Magnþrungin örlög og finnskur frásagnamáti

Yfir hafið og í steininn er merkileg bók um harmræn og magnþrungin örlög en hvorki harmræn né magnþrungin bók um merkileg örlög.

Hvernig ætla ég að rökstyðja þessa fullyrðingu kann einhver að spyrja svo mótsagnakennd sem hún er, eða er einhver munur á magnþrungnum örlögum og merkum eða því sem er merkilegt og því sem magnþrungið. Jú, hér er sögð saga af þjóð Ingerlendinga sem flýr miskunnarlausa útrýmingu Stalínismans sem nær krumlu sinni inn í Finnland með friðarsamningum í lok stríðsins. Örlög okkar flestra eru í einhverju merkileg en örlög þessa fólks eru eitthvað miklu meira, þau eru magnþrungin og harmræn. 

Við komumst næst þessum veruleika þegar Ingerlendingar sem fara austur yfir lofa að skrifa til baka og vitandi að Bería les allan póstinn hafa þeir fyrir dulmál að ef allt er í lagi er ástandið gott en ef það er slæmt að frétta þá muni þeir segja að allt sé í allra besta lagi. Og svo koma póstkortin með fréttum um að allt sé í allra besta lagi.   

En í stað þess að höfundur geri annars mikið úr þeirri neyð og dauðans alvöru sem flóttinn stendur fyrir er sagt frá siglingum finnskra smábænda yfir Helsingjabotn af slíku fálæti að stundum veltir maður fyrir sér hvort höfundurinn sé algjörlega dofinn fyrir hryllingnum sem er handan landamæranna.

Sumpart fannst mér þetta ríma við afar óviðeigandi léttúð sem var yfir umræðunni um örlög Ingerlendinganna þegar Egill Helgason ræddi við höfundinn Tapio Koivukari í Kiljunni um daginn, rétt eins og það væri bara eitthvað broslegt við það að Stalín hefði drepið alla sem hann náði í. 

En kannski er þetta eðlilegur finnskur frásagnarmáti af stórmælum. Og þrátt fyrir þetta fálæti og kæruleysisbrag sem á stundum einkennir söguna þá tekst höfundi stórvel að fara með lesendur sína í stórsjó, lífshættur og inn í finnskar knæpur þar sem við förum allaleið í óæðri endann.

Áhugaverð bók um enn áhugaverðari atburði.

Athugasemdir

[Eiríkur Örn Norðdahl (IP-tala skráð) 21.11.2009 kl. 19:02]

Með fullri virðingu, Bjarni, þá held ég að það þurfi ekki að kenna Finnum nokkurn skapaðan hlut um heimsins harm - hvað þá að hann sé dauðans alvara. En viðhorf þeirra til harmsins er ekki sérlega væmið, það er alveg rétt, og það væri undarleg lygi af hálfu Tapio hefði hann skrifað tilfinningasama íslenska harmkvælasögu um finnskan raunveruleika.

[Kalli Sveinss (IP-tala skráð) 22.11.2009 kl. 15:03]

Félagi Bjarni !

 Verum hreinskilin - saga Ingerlindinga framandi Íslendingum.

 Þekkjum hinsvegar vel sögu Gullags Stalíns og Beria -

 Þekkjum vel sögu vetrarstríðsins, þegar Laxness 1.desember 1939, prísaði innrás Sovétríkjanna í Finnland !

 "Nobelinn" kom í framhaldi !

 Lestu bækur sagnfræðingsins Simons Sebag Montefiore, fyrst "The Court of the Red Tsar", síðan bókina sem var að koma út á íslensku " Stalín ungi".

 Báðar þessar bækur ættu allir "vinstri-grænir" að biðja um í jólagjöf - eða gert að skyldulesa !

 Eftir lesturinn kysu þeir allir vafalítið íhaldið !

 Forysta Sovél-kommúnismanns samanstóð af skeppnuskap, eða það sem Rómverjaer kölluðu.: " Animal rationale" - þ.e. Mannskeppnur" !!

[Bjarni Harðarson, 22.11.2009 kl. 16:31]

Kæri Kalli,- ég las Stalín unga á ensku sl. vetur og var aldrei fjær því að kjósa íhaldið!

[Kalli Sveinss (IP-tala skráð) 22.11.2009 kl. 17:20]

Félagi Bjarni !

 Bogi Ólafss., " Lærða skólans" EKKI kennt þér ensku !!

 Bros & kveðjur,

 " Kalli".

[642-533 (IP-tala skráð) 12.2.2010 kl. 05:11]

Thanks for sharing nice information with us.

[avaya certification (IP-tala skráð) 12.2.2010 kl. 05:14]

I like your site its interesting one.

[ccda (IP-tala skráð) 12.2.2010 kl. 05:15]

i like this.