Varist einangrunarsinna og úrtölumenn

Tveir hópar vaða nú uppi með mestu háreisti. Einangrunarsinnar og úrtölumenn. Sumir eru bæði, sumir  bara annað og fáir tala á móti þessu liði.

Einangrunarsinnar birtast okkur í endalausum áróðri fyrir ESB aðild. Líklega er ekkert sem getur einangrað þjóðina jafn illa eins og einmitt að loka sig inni í tollamúrum þeirra þjóða sem standa verst allra í heimskreppunni. Framtíð okkar viðskipta er ekki síst austur og vestur þar sem blasa við tækifæri við hvert fótmál og hnattstaða okkar gefur ótrúlega möguleika á nýrri öld. Möguleika sem við höfum ekki ef við setjum frá okkur réttinn til að gera fríverslunarsamninga við aðrar þjóðir. Þann rétt hafa aðildarlönd ESB ekki. Svo einfalt er það.

Úrtöluliðið riðlast nú á krónunni (raðhólkast á henni eins og Jóhanna Sigþórsdóttir blaðakona myndi orða það). Það er rétt að krónan er ekki falleg þessa dagana en það er af því að gjaldmiðillinn er spegill hagkerfisins. Meðan það er að rétta við mun krónan margar kárínur fá en hún verður líka okkar öflugasta vopn til viðreisnar. 

Nýlega sagði viðskiptaráðherrann okkar að krónan væri ónýt - sniðugt að vera ráðherra og tala svona - og bætti við að hún hefði alltaf verið ónýt. Ónýt til hvers. Ekki til að byggja hér upp hagkerfi sem okkur Íslendingum tókst betur en nokkurri annarri þjóð í Evrópu og hófum okkur hér frá krónustofnun úr því að vera fátækasta þjóð allrar Evrópu yfir í að vera sú ríkasta. Við fórum út af sporinu síðustu ár,-einmitt þegar við fórum að láta útlendinga stjórna hér í gegnum EES.

Athugasemdir

[Páll A. Þorgeirsson (IP-tala skráð) 2.4.2009 kl. 09:51]

Snýst allt um krónuna í dag.  Hvor krónan er það, þessi venjulega eða þessi verðtryggða. 

Ef ég ætti að leggja dóm á þessa grein, þá teldi ég hana vera skrifaða af "einangrunarsinna" og jafnvel "úrtölumanni"   Bjarni þú fyrirgefur mér það vonandi, það er bara mín skoðun.

[Magnús Helgi Björgvinsson, 2.4.2009 kl. 11:39]

Er þetta ekki einhver öfugmæli:

Einangrunarsinnar birtast okkur í endalausum áróðri fyrir ESB aðild. Líklega er ekkert sem getur einangrað þjóðina jafn illa eins og einmitt að loka sig inni í tollamúrum þeirra þjóða sem standa verst allra í heimskreppunni.

Minni Bjarna á að ESB er með tvíhliða samninga við flest öll lönd sem við skiptum við.

Og síðan er gott að benda honum á hvað Danske Bank sagði í gær.

Lars segir að með gjaldeyrishöftunum hafi Ísland einangrað sig enn frekar frá umheiminum. Jafnframt segir hann stöðu Íslands einstaka og erfitt sé finna hliðstæður í sögunni. Þá segir Lars enga auðvelda leið út úr þeim vandræðum sem íslenska krónan er í. $

Engir erlendir fjárfestar munu þora að fjárfesta á Íslandi þar sem gjaldeyrishöftin koma í veg fyrir að þeir geti flutt fjármagn úr landi aftur segir yfirmaður greiningardeildar Danske bank. Hann líkir Íslandi við Norður Kóreu í efnahagslegum skilningi.

[Kalli Sveinss (IP-tala skráð) 2.4.2009 kl. 12:10]

Félagi Bjarni!

 Minni Magnús Helga á, að Lars danski, hefur áður spáð algjöru þjóðargjaldþroti á Íslandi!

 Sveimér ef maðurinn er ekki kominn af " Stór-Dönum" nítjándu aldar ?!

 ( Mennirnir sem lögðu til að þessa volaða þjóð yrði flutt útá Jótlandsheiðar!!)

 Enn -örlítið um ESB.

 Financial Times birti í liðinni viku ATVINNULEYSI í nokkrum löndum.

Lítum á.:

 Spánn        14,6%

 Svíþjóð       10,2%

 Ítalía           11,4%

 Portugal      12,8%

 FraKKLAND   9,6%

 Þýzkaland     9,4%

 Írland            8,9%

 Hvaða mynt skyldi vera í ofantöldum löndum ??!!

 Gott væri að fá Árna Pál Árnason, Jón Baldvin, já og jafnvel mærina Jóhönnu til að upplýsa fávísa alþýðuna, hvaða mynt ráði í þessum löndum !!

Var einhver að hlæja - eða líklegra að gráta ?? !!

[Magnús Helgi Björgvinsson, 2.4.2009 kl. 12:25]

Og Kalli hafði hann ekki rétt fyrir sér? Eða hvað vilt þú kalla stöðuna hér núna?

[Kalli Sveinss (IP-tala skráð) 2.4.2009 kl. 12:43]

Ágæti Magnús Helgi !

 Vart geturðu samþykkt að ástand Fjallkonunnar sé dauði þúsundanna úr hungri ?

 Þannig er ástand N-Kóreu.

 Danski Lars mætti minnast, að Ísland er ekki kommúnists einræðirríki !

 Menn sem nota samlíkingarorð sem Danski Lars,eru ekki starfi sínu vaxnir !

 Eða sem Rómverjar sögðu.: " Audacter calumniare semper aliquid haeret" - þ.e. "Lýgilega neikvæð ummæli" !!

[Magnús Helgi Björgvinsson, 2.4.2009 kl. 12:46]

Kalli hann segir "Íslandi við Norður Kóreu í efnahagslegum skilningi" Og þar á hann við að hér eru öll viðskipti við útlönd að verða komin í höft og bönn. Og engin vill skipta við okkur í okkar gjaldmiðli.