasemdir

[Helga Ágústsdóttikr (IP-tala skráð) 31.12.2008 kl. 02:15]

Bjarni sæll

þú sparar mér mikil einfelfeldningsskrif  með þessarri þinni úttekt. Ég hef ýmist viljað sjá þennan mann/þessa sál sem "menntaðan einvald" eð forseta landsins. Hvorugt  á ég þó von á að rætist, enda um hógværðina og íhyglina holdi klædda að ræða.  Við nefnum ekki visku og vitsmuni. Sambærilega (þá fáu sem til eru) menn fær þesi þjóð  ekki til starfa sem ráðamenn (merkilegt hugtak og íhugunar virði)

ÓIsköp væri samt notaleg tilhugsunj að sem flestir hlustuðu á þetta viðtal af einbeitni og án fordóma. Ég er hér ekki sérlega að hrósa hinni elskulegu og fallegu viðtals-/ spyrlu,,, sem þó vinnur sína vinnu af samviskusemi og fyllstu aðgát... em þessir "Pálar Skulasynir", sem ég hygg þó hvurrgi of marga hérlendis og e.t.v fjarlendis einnig, mættu heyrast betur - í hógværð sinni, tilgerðarlausri smekkvísi... og njóta hlustunar "pöpuls" og "penna fólks". Honum sé heilll og hlýhugur.

Helga Ág.

[Júlíus Björnsson, 31.12.2008 kl. 02:39]

Þetta er allt spurning um greind í vestrænum samfélögum. Hans klaufi fékk kóngsdóttur þó hann gæti ekki þulið um lista af orðum.

[Halldóra Halldórsdóttir, 31.12.2008 kl. 02:47]

Já - ég sat og hlustaði af athygli á Pál. Þar var loksins komin greinandi hugur. Landráð af gáleysi er rétt mat á því sem gerðist. Ríkið á að stand vörð um öryggi þjóðarinnar - það er fyrsta og síðasta hlutverk þess. Það á ekki síst við um efnahagslegt öryggi.

[Júlíus Björnsson, 31.12.2008 kl. 03:36]

Samkvæmt nýjustu stjórnaskrá er aðeins einn einstaklingur sem getur ákært fyrir landráð: það er settur dómsmálaráðherra. Ég tel að hágreindir séu sammála Páli í þessu mati. En þeir eru því miður ekki nógu margir til að vinna í lýðræðislegum kosningum.  

[Eyþór Örn Óskarsson (IP-tala skráð) 31.12.2008 kl. 06:06]

Ég vil byrja á því að þakka þér Bjarni, fyrir að setja þennan hlekk inn - ég virkilega naut þess að hlusta á þáttinn og ég verð að viðurkenna að það sem kom þar fram fékk mig til að "leggja heilann í bleyti" - vissulega þurfum við sem þjóð að koma okkur uppúr þessum dansi í kringum gullkálfinn og fara að hugsa um manngildið.

Til að fá alþingi og ríkisstjórn til að virka betur, dettur mér í hug að það geti verð eins margir flokkar á þingi og vilji vera þar með sem flestar skoðanir, hinsvegar væri ég til í að ríkisstjórn væri ótengd alþingi og væri "ráðin" til einhvers tiltekins tíma og þá væru þar innanborðs eingöngu fagaðilar.

Með þessu væru líkur á að frumvörp sem kæmu fram, fengju lýðræðislega umfjöllun og skoðuð af skynsemi - en ekki keyrð í gegn með stjórnarmeirihluta.

[Arinbjörn Kúld (IP-tala skráð) 31.12.2008 kl. 11:24]

Jamm og landráð af gáleysi er refsivert og það mikið.

[Guðrún Hlín (IP-tala skráð) 31.12.2008 kl. 12:41]

Sárust er sú NIÐURLÆGING fyrir ÍSLENSKA ÞJÓÐ að þurfa að sætta sig við að þetta fólk ætlar ekki að AXLA ÁBYRGÐ OG FARA FRÁ. Við eigum LÝÐRÆÐISLEGAN RÉTT á að ÞESSI RÍKISSTJÓRN FARI FRÁ VÖLDUM þau eru RÚIN ÖLLU TRAUSTI sem LÝÐRÆÐI BYGGIST á fyrir okkur sem ÞJÓÐ.Landráð er LANDRÁÐ og þar er ekki aftur snúið.Hver vill hafa það á sinni samvisku að hafa ekki bjargað heilli ÞJÓÐ frá GJALDÞROTI? Valda laus Ríkisstjórn er hættuleg  hag ÍSLENSKRAR ÞJÓÐAR.

[Helga Ágústsdóttir (IP-tala skráð) 31.12.2008 kl. 13:26]

Gott er og gaman að sjá...

 hér var ég komin hættulega nærri því að yrkja. Læt staðar numið við það. En ósköp er gott að vita til þess að ég er ekki hrópandinn í eyðimörkinni - í mínum allífis barnaskap.

Svo er nú alltaf jafn sérstakt að við sem förum "inn á Bjarna" skulum nota þetta bloggsvæði til að talast við.

Hugmynd, sem flaug um koll minn:

Væri ekki áhugavert að hittast; við sem höfum verið að spjalla hér? Gæti nú ekki alveg átt sér stað að úr yrði hin besta samkunda?

Varla hörgull á fólki á mælendaskrá - en engu að síður legg ég til að samkundan sú, yrði án allrar yfirborðsmennsku.

Og byrjum á að borða saman og kynnast. Aldrei skyldi t.d. setjast að samningaborðum með tóman maga. Aldrei skyldi heldur hittast í fremur málefnalegum tilgangi, utan þess að vera saddur og sæll hvað líkamann varðar!

