Er Reynir Trausta í ríkisstjórninni

Sá framan á DV í dag þar sem því er nú slegið upp að stjórnin sé að falla.

Sama dag koma Samfylkingarmennirnir, varaformaðurinn þar á meðal og fella stjórnina. Eða svo gott sem!

Veröldin er ótrúlega rafmögnuð þessa dagana og með hverjum nýjum kúnna hingað í búðina er borið í mig eitthvað nýtt og svo kíkjum við saman hér ofan í tölvuskáinn.

Ég verð reyndar alltaf svoldið dapur þegar ég sé borgaraleg mótmæli leysast upp í einhverskonar ofbeldi. Ég er sjálfur hrifinn af að fólk mótmæli en þeir sem vilja beinlínis hvetja til borgaralegrar óhlýðni eru að leika sér að eldi sem við vitum ekkert hvar endar...

Athugasemdir

[Heimir Lárusson Fjeldsted, 21.1.2009 kl. 16:49]

Vg er með hættulegt vopn í höndunum þessa daga.

[Hallgerður Pétursdóttir (IP-tala skráð) 21.1.2009 kl. 17:24]

Deili þessari skoðun með þér. Er ofbeldi ekki alltaf vanmáttur þess er beitir?

[Hrönn Sigurðardóttir, 21.1.2009 kl. 19:42]

Það er líka svolítið hættulegt að dæma mótmælin eftir fjölmiðlum! Ég var þarna - bæði í gær og í dag. Vissulega eru alltaf einhverjir sem eru að snapa fægting - en þeir eru í báðum liðum.

Og fægtingur er það sem selur......... Ég mundi segja að miðað við fjöldann, bæði af löggum og mótmælendum hafi sáralítið borið út af.

Alveg sáralítið! 

[Bjarni Harðarson, 21.1.2009 kl. 20:40]

sammála hrönn - það má ekki skilja orð mín svo að ég telji mótmælin í heild hafa verið skrílsleg - er meira að vitna til einstakra atburða í t.d. nótt og svo eggjakast á bíl forsætisráðherra. en ég tek ofan fyrir mótmælendum almennt fyrir stillingu og hefi verið talsvert við þessi mótmæli sjálfur frá í haust og sjaldnast orðið var við óþarfa læti...

[sandkassi (IP-tala skráð) 21.1.2009 kl. 21:34]

Ætla VG að skrifa upp á ESB aðild?

[Sædís Hafsteinsdóttir, 21.1.2009 kl. 21:50]

Hvað mun þessi skríðaleikur í nótt kosta skattgreiðindur.Sersveitin,skemmdirnar,þrifnað og annað.Þetta kostar allt.

[Helga Ágústsdóttir (IP-tala skráð) 21.1.2009 kl. 22:19]

Já "snapa fæting" - satt er það. Fólk úr báðum fylkingum. EN - og mig langar svolítið að fá mér gjallarhorn núna - er einhver möguleiki á að gera fólki ljóst, að þeytingur alls kyns efna í hús, eyðilegging eigna okkar þegnanna svo og ögrandi stöður fyrir framan lögreglumenn, sem standa kyrrir þar sem þeim ber,  skilar ekki neinu í sjálfu sér? Ja, nema "fætingi".  Engin slík hegðun gefur mynd af mótmælum ÞJÓÐARINNAR, heldur gerir þeim sem það kjósa, afskaplega auðvelt að segja sem svo: "að stærstum hluta eru þetta unglingar og kornungt fólk, sem heldur að þetta sé einhver leikur - og í bíó og í fréttum frá útlöndum, er alltaf ráðist á lögguna og kastað einhverju".

Og því miður er talsvert mikið til í þessu hjá mér. Þarna er innan um og saman við fólk, sem gerir sér alls enga grein fyrir, að eyðilegging eigna okkar þegnanna, er ekki nauðsynlegur líður í atburðarásinni. Þarna er líka fólk, sem hefur ekki gert sér ljóst að lögreglumenn er að stærstum hluta aðeins að sinna vinnu, sem við greiðum þeim laun fyrir. Hinir verða væntanlega að svara fyrir sínar gerðir. Lögreglumenn getur meira að segja blóðlangað til að vera með - mótmælendamegin. Markmið mótmælanna (hafi ég ekki stórlega misskilið tilgang þeirra), er að koma því til skila til allra ráðamanna þjóðarinnar og þeirra embættismanna er í hlut eiga, að HÚN KREFST reikningsskila. Þjóðin ætlar áreiðanlega ekki sem heild, að haga sér eins og öskureiðir unglingskrakkar, þjóðin ætlast nefnilega til þess AÐ MENN GERI SÉR LJÓST AÐ ÞEIR ERU Í VINNU HJÁ HENNI!

Upp með pottana, pönnurnar, sleifarnar og slagorðin, gjallarhorn og spjöld - og e.t.v. ef Guð lofar, fær einhver leifturhuginn í ríkisstjórninni grun um að við viljum ekki lengur þetta laumuspil, hálfkveðnar vísu og þennan óþolandi íbyggna "ja, ég veit nú ýmislegt svip" - við viljum ekki láta tala til okkar eins og "fattlausra fíbbla"  viljum ekki þessa tegund af ríkiststjórn; alls ekki - burt með hana, inn með ERLENDAR rannsóknarmenn vegna fjármálahörmunganna - ENGA landa okkar í þann uppgröft - og utanþingsstjórn takk - skipaða mönnum (já, ég veit- kven-menn og karl-menn) sem hafa ekki aðeins þekkingu á sínu sviði, heldur líka lífsreynslu og þroska og þá væntanlega nokkra heildaryfirsýn; og áhugaleysi hvað varðar að sitja í embætti "til að sitja í embætti". 

Og úr því ég er komin á þessa braut, þá játa ég hér á mig  óraunhæfan draum eins og þann, að sjá Pál Skúlason fyrrv. rektor H.Í. sem menntamálaráðherra, Þorvald Gylfason í sæti fjármálaráðherra..o.sv.frv.... en Jóhönnu Sig. á sínum stað.  - Nú segir einhver: "Dream on!" og það mun ég gera í mínum allífis barnaskap.

Helga Ág.

[Guðbjörg Elín Heiðarsdóttir, 21.1.2009 kl. 23:02]

Höldum áfram að berjast fyrir réttlæti í þessu landi...

[Jón Steinar Ragnarsson, 22.1.2009 kl. 00:41]

Aðskilja lögjafa og framkvæmdavald. Ráðherrana úr þingsal. Fyrr verðu ekki hægt að kalla ísland lýðveldi. Fyrr getur þingið ekki endurspeglað og lotið vilja þjóðarinnar. Er það ekki svo einfalt? Verður ekki sama stjórnarkreppan áfram ef þessu verður ekki breytt? Valdalaust þing og megolomanískir ráðherrar með beinagrindur í skápnum?

Hvað segir þú?