Kjósum fyrst um stjórnarskrá og ESB-aðild

Það er auðvitað fráleitt að naumur meirihluti Alþingis feli ríkisstjórninni að aðhafast það sem er andstætt stjórnarskrá. Þingmenn eru eiðsvarnir Stjórnarskrá lýðveldisins og ber að hegða sér í samræmi við það. Það er enginn ágreiningur um að ESB-aðild gengur gegn fullveldisákvæðum stjórnarskrárinnar. Þessvegna verður fyrst að breyta Stjórnarskránni og síðan er lágmark að almenningur fái að kjósa um þessa tillögu Össurar Skarphéðinssonar. Staðreyndin er að það er ekki hægt að hefja viðræður nema sækja um og lýsa yfir vilja til að ganga í ESB.

Dettur einhverjum í hug að almenningur sé til í að senda Össur Skarphéðinsson til Brussel með fjöregg þjóðarinnar í jakkavasanum?

Það er reyndar að finna í flokkssamþykktum allra fjórflokkanna ákvæði um að áður en farið skuli í viðræður skuli fyrst efnt til þjóðaratkvæðis. Hvað er að gerast að forystumenn þessara flokka ætli að skauta framhjá því núna...

ESB-tillagan birt

Athugasemdir

[Finnur Bárðarson, 14.5.2009 kl. 20:30]

Ekki bara Össur en nokkra í viðbót þá er þetta komið. Hvað er fjöregg þjóðarinnar? Landbúnaður ríkisins kanski.

[Baldvin Björgvinsson, 14.5.2009 kl. 20:35]

Hvað er fjöregg þjóðarinnar?

[Kolbrún Hilmars, 14.5.2009 kl. 20:44]

Fjöregg þjóðarinnar eru grundvallarhagsmunir Íslands eins og þeir eru taldir upp í þessu einkennilega plaggi.

Allir virðast gleyma því að þessir hagsmunir, og/eða fjöregg eftir atvikum, eru ekki í neinni hættu nema gagnvart ESB aðild.

[Gunnar Rögnvaldsson, 14.5.2009 kl. 21:03]

Fjöregg Íslendinga Íslands er fullveldið og lýðræði lýðveldisins. Ég minni á að Adlof Hitler var kosinn "af þjóðinni". Það er alltaf mjög hættulegt að leyfa þjóðum að kjósa undan sér lýðræðið OG fullveldið. Lýðræðið er á undanhaldi í ESB. Það verður erfitt að fá það aftur til baka þegar það er farið. Evrópusambandið sem er ennþá lifandi (og steindautt) breytist mjög hratt.

 

Það er bara að skella sér í þetta - úr öskunni í eldinn! Drífa í þessu.

Þetta gæti orðið svona álíka og nýtt Víetnam stríð fyrir Íslendinga. Auðvelt að hoppa inn en erfitt að komast úr úr hinni 50 ára löngu bið og þrautargöngu eftir evrunni. Síðasti Íslendingurinn mun geta hent þessari einu evru ofaní kistuna til Jóni í Baldvini sem svo mun beina henni til himnaríkis

 

 

Hvað eru menn eiginlega að hugsa. Eru Íslendingar svona almennt að breytast í aumingja? - og fávita? Var ekki nóg að gera í banka og fjármálabuxurnar?  Á að selja þjóðinni blautar bleyjur núna?

 

 

Eru í ESB:  Deutsche Bank: notið ykkar eigin mynt og fellið gegnið, núna!

 

Eru í ESB : Kranarnir á Spáni benda mest í átt að gjánni

 

Eru í ESB :  Írski hagfræðingurinn David McWilliams: Förum íslensku leiðina. Hendum evrunni

 

Eru í ESB:  Finnskur ráðherra: mistök að Finnland skyldi taka upp evru

 

 

Kveðjur úr ESB

(verð í ESB fram á haustið, því miður. Ekki selja landið á meðan ég er í burtu) 

[Brjánn Guðjónsson, 14.5.2009 kl. 21:19]

hahahah

„Það er enginn ágreiningur um að ESB-aðild gengur gegn fullveldisákvæðum stjórnarskrárinnar.“

þú ert nú meiri grínistinn

[Bjarni Harðarson, 14.5.2009 kl. 21:29]

brjánn; aðeins að fylgjast með. það hafa engir esb-sinnar mér vitanlega haldið því fram að hægt sé að innleiða esb-aðild án þess að breyta fullveldisákvæðum stjornarskrárinnar, þetta er ekkert grín, landráðin í þessu máli eru alveg grímulaus...

