Er pláss fyrir VG?

Enn af beinni línu DV:

Aðalsteinn Kjartansson

Regnboginn er í raun klofningur frá VG. Er eftirspurn eftir tveimur flokkum á svona líkum slóðum í pólitík?

Bjarni Harðarson

Mjög mörg okkar sem voru í Regnboganum störfuðum áður í VG en með okkur eru líka liðsmenn annarsstaðar frá, úr Samstöðu, Framsókn og víðar að. Eftir að VG hefur gengist undir jarðarmen ESB stefnunnar hljótum við frekar að spyrja hvort pláss sé fyrir þann flokk við hliðina á Samfylkingu, Bjartri framtíð, Lýðræðisvaktinni og Dögun. Ég tel að það sé full þörf á og eftirspurn eftir félagshyggjuafli sem stendur með þjóðfrelsi og áherslum landsbyggðar.

Í skurðköntum ESB trúboðsins...

Í skurðköntum ESB trúboðsins eru svo allskonar furðumenn sem segjast á móti ESB aðild en berjast
samt sem berserkir fyrir því að innlimunarferlið hafi sinn gang því þeir vilja eins og annað patentfólk
varanlega lausn á ESB vandanum. Það er semsagt hægt að skrifa þau orð á blað sem varanlega galdra
mál úr sögunni þannig að enginn talar um það meir. Skyldu Norðmenn hafa frétt þetta?

Sjá nánar pistil á nýrri og glæsilegri vefsíðu ESB andstöðunnar, http://neiesb.is/2013/04/patent-sem-nordmenn-misstu-af/ 

Svona á troða þjóð í ESB!

Á næstu áratugum koma vísast kollsteypur, alls konar hryðjuverk, ógnir og skelfingar, kannski stríð úti í heimi, nýjar kreppur - eitthvað sem hristir vel upp í fólki svo almenningsálit sveiflast til í nokkrar vikur, jafnvel mánuði. Ef umsóknin stendur munu á endanum atburðir verða sem valda því að fylgi við aðild sveiflast aðeins yfir 50% í dálitla stund og þá skiptir öllu að hægt sé að vinna hratt. Þegar þar að kemur má sem best láta svo heita að búið sé að opna alla kaflana og kíkja í alla pakkana en það skiptir ekki öllu máli. Bara að kýla á fjandans þjóðaratkvæðagreiðsluna og málinu er reddað.

Sjá nánar frábæra grein Atla Harðarsonar um það hvernig eigi að koma þjóð sem alls ekki vill í ESB þar inn. 

Formleg kynning Regnbogans klukkan 13 í dag

Glæsilegur listi! Harpa Njálsdóttir er þekkt af áratuga baráttu sinni fyrir hag lítilmagnans. Svo sannarlega kona sem á erindi á þing.

Regnboginn verður með formlega kynningu á framboðinu í Iðnó í Reykjavík klukkan 13 í dag. Svo hefjum við kosningabaráttuna.

Harpa og Atli í tveimur efstu

Hollenskt viðskiptanef

Hollendingar hafa margt til síns ágætis og ekki síst einstakt nef fyrir viðskiptum.

Nú þegar framámaður þar talar fyrir því að landið yfirgefi evrusamstarfið sperra menn við eyrum.

Fjármálakreppan nú er að gera að engu þær stórlaxahugsjónir að smám saman muni litlir gjaldmiðlar leggjast af og fáir stórir leggja undir sig heiminn. Sífellt fleiri átta sig á að mynt verður að fylgja sveiflum þess hagsvæðis sem hún á að þjóna. 

„Við þurfum ekki evruna til þess“

Um hagsmuni Suðurlands og frammistöðu þingmanna

Árið 2007 tókst okkur sem þá vorum þingmenn Suðurkjördæmis að afstýra því að ráðist yrði í byggingu fangelsis á Hólmsheiði. Það var mikilvægur áfangasigur en um leið var ljóst að þingmenn og ráðamenn í héraði yrðu að fylgja þeirri ákvörðun eftir með málefnalegum hætti.

Það tókst ekki og er mjög miður. Nú er hafin uppbygging á stóru Hólmsheiðarfangelsi sem setur myndarlega stofnun á Litla Hrauni í mjög erfiða og tvísýna stöðu. Fyrir nokkrum misserum var Réttargeðdeildinni á Sogni stolið af okkur og færð til Reykjavíkur. Málið allt vekur okkur til umhugsunar um það hversu vel sé haldið á kjördæmishagsmunum Suðurlands. ...

