Dakarferð lokið...

Það besta við að fara til útlanda er að koma aftur heim í vinalegan hraglandann... Tilfinningin að koma út úr Leifsstöð er alltaf óborganleg. Þar skiptir líka máli að þrátt fyrir að gaman sé í ferðalögum eru flugstöðvar eitt það leiðinlegasta sem til er.

Frækilegri mótorhjólaferð Dakarklúbbsins lauk laust eftir miðnætti í gær en við höfðum þá kvatt Patrek bónda í Rósalundi 12 tímum fyrr. Misjafnlega lerkaðir eftir ævintýrin enda höfðu menn hlíft sér mismikið. Kapparnir sem með mér voru drógu hvergi af sér og entu ferðina á spyrnu við Svisslendingana en Svissarinn Andreas var þar fremstur og næstur honum héraðsbúinn Loftur ofurkappi og síðan Baldur Öræfingur.

Meira síðar...

Athugasemdir

[Anna Benkovic Mikaelsdóttir, 12.3.2007 kl. 21:57]

já meir síðar...Bjarni minn sinntu nú konu og börnum!

[Helga Sigrún Harðardóttir, 13.3.2007 kl. 14:56]

Bjarni minn.  Þetta var ekki alveg "politically correct" færsla hjá þér.  Tilfinningin að koma INN í Leifsstöð er alltaf óborganleg... væri meira nær lagi!! Það vinna nefnilega mörg hundruð kjósendur í þessari vinalegu flugstöð, sem breiðir út faðminn og býður mann velkominn heim. Jafnvel þó hún sé "under construction"!

[Brynja Hjaltadóttir, 13.3.2007 kl. 20:39]

Sæll frændi. Bara að kvitta fyrir heimsókninni.

[Margrét Annie Guðbergsdóttir, 13.3.2007 kl. 21:48]

Hm, mér finnst nú ekki alltaf gaman að koma heim í kulda, rok og frost.

Velkominn heim á Skerið.