[Guðmundur Jónas Kristjánsson, 14.5.2009 kl. 21:54]

Sammála Bjarni, og vísa til bloggs míns um sama efni.  Hvet þar til
stofnunar FLOKKS þjóðlegra afl. Áður var þörf, nú er NAUÐSYN!

[Sævar Finnbogason, 14.5.2009 kl. 23:05]

Það sem þú ýmsir eruð að gera með því að biðja um atkvæðagreiðslu um að fara í viðræður um samning sem síðan þarf hvort eð er að fara í þjóðaratkvæðagreiðslu er bara tilraun til að þvæla málinu í algerri rökleysu. Þetta er það sem ég kalla þjóðaratkvæða-þóf

Við höfum býsna góðar upplýsingar um að meirihluti þjóðarinnar vill fara í aðildarviðræður.

Við verðum ekki aðillar að ESB við það eitt að fara í viðræðurnar svo ef samningurinn verður ekki nógu góður verður hann varla samþykktur.

[Hans Haraldsson (IP-tala skráð) 14.5.2009 kl. 23:44]

Sævar: Við höfum líka býsna góðar upplýsingar um að meirihluti þjóðarinnar vilji ekki sækja um aðild - sem bendir til þess að ekki hafi farið fram nægileg umræða um málið (við höfum líka býsna góðar upplýsingar um almennt áhugaleysi um þessi mál úr viðhorfskönnunum meðal kjósenda sem er líklegasta ástæðan fyrir því að stór hluti þjóðarinnar virðist ekki vita að viðræður eru eitthvað sem kemur í kjölfar umsóknar).

Málið er of stórt og mikið til þess að afgreiða það allt í 6 mánaða umræðu áður en kosið er um samning og það er ekkert málþóf að vilja viðhafa vönduð vinnubrögð þegar ákvörðun er tekin sem er bæði risastór og bindandi fyrir komandi kynslóðir.

[Sævar Finnbogason, 15.5.2009 kl. 00:05]

Ég verð að vera ósammála þessarri greiningu þinni Hans.

Bæði hefur farið fram allnokkur umræða um ESB og ólíklegt er að aeins taki 6 mánuði að semja. Jafnvel þó svo væri er ekki nauðsynlegt að greiða atkvæði um samninginn fyrr en hann er orðinn vel kynntur og persónulega er ég talsmaður þess og hef skrifað um það víða. Sjá hér: http://savar.blog.is/blog/savar/entry/877353/

Bæði finn ég það á fólki og einnig sýna kannanir að fólk er almennt tilbúið til að fara í samningaviðræður að því gefnu að fram fari þjóðaratkvæðagreiðsa um samninginn og inngönguna. Það er lykilatriði að standa vel að kynningunni, en bendi líka á að umræðan um ESB hefur ekki þroskast meira en raun ber vitni vegna þess að málið hefur ekki verið "raunverulegt" fyrr en nú.

Af skrifum þínum vænti Ég þess og blátt áfram treysti því að fólk eins og þú murir tryggja að þessi umræða verði mikil og málefnaleg. Og ég skal gera mitt til að svo verði

[Sævar Finnbogason, 15.5.2009 kl. 00:11]

Bjarni skrifaði: það hafa engir esb-sinnar mér vitanlega haldið því fram að hægt sé að innleiða esb-aðild án þess að breyta fullveldisákvæðum stjornarskrárinnar, þetta er ekkert grín, landráðin í þessu máli eru alveg grímulaus...

