Krossfesting á Arnarhóli

Við hjónakornin fórum í Hallgrímskirkju þar sem í dag voru lesnir Passíusálmar og í sálm-forleik á undan tíunda sálmi var frumflutt verk eftir Elínu, afar fallegt.

Í heimleiðinni ókum við svo hjá Arnarhóli þar sem var verið að krossfesta mann.

Þar vantaði að vísu alla farísea og Pílatus var einnig fjarri góðu gamni en hinn krossfesti sem sagðist heita Elli frekar einmana. Aðspurður kvaðst hann hafa verið á krossi þessum frá hádegi og gera þetta í trúarlegum tilgangi. Jú, hann ðspurður sagðist sá krossfesti eiginlega vera kaþólskur. 

Korteri seinna var okkur litið á hólinn aftur en þá var kappinn farinn og sjónvarpsmenn sem mættu á staðinn virtust grípa í tómt! 

(Ljósm.: Elín Gunnlaugsdóttir.) 

Athugasemdir

[Kalli Sveinss (IP-tala skráð) 7.4.2012 kl. 12:17]

Félagi Bjarni !

 Ertu viss um að þetta hafi ekki verið útgerðarmaður ( kaþólskur) - fyrrverandi kjósandi Samfylkingarinnar - sem við nýja ofurskattafrumvarps Jóhönnu & Steingríms, var búinn að fá nóg - jafnvel krossfesting væri betri en ætlan Samfylkingarinnar og v-grænna í málefnum sjávarútvegsins !!

 Eða sem Rómverjar sögðu forðum.: " Vectigalia nervi sumt rei publicae" - þ.e. " Skattar eru eina afl ríkisstjórnarinnar" !!

[Gunnar Heiðarsson, 7.4.2012 kl. 13:25]

Þetta sannar enn og aftur, Bjarni, að ekki þarf að ferðast um heiminn þverann og endurlangann til að sjá furðufyrirbæri. Það er nóg að fara hjá Arnarhóli til að rekast á furðuverkin. Það eru alltaf einhver fyrirbrigði þar, eða í nánd, sem hægt ar að dást að!

[Anna Sigríður Guðmundsdóttir, 7.4.2012 kl. 18:30]

Sæll Bjarni. Gervi-krossfesting af fúsum og frjálsum trúar-bull-bragða-vilja.

Þeir sem lent hafa í alvöru einelti og krossfestingum valdhafa, myndu ekki gera svona kjánalega og vanþroskaða hluti.

M.b.kv.