Góður Nóbill

Mario Vargas Llosa hlaut nóbelsverðlaunin í gær og er afar vel að þeim kominn. Þegar ég þvældist um Perú um árið las ég nokkrar af bókum þessa frábæra höfundar. Seinna hér heima þá einu sem hefur mér vitanlega verið þýdd á íslensku, bókina um Pantaleon og sérþjónustuna. Hún er sínu lökust af þessum Vargas bókum en nú bæta íslenskir útgefendur örugglega hér úr og þýða meira eftir kallinn.  Ég mæli sérstaklega með bók hans um Dóminikanska lýðveldið, Feast of the goat minnir mig að hún heiti.

Skondið að á sama tíma og þessi gamli stjórnmálarefur fær nóbilinn þá eru efst í bókabúðum hér krimmar eftir nöfnu hans frönsku skáldkonuna Fred Vargas. Þeir eiga áreiðanlega eftir að njóta góðs af! Ég veit ekki til að þessi tvö séu skyld og allavega er Mario helst til ungur til að vera pabbi þeirrar frönsku. En þriðji rithöfundurinn með þessu nafni er  Álvaró Vargas Llosa sonur Nóbilhöfundarins nýbakaða. 

Athugasemdir

[Glúmur (IP-tala skráð) 8.10.2010 kl. 12:52]

Nobelinn

[Glúmur (IP-tala skráð) 8.10.2010 kl. 12:56]

Eða:

Nobel (eða Nobell, frb. [no:bedl])

Nobel

Nobli

Nobels

[Ben.Ax. (Benedikt Jóhannes Axelsson), 9.10.2010 kl. 00:06]

Þakka skemmtilega umfjöllun um nóbelprísinn sem fáir muna eftir höfundi nema í eina eða tvær sekúndur. Mario Vargas Llosa, þetta hljómar í mín eyru eins og hugsanlega Halldór Kiljan Laxness í eyru svefnþyrstra barna í Indó Kína eða á Langanesi árið 1944!

[Bjarni Harðarson, 9.10.2010 kl. 11:23]

Nóbill er íslenskun Glúmur, man ekki hvar ég rakst á hana fyrst en þetta orð fellur að íslensku beygingarkerfi, þetta er karlkyns orð, hér er nóbill... beygist svipað og t.d. skutull.

[Vendetta, 9.10.2010 kl. 17:33]

Kanntu þá spænsku, Bjarni?

[Vendetta, 9.10.2010 kl. 17:45]

Það er rétt að Fred vargas er ekki skyld Jorge Mario Pedro Vargas Llosa. 

Eftirnafnið Vargas, annað hvort sem fyrsta eða annað eftirnafn, er mjög útbreitt í Rómönsku Ameríku, þannig að líkurnar á skyldleika milli tveggja frægra persóna með þetta eftirnafn eru mjög litlar.

Sjá: http://en.wikipedia.org/wiki/Vargas_(surname)

Auk þess er Fred Vargas pennanafn glæpasagnahöfundarins Frédérique Audoin-Rouzeau, sem hefur engin tengsl við Suður-Ameríku, en tók Vargas-nafnið úr gamalli bíómynd.

[Eiríkur Ágúst (IP-tala skráð) 10.10.2010 kl. 15:16]

Sæll Bjarni. Þú gleymir ágætri þýðingu Sigrúnsr Á. Eiríksdóttir á "Hver myrti Móleró?". Og nú verður vonandi eitthvað meira þýtt eftir Llosa.

[Bjarni Harðarson, 11.10.2010 kl. 13:41]

Já þessi þýðing Sigrúnar hefur farið framhjá mér - en bara svo það sé á hreinu þá kann ég ekki staf í spænsku þó konan mín tali hana reiprennandi. Ég hef bara lesið kallinn í enskum þýðingum.