Þegar rólegheitin ríða manni að fullu...

Hef verið hálfvegis slappur af flensu í heila viku en haldið mér uppi á keyrslunni. Í dag var rólegheitadagur og ég var eins og svo oft á laugardögum í hlutverki kaffidömu í Bókakaffinu mínu fram til klukkan fjögur. Náðugt starf miðað við darraðardans þess að vera Framsóknarþingmaður.

En það fór líka svo að þessi rólegheit riðu mér að fullu því nú helltist flensan yfir mig að fullu og einhverjir höfðu orð á að ég hefði líklega verið í of nánu sambandi við ónefndan Reyvískan hreppsnefndarmann sem líka ku hafa flensu. Hefi reyndar eins og

þjóðin látið duga að sjá hreppsnefndarmennina í sjónvarpi en flensan er búin að liggja hér í húsi undanfarna daga. Í stað þess að standa nú í Laugardalshöllinni og dá meistara Megas á stórtónleikum er ég undir sæng heima á Sólbakka og verð víst að slá á frest fyrirhugaðri sláturgerð á morgun. En það er líka ósköp ljúft að vera þannig bundinn heima hjá sér þar sem ég næ yfirleitt alltof fáum stundum.

Síminn hefur verið óvanalegur rólegur þrátt fyrir margskonar REI fréttir en þó hefi ég talað við Framsóknarfólk sem er á tánum með að ganga úr flokknum vegna frétta daganna. Skil það vel en hefi talað

fólk á að bíða um sinn. Nú skiptir miklu að flokkurinn taki sér tak þannig að heiðarlegu framsóknarfólki finnist því áfram líft í okkar gamla góða flokki. Guð gefi að vel fari.

Birti hér með myndir frá bókakaffinu mínu sem teknar voru á ársafmælinu um sl. helgi.

Athugasemdir

[Helga R. Einarsdóttir, 13.10.2007 kl. 21:58]

Ja hérna - þegar farið er að biðja til Guðs á laugardegi, er ég hrædd um að flest sund séu að lokast.

Láttu þér batna og stattu með sjálfum þér. kv. 

[Gunnar Th. Gunnarsson, 13.10.2007 kl. 22:49]

Einhver framsóknarflensa í gangi?

[Magnús Jónsson, 13.10.2007 kl. 23:01]

láttu þér nú batna Bjarni/

brátt mun létta til.

Því þó pólitíska veðrið harðni/

verður framsókn áfram til.

[Haraldur Haraldsson, 14.10.2007 kl. 01:05]

Bjarni láttu þer battna/Halli gamli

[Einar Vignir Einarsson, 14.10.2007 kl. 09:46]

Sæll Bjarni.  Láttu þér batna, vegna þess að þín bíður mikil vinna í að berja saman flokkinn.  Ég er þér innilega sammála, og styð þig í því.

[Heimir Lárusson Fjeldsted, 14.10.2007 kl. 10:00]

Varstu að kyssa Binga?

[RagnaB (IP-tala skráð) 14.10.2007 kl. 18:51]

Er þetta bara ekki hálfgerður flensumeirihluti í Reykjavík.Var ekki Bingi bara með hálfgert óráð í öllum þessum farsa.Láttu þér batna Bjarni.