Tíminn er kominn!

Minn tími mun koma, er ein frægasta yfirlýsing stjórnmálamanns frá seinni árum en hana gaf Jóhanna Sigurðardóttir þegar hún laut í gras fyrir Jóni Baldvini fyrir margt löngu. Og síðan hefur Jóhanna átt langt og merkilegt pólitískt líf. Og rís kannski hærra í dag en nokkru sinni.

Henni er í dag teflt fram sem þeim sterkasta á öllu þinginu og má svo sannarlega segja að hennar tími sé kominn. Vel má vera að Ingibjörgu Sólrúnu hafi tekist að snúa taflinu snilldarlega,- lítur þannig út í augnablikinu og spennandi að sjá hvernig útspilið virkar á Steingrím J.

Athugasemdir

[Ásdís Sigurðardóttir, 26.1.2009 kl. 13:45]

Já, þetta eru spennandi tímar.

[Ragnar Ólafsson (IP-tala skráð) 26.1.2009 kl. 14:03]

Hvimleið þessi dýrkun á Jóhönnu Sigurðardóttur. Nú situr hún í félagsmálaráneytinu og gerir ekkert fyrir lánþega íbúðalánasjóða en að bjóða þeim að gerast leigjendur á eigin húsnæði. Hún stýrir gríðarlegri eignaupptöku, sem á endanum verður Sjálfstæðisflokknum tilefni til enn einnar einkavæðingarinnar. Einhvern tíma þarf jú að einkavæða allt eigansafnið, íbúðirnar sem komnar verða í eigu ríksins undir forystu Jóhönnu. Svo eru menn alltaf að eigna Jóhönnu hið besta.... "Það góða sem ég vil, það geri ég ekki, en hið illa, sem ég vil ekki, það geri ég...." Svona málflutningur gengur ekki. Hún ber ábyrgð. Hennar tími er liðinn.

Ragnar Ólafsson

[Sigrún Jónsdóttir, 26.1.2009 kl. 14:03]

Sammála.

[Sigurgeir Jónsson, 26.1.2009 kl. 14:41]

Það var athyglisvert að Ingibjörg hélt forsætisráðherraefninu kyrfilega inni í skápnum þessa daga sem verið var að ræða líf stjórnarinnar og líka í viðræðunum við Geir í dag og á blaðamannafundunum.Allt leikaragangur.Tími Jóhönnu kom og fór.

[Ibba Sig. (IP-tala skráð) 26.1.2009 kl. 14:47]

Ragnar...ástæða þess að Jóhanna gerir ekkert er sú að hendur hennar hafa verið bundnar af Sjálfstæðisflokknum og dýralækninum í fjármálaráðuneytinu. Það er ein af stóru ástæðum þessa stjórnarslits, Samfylking sætti sig ekki lengur við þetta aðgerðarleysi í málefnum heimilanna.

[Ragnar Ólafsson (IP-tala skráð) 26.1.2009 kl. 15:54]

Sæl Ibba, vona að þetta sé rétt hjá þér, að Jóhönnu hafi loksins blöskrað eigin gerðir - ... en mig grunar að hún hefði ekki hreyft sig, frekar en aðrir, úr ríkisstjórn, ef ekki hefðu komið til þessi öflugu mótmæli. Enda hefur hún ekki tilgreint þetta sem ástæðu fyrir stjórnarslitunum. Ég hefði viljað að hún segði af sér sjálf, og tilgreindi þetta sem ástæðu, til þess að ég bæri til hennar traust.

En Jóhanna þarf reyndar að svara fyrir fleira, t.d. eignaupptöku (á hennar vakt) á sparifé 86 ára gamalmennis í kjallarnum á Grund, á meðan hátekjuskattur þykir of "táknrænn" (samanber ummæli ISG) til þess að það taki því að innheimta hann. Þetta er eignaupptaka, því vextir og verðbætur af um 10 milljónum sem þessi einstæði verkamaður hefur nurlað saman á langri ævi, renna til ríkissjóðs, vegna dvalar hans á Grund. Miðað við núverandi og væntanlega verðbólgu, fuðrar þetta sparifé hans upp. Framlag hans til eigin uppihalds á Grund jókst frá áramótum úr um 100 þ. krónum (sem sumum þætti nóg!) í 208 krónur!! Allt á meðan Jóhanna stýrði sínu ráðneyti, og svör hennar í fjölmiðlum við þessu atriði voru ekki sannfærandi. Það er sem sagt í lagi að taka vexti og verðtryggingu af gamalmenninu, sem á ekki í önnur hús að venda, á meðan ekki mátti nefna það, að lífeyrissjóðir þyldu skerðingu á verðtryggingu lána, sem þeir veittu íbúðakaupendum. Ef ég og þú ættum 10 milljónir í banka yrði ekki farið svona með þær. Það er bara af því hann þarf að þiggja þessa aðstoð, sem hann liggur vel við höggi.

Jóhanna sat meðan s(t)ætt var í ríksisstjórn, sem var ranglát. Gott að hún er nú farin frá. En Jóhanna sagði ekki af sér að eigin frumkvæði, heldur af því almenningur, sem hún brást, hrakti hana frá völdum. Ef einhver getur sýnt fram á að Jóhanna hafi slitið samstarfinu, vegna þessar tveggja atriða (íbúðalánasjóðs og gamalmennisins) þá er ég tilbúinn til að endurskoða matið....  :) en ég hef ekki heyrt neitt um það.

Ragnar

[Haraldur Haraldsson, 26.1.2009 kl. 18:11]

Maður er bara nokkuð sammála Ragnari hér  á undan/Halli gamli