 Hárrétt. Breyta þarf stjórnarskránni til að "vera í ESB" en ekki til að fara í viðræðurnar. Ég held að flestir geti verið sammála um það. Hvur eru þá grímulausu landráðin? Að fá samning á borðið til að kjósa um?

[Guðrún María Óskarsdóttir., 15.5.2009 kl. 00:12]

Sæll Bjarni.

Hafi menn rætt um valdaoffar fyrri ríkisstjórna, þá er ég ansi hrædd um að þessi stjórn ætli að hefja tíð sína með nákvæmlega því hinu sama í þessu efni.

kv.Guðrún Maria.

[Gunnlaugur B Ólafsson, 15.5.2009 kl. 00:15]

Hin alltumvefjandi kjölfesta lýðræðis er að virka. VG hjálpar til í endurreisn samfélagsins, en Borgarahreyfing og Framsókn munu ná lendingu með Samfylkingu um á hvaða forsendum verði farið í aðildarviðræður. Það sem er best í þessu er sú staðreynd að Sjálfstæðisflokkurinn er óþarfur. Enda virðist Bjarni Benediktsson ætla að halda uppi flokksaga og spilla fyrir því að þingmenn þeirra greiði atkvæði eftir eigin samvisku. 

[Hans Haraldsson (IP-tala skráð) 15.5.2009 kl. 01:54]

Sævar: 6-12 mánuðir er tímaramminn sem talað hefur verið um til þess að kynna málið eftir að samningsgerð er lokið.

En hvað er eiginlega að því að kynna þau atriði sem ekki er hægt að semja um (þátttaka í ytra tollasamstarfi, orkustefnu, skattastefnu, dóms- og lögreglumálastefnu, utanríkisstefnu, varnamálastefnu)  og ganga úr skugga um að þjóðin sé sátt við það allt saman áður en mikill embættismannaher er sendur til þess að komast að raun um nákvæmlega hvaða sérlaunir og e.t.v sérstöðuviðurkenningar bjóðast í landbúnaðar- og fiskveiðimálum.

Það vita það allir að ESB semur ekki sérsamning í hverjum einasta málaflokki. Verulegar tilslakanir (sérstöðuviðurkenningar og sérlausnir - ekki undanþágur) bjóðast í mesta lagi í 2-3.

Ef menn hafa ákveðið hvaða málaflokkum þeir ætla að einbeita sér í samningaviðræðunum þá er ekkert því til fyrirstöðu að ræða hina og sjá hvort þar sé eitthvað sem stendur í mönnum.

[Óskar (IP-tala skráð) 15.5.2009 kl. 09:26]

Lúpurnar sem eru búin að gefast upp og sjá ekki gullin okkar sem við eigum og mun gera okkur fremst meðal þjóða í seilingarfjarlægð, meiga ekki í aumingjaskap gefa frá okkur okkar stolt og fullveldi.

ég lýsi frat á samfylkinguna fyrir aumingjaskap.

[Gunnlaugur Ingvarsson (IP-tala skráð) 15.5.2009 kl. 14:33]

Allt er þetta með hreinum ólíkindum hvernig þessu rétttrúnaðarlið úr Samfylkingunni hefur nú tekist að koma þessari ESB ár sinn fyrir borð, þrátt fyrir aðeins 29,8% fylgi meðal þjóðarinnar.

Og að VG skuli standa hjá algerlega óvirkir með hina árina meðan Össur snýtir þeim er þyngra en tárm taki.

Allt hitt þingliðið er meira og minna með sömu ESB kveisuna og virðist lítið ætla að gera til þess að skjóta þessu máli þá alla vegana fyrst til þjóðarinnar, sem hefði auðvitað verið sanngjarnast og kanski eina raunhæfa sáttaleiðin.

Nei ESB sinnum er ekkert heilagt í hrokanum, þeir láta alltaf eins og við andstæðingar ESB aðildar séum varla til og að þeir örfáu séu aðeins einhverjir örfáir sérvitringar, þeir séu hinn eini og sanni breiði meirihluti þjóðarinnar.

