Skáldskapur á Eyjunni

Ég hef ekkert fyrir mér en ég ætla að veðja á að frétt Eyjunnar um Davíð sem næsta ritstjóra Morgunblaðsins sé lygi, brosleg lygi til að fá fram umferð á vef Eyjunnar.

Þar með er ég ekki að segja að Davíð gæti ekki orðið góður ritstjóri Moggans, maðurinn sjálfur hefði alla burði í það. En Mogginn gæti aldrei borið þá sögu og þann klafa sem ímynd Davíðs bæri með sér inn á blaðið.

Mogginn fór illa út úr því að hafa ESB-trúboðann Óla Stef. sem ritstjóra. Nú skiptir miklu fyrir trúverðugleika og vægi blaðsins að í ritstjórastól setjist hófsamur og lítt umdeildur maður sem getur komið fram sem sameiningartákn allra lesenda blaðsins. Ólafur Stephensen var það ekki og Davíð yrði það enn síður.

Athugasemdir

[Gunnlaugur B Ólafsson, 21.9.2009 kl. 23:56]

Það er normið í álfunni okkar, Bjarni minn að þjóðirnar vinni saman. Síðan eru aðrir sem að eru með eitthvað trúboð sérvisku og þjóðrembu. Ég held að Ólafur hafi verið mjög hófsamur og prúður í framgöngu. Minna umdeild ritstjórnarstefna, en verið hefur um langt skeið. Meira að segja leyfðist að gagnrýna Kjartan Gunnarsson í Staksteinum nýlega. Mbk, G

PS Hitti á Kristínu systur þína nýlega og sagðist hún halda að þú vildir smá mótlæti í rökræðunni.

[Fannar frá Rifi, 22.9.2009 kl. 00:11]

það er meira til en bara ríki í evrópu Gunnlaugur. ef þú vilt tala um normið í evrópu þá er það að arðræna þjóðir utan hennar svona miðað við reynslu síðustu nokkur hundruð ára.

[Gunnar Rögnvaldsson, 22.9.2009 kl. 11:31]

Sagt er a normalbrauð marki upphaf ESB.

Svo komu þráðbeinu gúrkurnar sem sýndu hátind ESB í verki. Þegar normalbrauðin hætta að berast þá merkir það að endir ESB sé yfirvofandi. Voffleyg normalbrauð þá svífa yfir vötnum og trylla saklaus börn. 

Fannar mín þú ekki hugza rétt, vænur minn. Hugsa þú aftur. Normið er að allir hugsi að minnsta kostar tvizvar. Hugsi rétt.

[Guðjón Sigþór Jensson, 23.9.2009 kl. 07:57]

Mér fannst Ólafur standa sig mjög þokkalega sem ritstjóri. Hann reyndi að fylgja farsælli stefnu Matthíasar og Styrmis og það hefur ekki borið á neinni óánægju með störf hans. Leiðarar hans hafa verið málefnalegir og ekki verið með neinar sprengjur eins og t.d. tíðkaðist stundum hjá Jónasi á DV á sínum tíma.

Mosi