Forvitnilegur bókakassi frá Guðmundi stúdent

Smárit úr bókasafni Guðmundar á Kópsvatni bárust nýlega á Sunnlenska bókakaffið og hafa vakið athygli. Smárit fyrri tíðar og bæklingar voru oft ígildi bloggfærsla samtímans og eru mörg hin mestu fágæti í dag. Oft var upplag slíkra rita lítið en meiru réði þó að vegna smæðar þessara ritlinga lentu þeir með blöðum og tímaritum í ruslinu en varðveittust ekki líkt og bækur gera þó. Einstaka maður sýndi þá ræktarsemi að halda prentmáli þessu til haga, eftirkomendum til menningarauka og ánægju.

Einn þessara var fræðimaðurinn Guðmundur Jónsson á Kópsvatni í Hrunamannahreppi (1930-1989). Hann var sérstæður maður og afkastamikill safnari en fór í engu troðnar slóðir í lífinu. Eftir að kassanum með ritlingunum góðu var stillt upp hafa margir orðið til að spyrja um þennan bókamann. Hér verður tæpt á ævi hans og grúskað aðeins í kassanum góða.

Sjá meira.

Athugasemdir

[Óskar Helgi Helgason (IP-tala skráð) 4.8.2010 kl. 12:45]

Sæll; Bjarni !

Þér er; sæmd ein - sem virðing, að halda nafni Guðmundar Stúdents, á lofti.

Ég las; ágæta samantekt þína, í síðast útkomnu Sunnlenzku fréttablaði, og hafði ánægju eina, þar af.

Ekki náði ég; að kynnast honum, persónulega, en þeir Kópsvatnsbræður eru frændur mínir góðir, í Ytri- Hrepp, og tel ég þá Bjarna og Magnús, bræður Guðmundar heitins, meðal minna beztu vina, í uppsveitum, aukin heldur.

Með beztu kveðjum; austur yfir fljót /

Óskar Helgi

[Gunnlaugur I., 4.8.2010 kl. 16:38]

En Bjarni minn ég bíð enn eftir svargrein þinni við því sem ég spurði þig um í síðaustu blogggrein. Trúi ekki öðru en að þú ætlir að upplýsa þína stuðningsmenn og blogglesendur um það og þau VG undur , eins langt og þú getur.

[Guðjón Sigþór Jensson, 4.8.2010 kl. 20:26]

Guðmundur þótti mjög sérkennilegur að ekki sé meira sagt. Man eftir honum en var í sveit tvö sumur um miðjan 7. áratuginn í næsta nágrenni. Á þessum árum varð Guðmundur á Kópsvatni frægur af að finna rómverskan koparpening við fornleifauppgröft í Hvítárholti. Því miður voru menn á þeim árum nokkuð fljótfærnir og ekki alltaf réttar og viðurkenndar aðferðir notaðar. Þannig varð ekkert fullyrt um í hvernig jarðlögum peningurinn fannst með tilliti til öskulaga en það er auðvitað lykilatriði þegar um fornleifauppgrefti er að ræða.

Smárit, pésar og bæklingar frá fyrri tíð eru margir hverjir orðnir fágætir. Margir hafa öðlast frægð eins og rétt mætti geta sér nærri og hafa mikið sögulegt gildi.

Það er mikils virði að halda þeim til haga.

Bestu kveðjur

Mosi