Að kúra á pappírsmiðunum

Í meira en viku hafa sparifjáreigendur lagt leiðir sínar í bankana og tekið allt út, í reiðufé. Rogast svo heim með töskur eða poka fulla af fimmþúsundköllum. Sumir með milljónir sem þeir geyma þannig undir koddanum eða í földum skókassa inn í kúsaskáp. Ekki skynsamlegt...

Ef allt fer á versta veg þá bjargast þessir peningar ekki - heldur frekar hinir sem eru í sparisjóðsbókum. Því ef allt fer á allra allra versta veg verður hér slíkt ástand að Seðlabankinn verði að fara að prenta peninga í stórum stíl. Þá tekur við óðaverðbólga og af óðaverðbólgunni leiðir svo að seðlabúntin heima verða að verðlausum pappírum.

Það að taka peningana út með þessum hætti getur ýtt mjög harkalega undir þessa þróun og orðið til að skapa hér ástand sem kallar á peningaskort og síðan óðaverðbólgu. Það er einfaldlega ekkert sem getur orðið til að innistæður á hefðbundnum sparisjóðsbókum glatist...

Athugasemdir

[Óskar Þorkelsson, 9.10.2008 kl. 23:19]

pfiff.. ég tók út sjóð 9 og notaði fúlgurnar í thailandsferð.. ekki veitir af :)

[Brjánn Guðjónsson, 10.10.2008 kl. 09:57]

hinsvegar munu fimmþúsundkallabúntin í skókössunum draga heilmikið úr fjárútlátum til kaupa á salernispappír, þannig að þetta hefur góðar hliðar líka

[Baldur Fjölnisson, 10.10.2008 kl. 11:02]

Það er búið að ljúga fólk fullt á kerfisbundinn hátt til að hámarka skaða þess þannig að skiljanlega tekur það ekki minnsta mark lengur á raðlygurunum. Mjög miklar líkur eru á að IMF taki við stjórn hér bráðlega af gjörónýtum stjórnvöldum og þá má búast við hverju sem er, frystingu innistæðna, þær verði afskrifaðar osfrv. Vandamálið stóra er algjör trúnaðarbrestur, bæði inn á við og einnig gagnvart útlöndum.