Mér er nú samt ekki örgrannt um að þessi foráttu hroki þeirra eigi á endanum eftir að koma þeim illilega í koll.

Ég er foxillur útí forystu VG sem mér finnst hafa sofið illilega á verðinum. 

Ég vil þó ekki alveg afskrifa VG strax a.m.k. fyrst vil ég fá að sjá hvort að ekki verði eitthvert lið eða einhver viðspyrna í þeim í þessu sorglega ESB máli.

1. Hvernig ætla þeir að greiða atkvæði í þessum málum og við skulum líka sjá hvort þeir ætli sér að vera áfram bara fótaþurrkur Samfylkingarinnar í þessu máli. - Þá eru þeir búnir að vera sem alvöru stjórnmálaflokkur.

2. Hvernig ætla þeir að haga því hvernig samninganefndin verður skipuð. Verða þar kanski bara JÁ bræður Össurar handvaldir af honum. Kanski líka ESB launaðir sendifulltrúar frá Evrópusetrunum og svo já bræður frá SA og Verkalýðsrekendum. Mikið talað um hagsmunaaðila í þingályktunartillögunni.

3. Hvernig á að tryggja það að fyrirhugaður samningur fái hlutlausa umfjöllun og ekki síst það að fjölmiðlar fjalli hlutlaust um málið.

4. Hvernig á að tryggja báðum fylkingum opinbert fjármagn til þess að kynna kosti og galla samningsins á hlutlægan hátt.

5. Hvernig á að tryggja það að sjálft ESB og öðrum samtökum eða erlendum aðilum sé ekki heimillt að nota fjármagn í ESB auglýsingar og áróður hérlendis. Hvorki beint eða óbeint.

6. Hvernig á að tryggja það að samninganefnd Íslands sé ekki heimillt að taka við gjöfum, tilhliðrunum, lánum eða öðrum skuldbindandi hlutum hvorki fyrir sjálfan sig né fyrir hönd Íslands meðan á samningaferlinu stendur.

7. Er ekki hægt að fara fram á aukinn meirihluta þegar svona stórt mál er í gangi gagnvart þjóðinni og auk þess beint valdaafsal.

8. Eflaust ýmislegt fleira sem þarf virkilega að huga að. Alla vegana treysti ég alls ekki Samfylkingunni í þessu máli á neinn hátt. Þeir eru algerlega"non grada" í þessu máli og þá í öllum málum því þetta er nánast þeirra eina mál.

VG gætu nú eftir alla eftirgjöfina og svikin reynt að standa þá vaktina í þessum málum þá liði manni kanski aðeins skár.

En maður er alveg hættur að verða hissa í þessu máli    

[Ísleifur Gíslason, 15.5.2009 kl. 16:28]

Samtök Fullveldissinna hafa þegar stofnað stjórnmálaflokk til að berjast gegn þessu brjálæði.

Sjá http://sunnlendingur.is/frettir/news_details/852

[Guðmundur (IP-tala skráð) 15.5.2009 kl. 16:40]

Hver borgar Gunnari Rögnvaldssyni laun? Hvernig hefur hann tíma og pening til að halda úti heilum vef í ESB-hatur með alskyns heimatilbúnni glamúr-útrásar grafík. Svo segist maðurinn búa í ESB skelfingunni í Danmörku í 24 ár en ekki hvarflar að honum að flytja heim og útúr ESB, er hann haldinn kvalarlosta?

En Gunnar Rögnvaldsson verður að upplýsa hvernig hann fer að því að starfa alla daga sem heil auglýsingastofa með það eitt verk árum og mánuðum saman að skálda hræðsluáróður uppá ESB. - Hver borgar? - Og segðu satt! - Og hversvegan velur þú velferðar ESB/Danmörku en kemur ekki litla ljóta bossanum til Íslands útúr ESB fyrst það er svona skelfilegt þarna í Danmörku sem missti þá fullveldi sitt og er ekki sjálfstæð síðan 197?