Selfoss með hótelið við ána væri hreint öldungis tilvalinn staður. Er ekki hugflæðiráðunautur fyrir ekkert, Bjarni kær.

En þessu er hér með varpað fram til íhugunar - og framkvæmda. Skal ekki láta mitt eftir liggja hvað áhrærir skipulagningu og fleira sem til þarf.

Helga Ág.

Já og hafið endilega í huga að gleði áranna er alltaf fólgin í samskiptum; trausti og einlægum vinskap. Hér færir til bókar "kvensnift" (stolið frá Þórbergi), sem hefur oft staðið í þeim sporum að geta ekki keypt sér kaffibolla, en aldrei glatað vini.

[Helga Ágústsdóttir (IP-tala skráð) 31.12.2008 kl. 13:42]

Gott er og gaman að sjá...

 hér var ég komin hættulega nærri því að smíða limru. Læt staðar numið við það. En ósköp er gott að vita til þess að ég er ekki alein, hrópandinn í eyðimörkinni - í mínum allífis barnaskap.

Svo er nú alltaf jafn sérstakt að við sem förum "inn á Bjarna" skulum nota þetta bloggsvæði til að talast við.

Hugmynd, sem flaug um koll minn:

Væri ekki áhugavert að hittast; við sem höfum verið að spjalla hér? Gæti ekki alveg átt sér stað að úr yrði hin besta samkunda, með spjalli, spðaugi og sagnamennsku af góðum toga?

Varla hörgull á fólki á mælendaskrá - en engu að síður legg ég til að samkundan sú, yrði léttvæg fundin hvað varðar umfjöllun um stjórnmál og stýrikerfi, almennt.

Byrjum á að borða saman og kynnast. Félagslegar sálfræðirannsóknir hafa fyrir margt löngu sýnt, að betur fer á með mönnum sem hafa mettan maga.

Selfoss með hótelið við ána væri hreint öldungis tilvalinn staður. Er ekki hugflæðiráðunautur fyrir ekkert, Bjarni kær.

En þessu er hér með varpað fram til íhugunar - og framkvæmda. Skal ekki láta mitt eftir liggja hvað áhrærir skipulagningu og fleira sem til þarf.

Helga Ág.

Já og hafið endilega í huga að gleði áranna er alltaf fólgin í samskiptum; trausti og einlægum vinskap. Hér færir til bókar "kvensnift" (stolið frá Þórbergi), sem hefur oft staðið í þeim sporum að geta ekki keypt sér kaffibolla, en aldrei glatað vini.

[Hrönn Sigurðardóttir, 31.12.2008 kl. 15:28]

Já þetta er gott viðtal!

Óska þér gleðilegs árs og þakka ánægjuleg samskipti á árinu. 

[Sigurður Rúnar Sæmundsson, 31.12.2008 kl. 15:58]

Mikið vildi ég að stjórmálalíf á Íslandi hefði þróast þannig að menn eins og Páll Skúlason, hefðu sóttst eftir að taka þátt í stjórnun landsins. Kannski væri samt hægt að kalla hann til aðstoðar við að hanna nýjar leikreglur fyrir stjórnsýsluna, sem hlítur að verða krafa kjósenda númer eitt, í væntanlegum kosningum. Það verkefni er ekki hægt að fela núverandi stjórnmálamönnum. Enginn þeirra nýtur nægjanlegs trausts.

Þetta viðtal undirstrikaði í mínum huga, fátækt þjóðarinnar á pólitískum hæfileikum og skynsemi þeirra er valist hafa til stjórnunar.

[Júlíus Björnsson, 31.12.2008 kl. 16:28]

Góð pólitískur leikur hefði verið fyrir stjórnina að stokka upp og fá einhverja sér vitlausari [eða greindari]  til að taka við. Þá myndi sá hryllingur sem er framundan ekki lifa með þeim í huga almennings næstu áratugina, heldur færast á þá sem tækju við. Sumir gætu talað um að eiga sér viðreisnar von. Ég skora á alla að skoða lífshlaup aðila með tilliti til reynslu af jarðtengdri vinnu.  Það hljóta vera einhverjir ofurannarlegir hagsmunir sem eru í húfi fyrst vanhæfir í uppgangi streitast við að fá  almennar óvinsældir til framtíðar.

Á þetta fólk ekki niðja og skyldmenni?

[Árni Gunnarsson, 31.12.2008 kl. 17:10]

Að ávinna sér reiði, hatur og að lokum heift þeirrar þjóðar sem fól þeim umboð sitt í góðri trú. Mér er það eiginlega óskiljanlegt.

Gleðilegt ár!

[Ásdís Sigurðardóttir, 31.12.2008 kl. 18:18]

Kæri bloggvinur, ég óska þér gleðilegs nýs árs og þakka fyrir skemmtileg kynni á árinu megi nýja árið færa þér hamingju og gleði. Kær kveðja  kær kveðja í austurbæinn

[Björn Birgisson, 1.1.2009 kl. 16:37]

Efast um að nokkur einstaklingur njóti meiri virðingar meðal þjóðarinnar en Páll Skúlason. Þjóðin hlustar þegar hann talar.

[Júlíus Kristjánsson (IP-tala skráð) 6.1.2009 kl. 21:53]

En gleimdi ekki Páll ,að minnast á tvo af fyrverandi undirmönnum sínum,sjálfar topp landráða fígúrurnar,,Hannes H Gissurarson og Ragnar Árnason,,,sem enn eru að eitra í H.Í. og víðar.