Nýtt REI ævintýri siglir í gegn í sinnuleysi

Erlendir auðmenn hafa nú samasem eignast auðlindir Reykjanesskagans við ótrúlegt sinnuleysi landsmanna. Ríkissjóður er vissulega tómur en það er engu að síður sorglegt að sjá stórkostlegar auðlindir hverfa með þessum hætti úr íslenskum yfirráðum.

Ég er enginn undantekning í því að vera seinn til að láta í mér heyra. Flest erum við löngu orðin dofin fyrir stórtíðindum en það er einmitt við þær aðstæður sem auðvelt er að taka okkur í bólinu. Reyndar finnst mér eins og VG hafi ályktað gegn því að þetta fyrirtæki Magma energy fengi að kaupa í Hitaveitu Suðurnesja en það hefur greinilega mátt sín lítils gagnvart tómahljóðinu sem nú er í ríkiskassanum...

Athugasemdir

[Haraldur Haraldsson, 31.8.2009 kl. 23:07]

Erum við ennþá að sofna á verðinum!!!!/Kveðja/Halli gamli

[Lára Hanna Einarsdóttir, 1.9.2009 kl. 00:06]

Ég er búin að garga mig hása um þetta í tvo mánuði. Kíktu til mín, Bjarni.

Svo held ég að tómahljóðið í ríkiskassanum hafi minnst með þetta að gera. Að minnsta kosti er til fjármagn í ýmislegt annað.

Skítalyktin af þessu máli er yfirþyrmandi.

[Sigurður Þór Guðjónsson, 1.9.2009 kl. 00:19]

Þetta er bara byrjunin. Áður en varir verða allar auðlindir þjóðarinnar komnar í eigu útlendinga.

[Guðrún María Óskarsdóttir., 1.9.2009 kl. 01:15]

Sæll Bjarni.

Ég ræddi þetta á dögunum, það er furðulegt ef menn ætla að láta þetta ganga svona fyrir sig þegjandi og hljóðalaust.

kv.Guðrún María.

[Ragnar L Benediktsson, 1.9.2009 kl. 07:08]

Sælt veri fólkið. Bjarni mælir af mikilli speki. Ausýnilega erum við sofandi þjóð. en bendi á ragnarb.blog.is

mbk Ragnar

[Eiður Svanberg Guðnason, 1.9.2009 kl. 08:02]

Bjarni, það er fnykur af þessu máli.

[Bjarni Kjartansson, 1.9.2009 kl. 08:33]

Segja mér fróðir menn í ,,fjármálaheiminum" að ekki ætli þessi ,,frómi" Kanadamaður að voga sínum sjóðum í þessi kaup, heldur standi þarna að baki svonefndur S Hópur, ásamt og með Geir Magnússyni og fleirum.  Allti í gegnum útibú í NY sem áður var í eigu Glitnis en svo kvað vera, að S-Menn ráði því sem þeir vilji innan hins nýja Íslandsbanka.

Sel þó ekki við dýrara verði en fékk.

miðbæjaríhaldið

[Grútur (IP-tala skráð) 1.9.2009 kl. 12:05]

Er þetta ekki allt í samræmi við "The Shock Doctrine"? Sú held ég að sé raunin.