[Tómas Ibsen Halldórsson, 15.5.2009 kl. 16:41]

Hvorki Sandfylkingin í öllu sínu veldi eða Alþingi hafa stjórnlagalega heimild til að sækja um aðild að ESB, það væri brot á stjórnarskránni, en Sandfylkingunni finnst það ekkert tiltökumál, fylkingin er ekkert óvön því.  Ég held því blákalt fram að umsókn að ESB án þess að þjóðin hafi um það að segja jafngildi landráði.  Að hafa áhyggjur af því að það taki langan tíma ef farið yrði í tvöfaldar kosningar er hjákátlegt þegar um fullveldi þjóðarinnar er að tefla.  Við verðum að gefa okkur góðan og yfirvegaðan tíma til að skoða hlutina vel og vandlega áður en ákvörðun um aðildarumsókn er tekin.

Eitt stórt atriði vantar í umræðuna, en það er stjórnarskrá ESB eða það sem sumir kalla Lissabonsáttmálann.  Það verður að fá þá stjórnarskrá (sáttmála) vandlega þýdda á íslensku með útskýringum sem þarf til, prenta í nógu mörgum eintökum og dreifa á öll heimili í landinu.  Við verðum síðan að fá góðann tíma til að kynna okkur plaggið til þess að þjóðin geti tekið upplýsta afstöðu til málanna, annað er ekki boðlegt.

[Guðmundur (IP-tala skráð) 15.5.2009 kl. 16:44]

Gunnlaugur, ekkert er hrokafyllra en þjóðremban. – Og ekkert birtir grimmd mannsins af meiri ofsa en þjóðremban. - Ekkert er því mikilvægara að útrýma en þjóðrembu allra landa.

[Guðmundur (IP-tala skráð) 15.5.2009 kl. 16:48]

Guðmundur, „sáttmálinn“ sem var upphaflega Rómar-sáttmálinn er alltaf stofnskrá og þar með stjórnarskrá ESB. Með Lissabon útgáfunni af sáttmálanum er reynt að þynna stjórnarskrárhlutann og gera hluta sáttmálans að almennum reglum.

Allar stofnanir, félög og samtök eiga sína stofnskrá / grunnlög /stjórnarskrá. Það gerir ekki félag að ríki.

[Kolbrún Hilmars, 15.5.2009 kl. 19:54]

Guðmundur,  íslensk þjóðremba hefur ekki orðið neinum manni að fjörtjóni að ég best veit.   Í hverju felst hinn ofsalega grimmd sem þú vilt meina að felist í íslenskri þjóðrembu?

[Ómar Bjarki Kristjánsson, 15.5.2009 kl. 20:52]

Já já.  Það er fjör í þessu.

Veit ekki, málið með svokallaða esb andstæðinga að þeir eru ekkert á jörðinni.  Þeir eru faktískt að tala úr einhverri ýmindaðri veröld sem er ekkert til í raunveruleikanum.  Þessvegna er þeirra hugarheimur ekkert, eða að takmörkuðu leiti á umræðugrundvelli. 

Þeirra heimur er þannig að esb er eitthvað ógurlegt skrímli sem bíður bak við næsta göruhorn eftir að hremma ísland eða "fjöreggið" eða hvaða fantasíu menn búa til í það og það skiptið.

Það að gerast aðili að esb er ekkert stórmál.  Bara eðlileg þróun.  Við erum með annan fótinn inni og giska eðlilegt er að færa hinn fótinn inn líka.  Frjósa ekki milli stafs og hurðar.  Beisikallí átti fyrir langalöngu að vera búinn að klára skrefið.  Langalöngu.

Sumir andstæðingar esb eru meir að segja það langt leiddir að þeir vilja taka fótinn út sem nú þegar er inni.  Ótrúlegt hugmyndaflug.

Nei, eg skal segja ykkur það að allt of mikið er gert úr þessu blessaða esb máli.  Það er ekkert að óttast.  Við erum einfaldlega að fara að taka þátt í samstarfi fullvalda lýðræðisríkja um sameiginlega hagsmuni.  Það eru nú öll ósköpin.

