Til hamingju Ísland!

Orð Silvíar Nætur eiga alveg við í dag. Ekki getur það versnað frá Viðeyjarskottunni*)sem nú hrökklast frá. Sjálfstæðisflokkurinn er loks útrekinn úr Stjórnarráði þar sem enginn flokkur ætti að hafa leyfi til að sitja lengur en 8 ár samfellt. Já og svo eru hamingjudagar okkar því krónan er að styrkjast - góð úttekt á því á AMX eftir Ágúst Þórhallsson.

En nú reynir á að vinstri stjórnin þori að taka á fjármálafurstunum, útrásarvíkingum sem ætla að kaupa eigin dreggjar á slikk. Það var útilokað að samstjórn Samfylkingar og Sjálfstæðisflokks gerði það - svo víða lágu þræðir þeirra flokka. Og því miður er stór hætta á að Samfylkingin veigri sér við að hrófla við sínum gömlu styrktarmönnum en við hljótum þó að vona það besta. Og Jóhanna er óneitanlega betri kostur en Ingibjörg.

ESB barátta kratanna heldur greinilega áfram og verður fróðlegt að sjá hvernig VG snýr sér gagnvart kröfunni um auðlindaafsal Stjórnarskrárinnar. Það er í raun og veru fyrsta skrefið að fullveldisafsali og mikilvægt að hin þjóðlegu öfl landsins standi þar fast á grundvallarréttindum landsins.

(PS: Gamla samstjórn krata og íhalds sem Davíð og Jón Baldvin stofnuðu illu heilli til úti í Viðey fyrir tveimur áratugum var kölluð Viðeyjarstjórn. Stjórnin nú var vitaskuld afturgagna þeirrar stjórnar og þessvegna eðlilegt að hún heiti Viðeyjarskotta. Draugstelpa þessi er nú sér gengin upp að knjám og töturleg!)

Athugasemdir

[Hilmar (IP-tala skráð) 27.1.2009 kl. 14:34]

Sat ekki Framsókn í 12 ár. Ég man ekki eftir neinum sérstökum mótmælum vegna þess.

[Helga Ágústsdeóttir (IP-tala skráð) 27.1.2009 kl. 15:58]

Lagboði: Söngur SKugga-Sveins .... Gekk ég norður kaldan Kjöl)

 Tötrum búin - telpan sú

töltir burtu sjá - og nú:

;:nýir vendir neyti lags

nú þeir byrj' að sópa strax:;.

EN alltaf skal í upphafi

öllu góðu trúa....

 ... hefur löngum verið mín "innstilling".  - Engu að síður verð ég enn og aftur að lýsa því yfir, að ég nánast "þrái" að sjá í stól fjámálaráðherra mann (já,já konur eru kvenmenn; karlar karlmenn), sem býr yfir viðamikilli reynslu á þessu sviði, þroska, þjóðhollustu, heiðarleika... og svo myndi háskólamenntun í þessum fræðum ekki skemma neitt... að hinum atriðunum gefnum. Og hvað með það þótt þessi mannður tilheyrði ekki þingheimi? Við bara VERÐUM að fá hreint ótrúlegan mann í þetta embætti.

Ég gæti haldið örlítið lengur áfram og tínt til a.m.k. 2 ráðuneyti til viðbótar, sem ég tel að hafi liðið fyrir þekkingarskort sinna ráðherra... en sakir aðstæðna okkar allra OG hræðilegs vanda fjömargra heimila og ýmissa atvinnuvega... tel ég að fjármálin þurfi að hafa forgang.Þarf ég þá ekki bara að segja hér og nú: "hið sama gildir líka um væntanlegan viðskiptaráðherra?" 

Helga Ág. 

-( Nú og svo má hann ekki vera skyldur neinum neins staðar ... og þá er best að snúa sér í a´lfheima, ekki satt.)

[Villi Asgeirsson, 27.1.2009 kl. 20:46]

Viðeyjarskottan. Gott nafn. Vona að það festist í sessi. Vona líka að VG fari ekki að mýkjast í ESB málunum. Og að það verði tekið almennilega á málunum hér eftir. Og að einhver brilljant fjármálasnillingur verði settur yfir fjármálaráðuneytið. Þá er ég sáttur.

[Heimir Lárusson Fjeldsted, 27.1.2009 kl. 20:55]

Þú þarft ekki Bjarni að rakka aðra niður til að upphefja sjálfan þig.

Þú ert eyland og þarft ekki á slíkum brögðum að halda.

[Haraldur Haraldsson, 27.1.2009 kl. 21:41]

Það er svo gott að vera vitur eftirá,og standa á hliðarlínuna og setja út á hlutina/en það má auðvitað og er gott,því til þess eru vítin að varst þau,En svona er hún pólitík,ef ekki væri það til ,væri hið fullkomna alltaf ofaná,/Kveðja Halli gamli

[Ragnhildur Kolka, 27.1.2009 kl. 21:49]

Viðeyjarskotta er dálítið langsótt.

Mér líst betur á tillögu PostDoc um Gleðistjórnina. Snarast svo vel yfir á enska tungu "The Gay Cabinet". Og svo skilst mér á Vísir.is að þannig sé hún nú þekkt í heimspressunni hvort eð er. 

Óþarfi að flækja málið.

[Guðbjörg Elín Heiðarsdóttir, 28.1.2009 kl. 00:33]

Já... ég hlakka til að sjá og bíð spennt eftir því, hvernig Ingibjörg og Steingrímur taka á málunum. Það er eins gott að Steingrímur láti til sín taka, nóg er hann búinn að tala um hvernig fjármálafurstarnir og útrásarvíkingarnir hafa sloppið billega frá öllu, komið Íslandi á hausinn o.s.frv. og vonandi stoppar Ingibjörg hann ekki. Það þarf heldur betur að taka til hendinni, ef það eiga að vera kosningar í vor. Bjarni akkúrat, ég er hjartanlega sammála þér með auðlindaskjalið, við verðum að standa fast á því. Eins er það alveg rétt og ætti að vera þannig, að hver flokkur sæti til 8 ára samfellt í ríkisstjórn.

[Guðbjörg Elín Heiðarsdóttir, 28.1.2009 kl. 00:40]

Að hver FLOKKUR gæti ekki setið lengur en til 8 ára, átti þetta að vera hjá mér.

[Bjarni Harðarson, 28.1.2009 kl. 02:12]

takk fyrir góða umræðu - fatta ekki alveg komment heimis en það er nú svo margt í lífinu sem ég fatta ekki!