Tortímingarhvöt íhaldsins

Stjórnmálaflokkum sem eru komnir í vörn hættir til að taka upp einhverskonar læmingjaeðli en þjóðsögur eigna þeirri dýrategund að stunda reglubundin sjálfsmorð. Framsóknarflokkur Halldórs Ásgrímssonar var haldinn slíkri veiki og nú er ekki fjarri lagi að Sjálfstæðisflokkurinn feti í spor hins þungstíga Halldórs.

Hin órofa samstaða sjálfstæðismanna í Kópavogi með áframhaldandi setu Gunnars Birgissonar í stóli bæjarstjóra er vitaskuld hrein endemi. Þó svo að Gunnar sé um margt besti kall þá er honum svo augljóslega ekki sætt lengur í stóli bæjarstjóra og á að standa upp. Það er einfalt mál. 

Hér er hellt olíu á þann eld sem heitast brennur á Sjálfstæðisflokki og eiginlega grátlegt upp á að horfa.

Athugasemdir

[Kalli Sveinss (IP-tala skráð) 16.6.2009 kl. 14:11]

Félagi Bjarni !

 Vaknaðir of snemma í morgun - og of snöggur með párið !"Kóngurinn" Gunnar Birgis., maður mikilla sanda og sannur heiðursmaður - sem og sem flestir íhaldsmenn !!

 Í þessu máli verður grátur að brosi.

 Að ekki sé talað um einingu andans hjá sjálfstæðismönnum á Seltjarnarnesi !

 Sterkasta vígi flokksins !

 Þar hafa þeir haft meirihluta - upp í 65% - í meira en hálfa öld - og allt bendir til að sama verði næstu hálfa öldina !

 Hvað veldur ??

 Jú, á Seltjarnarnesi hafa sjálfstæðismenn alla tíð sett EINSTAKLINGINN Í  öNDVERGI - látið þá sem teknanna afla, hafa sem mest fyrir sig og sína - á kostnað bæjarsjóðs.

 Enda lægstu útsvör á landinu - lægstu fasteignagjöldin á landinu - lægstu hitaveitugjöldin á landinu - o.s.frv.

 Samt öll þjónusta í hæðsta gæðaklassa !

 Þessvegna 65% fylgi bæjarbúa  -- og stöðug aukning !

 Eða sem Rómverjar sögðu,: " A cuspide corona" - þ.e.  " Ávallt á sigurbraut" !!

[Jónas Egilsson, 16.6.2009 kl. 14:58]

Það er ýmislegt í þessu sem þér yfirsést félagi Bjarni. Það hafa ýmsir aðrir gott lag á því að eyða sjálfum sér, eins og þú orðar það. Má þar t.d. benda á örlög Frjálslynda flokksins. Síðan mætti taka til vinstri arm stjórnmála í dag, t.d. skort á samstöðu innan Vg. sem virðist vera bara forsmekkur af því sem koma skal. Hvað varð síðan um Framsóknarflokkinn á alþingi?

Síðan, er nátturúrulega spurning hvenær á að láta undan utanaðkomandi þrýstingi. Breski Verkamannaflokkurinn lætur hvergi deigan síga þrátt fyrir að allt snúist gegn þeim og þeirra eigin vopn snúist í höndunum á þeim. Við höfum fyrir sjónum okkar ístöðueysi bæjarfulltrúa í Grindavík þar sem skipt er um bæði menn og meirihlutaflokka því sem næst árlega. Árborg er annað dæmi um hið gagnstæða sem þú ert að tala um.

Er þetta ekki bara spurning um einstaklinga og árangur?

[Óskar Þorkelsson, 16.6.2009 kl. 17:40]

Gott að taka Seltjarnarnes sem dæmi.. afætu sveitarfélag dauðans.. hirða allt af reykjavík.. ég meina ALLT.. enda eiga stórtækustu útrásarvíkingarnir þar.. áttu.. lögheimili ;)

[Einar Guðjónsson, 17.6.2009 kl. 01:42]

Held að ekki verði hjá því komist að viðurkenna að Seltjarnarnes er frekar vel

rekið.Þeir hafa líka einbeitt sér að því að vera sveitarfélag en ekki gefið útrásarverkfræðingum tækifæri til að keyra á lóðabraski og sölu í nafni sveitarfélags. Sveitarfélag á að vera samstarf um lífsgæði, skóla, umhverfi,hugsanlega lestrarfélag og hjálp við þá er minna meiga sín.Þeir hafa ekki þjáðst af veltusýki og minnimáttarkennd og almennt virðist samfélag þar sammála um þetta.Seltjarnarnes er ekki afætusveitarfélag og hirða ekkert af Reykjavík enda ekkert að hirða af. Þeir greiða hlutdeild í strætóbullinu.Ef Óskar á við að þeir versli í Reykjavík þá er það bara hreinn

ávinningur fyrir kaupmenn og fyrirtæki í Reykjavík.Ef Seltirningur fer í sund í

Reykjavík þá borgar hann bara fyrir það rúmlega kostnaðarverð.Ef hann kaupir dýrasta rafmagn í heimi hjá umhverfissóðunum í OR þá er það bara kaup kaups.