[Árni Gunnarsson, 15.5.2009 kl. 21:46]

Ég er sammála Ómari Bjarka um að ýmsir þeirra sem taka mest til máls í þessari ESB deilu eru ekki á jörðinni. Reyndar eru þeir víðs fjarri jörðinni í þeim yfirfærða skilningi. En við Ómar erum ósammála um það hverjir það eru.

En nú eru Kínverjar langt komnir með að hreinsa alla þjóðrembu úr Tíbetum og Nepalbúum. Þeir gerðu það reyndar "á sinn hátt!"

Mér finnst það hart að mega ekki selja skreið til Afríkuríkja nema með leyfi frá ESB og yfir höfuð að afsala okkur frjálsum viðskiptasamningum.

Undir dönsku krúnunni leyfðist Íslendingum ekki að versla við franska, hollenska, spánska og enska duggara og lá Stóridómur við með hengingum, höfuðmissi og viðlíka bjargráðum. Þá dreymdi Íslendinga um frjáls viðskipti við aðrar þjóðir og fögnuðu þegar verslunaránauð var létt eftir langa harmsögu.

Ekkert er smáþjóð mikilvægara en vinsamleg og óþvinguð sambönd við allar þjóðir og í öllu tilliti. En það er undarleg innilokunarkennd sem þjakar margan kratann í dag sem kallar það einangrun að hafa aðeins ein lög í eigin landi. 

[Gunnar Rögnvaldsson, 16.5.2009 kl. 01:19]

 

Hver borgar Gunnari Rögnvaldssyni laun? Hvernig hefur hann tíma og pening til að halda úti heilum vef í ESB-hatur með alskyns heimatilbúnni glamúr-útrásar grafík. Svo segist maðurinn búa í ESB skelfingunni í Danmörku í 24 ár en ekki hvarflar að honum að flytja heim og útúr ESB, er hann haldinn kvalarlosta?

 

En Gunnar Rögnvaldsson verður að upplýsa hvernig hann fer að því að starfa alla daga sem heil auglýsingastofa með það eitt verk árum og mánuðum saman að skálda hræðsluáróður uppá ESB. - Hver borgar? - Og segðu satt! - Og hversvegan velur þú velferðar ESB/Danmörku en kemur ekki litla ljóta bossanum til Íslands útúr ESB fyrst það er svona skelfilegt þarna í Danmörku sem missti þá fullveldi sitt og er ekki sjálfstæð síðan 197?

=============================== 

 

 

 

Þakka þér fyrir hrósið kæri Guðmundur.

 

Mér þykir vænt um að heyra að vinna mín skuli skila þeim árangri að þú álítir að þarna standi heil "auglýsingadeild" á bak við. Það krefst hæfileika að láta menn fá það á tilfinninguna að á bak við einn mann standi heill her. Þetta er alveg öfugt við þá tilfinningu sem maður fær við það að lesa og horfa á íslenska fjölmiðla þegar þeir fjalla um Evrópusambandsmálefni Íslands. Þá fær maður á tilfinninguna að á bak við heilann hér af fullvöxum pelabörnum standi aðeins einn maður eða jafnvel tveir - og borgi og borgi og borgi. Mín eigin og persónulega útgerð er ekki rekin svona.    

 

Já það er kanski ótrúlegt að einhver skuli unna fósturjörð sinni svo mikið að hann leggi jafnvel á sig töluverða ólaunaða vinnu til að reyna að koma í veg fyrir að illa upplýstir kjánar Íslands selji landið mitt fyrir einn túkall með gati og bindi jafnvel þar með enda á tilveru íslensku þjóðarinnar um alla framtíð. Einungis sökum vanþekkingu, kjánaskapar og stjórnmála. Við höfum þó séð svona fyrirbæri áður.