Sjá nánar http://bjarnihardar.blog.is/blog/bjarnihardar/entry/1292707

Fullveldissinnað framboð

Bjarni Harðarson og Guðmundur S. Brynjólfsson skipa efstu sæti á lista Regnbogans í Suðurkjördæmi. Heiðurssæti listans skipar listakonan Hildur Hákonardóttir. Baráttumál Regnbogaframboðsins í Suðurkjördæmi er að auka veg héraðsins, standa vörð um fullveldi Íslands og berjast fyrir gildum sjálfbærrar þróunar í íslensku samfélagi.

Regnboginn er eina framboðið sem setur tafarlausa stöðvun ESB aðlögunar á dagskrá í kosningabaráttunni. Frambjóðendur Regnbogans eru baráttumenn fyrir framgangi atvinnu og menningarlífs á forsendum heimamanna og telja mikilvægt að stuðla að vexti og viðgangi fyrirtækja sem eiga rætur og höfuðstöðvar í héraði.

Þá er framboðinu beint gegn því flokksræði sem ríkt hefur á Íslandi um áratugaskeið og við teljum  að íslenskum stjórnmálum muni betur farnast með óháðum stjórnmálamönnum sem ekki eru ekki starfsmenn stjórnmálaflokka heldur þjónar sinna kjósenda milliliðalaust. Regnboginn heitir á kjósendur að setja hag héraðsins og landsins alls ofar flokkshagsmunum.

J-listi Regnbogans í Suðurkjördæmi

1. Bjarni Harðarson bóksali

2. Guðmundur S. Brynjólfsson djákni og rithöfundur

3. Kolbrún S. Hilmarsdóttir viðurkenndur bókari

4. Kristbjörg Steinunn Gísladóttir meðferðarfulltrúi

5. Jónas Pétur Hreinsson iðnrekstrarfræðingur

6. Elín Birna Vigfúsdóttir háskólanemi

7. Irma Þöll Þorsteinsdóttir hljóðmaður og kvikmyndagerðamaður

8. Helga Garðarsdóttir framhaldsskólakennari

9. Valgeir Bjarnason fagsviðsstjóri

10. Magnús Halldórsson smiðjukarl

11. Tryggvi Ástþórsson varaform. Verkalýðsfélags Suðurlands

12. Eva Aasted sjúkraliði

13. Sigurlaug Gröndal verkefnisstjóri hjá Félagsmálaskóla alþýðu

14. Guðmundur Sæmundsson háskólakennari á Laugarvatni

15. Hlíf Gylfadóttir framhaldsskólakennari

16. Harpa Rún Kristjánsdóttir bókmenntafræðinemi og heimasæta

17. Sigríður Jóna Sigurfinnsdóttir bóndi

18. Helga Ágústsdóttir hugflæðiráðunautur

19. Óðinn Andersen starfsmaður Árborgar

20. Hildur Hákonardóttir myndlistarkona

Lyfjaniðurgreiðsla á að taka mið af tekjum

Lyfjaniðurgreiðslur og önnur aðstoð samfélagsins við einstaklinga á að taka mið af tekjum. Það er fráleitt að láglaunafólk, lífeyrisþegar og aðrir sem minnst hafa þurfi að verja stórum hluta sinna tekna í heilbrigðisþjónustu. Þetta er oft fólk sem þarf mikla læknisaðstoð og ver stórum fjárhæðum í lyf. Áherslur "vinstri" stjórnarinnar taka ekki mið af hefðbundnum gildum vinstrimennsku heldur fyrst og fremst því að velta byrðum kreppunnar yfir á almenning eins og félagi minn Valgeir Matthías Pálsson frá Selfossi bendir á hér, http://vallimatti.blog.is/blog/vallimatti/entry/1292548/

Sumir greiða minna, aðrir meira

Gyðingnum a'tarna

Þrátt fyrir orlof vegna kosninga stóðst ég ekki mátið að taka vakt kaffivertsins í bókakaffinu í kvöld en hér situr Árgali, hið óviðjafnanlega kvæðamannafélag og kveður.

Ólafur bóndi í Forsæti er smiður á jafnt orð sem tré og eitthvað varð mönnum að orði um verðið á kaffisopanum sem sumum þótti lágt og grunaði að það lægi undir að greiða yrði með atkvæði. Þótti þá sumum að það sem áður var ódýrt yrði talið dýrt en fleiri hétu greiðslu!

Forsætisbóndi orti:

Atkvæði kostar kaffið heitt
í krúsina hjá Bjarna.
Gjaldið hefi gróft fram reitt
- gyðingnum a'tarna! 

 

Lýðræðið og heimsvaldastefnan

Heimsvaldastefna og lýðræði eiga einfaldlega aldrei samleið.

Keyrði evruna í gegn „eins og einræðisherra“