 

Sagan er reyndar sú Guðmundur að ég HEF búið og rekið fyrirtæki í ESB í 25 ár. Ég er ennþá í business vegna þess að ég þekki minn leikvöll. Útrásarvíkingar Íslands þekktu ekki þennan leikvöll og fóru á hausinn. Ég hef talað við suma þeirra og alltaf orðið jafn skíthræddur. Harðinn var svo mikill að lítil sem engin heimavinna fór fram. Þeir hentu sér og þjóðinni bara út í þetta. Alveg eins og á að gera með allt landið okkar núna, - henda því inn í Evrópusambandið, henda því í ruslið. Þeir eru á hausnum núna og tóku hluta af þjóðinni með sér sem gísla. EN, þeir eru sem sagt ekki í business ennþá. En það er ég hinsvegar, þó lítill sé. Bjarni Harðarson er einnig í business ennþá, með bækurnar sínar. Þær hef ég einnig lesið margar og helst til mikið af leiðinlegum tölum um framtíðarhorfur Evrópusambandsins. Þessar tölur koma svo heim og saman við það landakort sem ég hef keypt dýrum dómi af Evrópusambandinu í formi reynslu minnar  

 

En allir gera mistök. Ef engin gerast mistökin þá þýddi það aðeins að enginn myndi nokkurntíma gera neitt = væri dauður. Ég lærði hinsvegar mikið á mínum eigin mistökum og hef einnig þurft að greiða fyrir þau dýrum dómi, svo já, þetta er kölluð reynsla. Hana sel ég núna í formi ráðgjafar. Reynsla pökkuð niður í kassa og send inn í heila þeirra sem kaupa hana. Þetta er nokkurskonar forritun. Heilaforritun. 

 

Yfirgnæfandi merihluti þeirra Íslendinga sem reyna fyrir sér í útlöndum verða fyrir miklum áföllum þegar þeir upplifa þær aðstæður og kjör sem þegnar þessa markaðar búa við. Yfirleitt vilja þeir alls ekki deila kjörum með þeim. Því ungir Íslendingar eru ekki vanir svona harðindum sem oft er að finna hér í útlöndum og þessum blessuðum mörkuðum okkar í útlöndum. 

 

En sem sagt ég vinn við það alla daga að aðstoða og ráðgefa litlum íslenskum fyrirtækjum og einstaklingum (og einstaka sinnum einnig stórum fyrirtækjum) um rekstur, markaðsfræslu og landvinninga í einmitt Evrópusambandinu. Daglegur rekstur er ekkert smáræði að fást við á erlendri grundu þegar maður þekki ekki smáaletur málsins. Þess vegna veit ég ýmislegt sem margir Íslendingar virðast alls ekki vita um fólk og markaði Evrópusambandsins. Sér í lagi vita fjölmiðlar Ísland ekki neitt. En það versta er þó að þeir vita ekki að þeir vita ekki neitt. Þeir eru það sem kallað er clueless. 

 

Sem dæmi höfum við talað persónulega við ca. 50.000 viðskiptavini og íbúa í Evrópusambandinu í gegnum árin frá því 1989. Símtöl og persónuleg samtöl við 50.000 manns taka tíma og kosta. Við höfum upplifað súrt og sætt með þeim. Okkur sjálfum hefur gengið bæði upp og niður. En það merkilega er þó að hafa setið hér í 25 ár og horft uppá Íslendinga verða ríkari og ríkari allann tímann, án þess að þeir sjálfir hafi tekið eftir því. Þegar þeir koma svo hingað þá hvera þeir oft á brott með orðunum "ég læt ekki bjóða mér svona lagað".

 

Ég veit þess vegna með algerri vissu að Ísland yrði einungis fátækara á því að ganga í Evrópusambandið. Ísland myndi fá Eurosclerosis og enda sem Suður Ítalía norðursins. 

 

En núna erum við hjónin frjáls aftur. Börnin orðin stór og flutt að heiman. Þessvegna pökkum við saman og flytjum heim með allt draslið. Heim til þín og Íslands, Guðmundur. Í haust (ef kofinn selst nógu hratt). Nóg er nóg. Við kjósum því með fótunum núna og flytjum. 

 

Má ég spyrja þig að því hvað þú sért að gera á Íslandi?

 

Kveðjur