Baráttufundur gegn ESB haldinn í Flóanum

Heimssýn, samtök sjálfstæðissinna í Evrópumálum halda opinn baráttufund gegn ESB aðild í Þingborg í Hraungerðishreppi kl. 20:30 annaðkvöld, þriðjudagskvöldið 19. maí.

Meðal frummælenda verða fulltrúar stjórnmálaflokkanna og gestir frá  Nej-til-EU í Noregi.

Hversvegna felldu Norðmenn aðildarsamning?

Hvaða hætta er fólgin í að senda Össur með fullveldi þjóðarinnar til Brussel?

Hvað gera Framsókn, Sjálfstæðisflokkur og VG í baráttu komandi vikna?

Fjölmennum og höldum hátt á loft baráttunni fyrir frjálsu og fullvalda Íslandi.

Athugasemdir

[Haraldur Hansson, 18.5.2009 kl. 23:47]

Þessi setning/spurning er algjör perla: "Hvaða hætta er fólgin í að senda Össur með fullveldi þjóðarinnar til Brussel?"

Össur kenndi mér líffræði í landsprófi, er fínn og skemmtilegur kall. Ég man ennþá að laufblöð eru handstrengjótt, fjaðurstrengjótt, flipótt og tennt. Hann var vinsæll kennari og einn sá skemmtilegasti í skólanum.

Manni er alltaf hlýtt til gömlu kennaranna sinna, sér í lagi þeirra skemmtilegu. En þó Össur sé fínn kall vil ég ekki fyrir nokkra muni láta hann komast upp með það að fara með fullveldið til Brussel. Og bara yfir höfuð ekki föndra neitt með fullveldið.

[Gunnlaugur B Ólafsson, 18.5.2009 kl. 23:57]

Kæri Bjarni

Eru ekki fulltrúar LÍÚ og kvótaeignar sem frummælendur?

Nú böðum við okkur í ljómanum og sjálfstraustinu sem hefur fengist með því að standa okkur á hinn evrópska mælikvarða.

Ágætur leiðari í Fréttablaði dagsins þar sem því er mótmælt að þessu megi líkja við klofning þjóðar um hersetuna eins og forsetinn gerði.

Réttilega er bent á að núverandi reiptog og þras er með líku móti og við ákvörðun um aðild að EFTA og EES síðar.

Þar er bent á að deilunum lauk eftir að aðild var ákveðin. Því er nauðsynlegt að drífa okkur í virka þátttöku í sambandinu svo friður verði í héraði.

Ef það ætti að vera trúverðugleiki og samfella í þessum málflutningi þá ætti barátta ykkar að snúast um úrsögn úr EFTA og EES.

Það getur varla verið ætlunin að hafa þjóðina í dyragættinni til framtíðar?

                                        Lifðu heill og sprækur,

                                                            G

[Brjánn Guðjónsson, 19.5.2009 kl. 00:11]

ég get ekki annað en fyllst lotningu yfir hve sumir eru óþreytandi að lemja hausnum við steininn.

[Helgi Jóhann Hauksson, 19.5.2009 kl. 01:21]

Hvað segja þjóðernis-sósíalistar ef pólitísk útlensk samtök skipta sér beint af íslenskri pólitík? - Þ.e. ef það er til annars en til stuðnings innilokun og þjóðrembu?

[Sigurður Sveinsson, 19.5.2009 kl. 07:55]

Ég ætla á sjó í dag og kemst ekki á fundinn. Sendi þér og öllum hinum baráttukveðjur.

[Ragnar L Benediktsson, 19.5.2009 kl. 09:53]

Varðandi Eb og sjávarútveginn hef ég þetta að segja. Með innleiðingu kvótakerfis Halldórs Ásgrímssonar átti að efla fiskistofnana hér við land þó aðallega þorskstofinn. En hvað hefur þetta leitt af sér ? Brask með kvótann, gert suma útgerðamenn að kvótakóngum og átti sinn þátt í útrásabrjálæðinu sem við sitjum uppi með í dag. Frákast jókst svo um munaði og nýting aflans til atvinnusköpunar var flutt til útlanda. Nú standa spekingarnir og sjá fram á að braski þeirra með kvótann ljúki, og þeir sem raunverulega ætla að stunda veiðar fái tækifæri til þess. EB leyfir ekkert frákast, það verður skilyrðslaust að koma með allan fisk að landi sem veiðist. Þetta er náttúrulega eitur í beinum núverandi útgerða, að geta ekki vinsað úr verðmætasta fiskinn og hent restinni. Þetta vita fuglarnir í tréinu.

[Gunnar (IP-tala skráð) 19.5.2009 kl. 10:52]

Mér finnst þetta vera farin að verða þreytandi umræða. Hvar voru þeir sem áttu að "verja fullveldið" þegar útrásin var í algleymingi? Það eru meiri landráð fólgin í útrásinni eins og hún var útfærð en að gagna í ESB. Hvaða fullveldi er fólgið í því að standa utan allrar samvinnu við aðrar þjóðir, með onýtan gjaldmiðil og algerlega ofurseld íslenskum stjórnmálamönnum og þeirra inngrónu spillingu?

[Gunnlaugur Ingvarsson (IP-tala skráð) 19.5.2009 kl. 11:03]

Þó svo að gjafakvótakerfið Íslenska sé mjög slæmt þá vonandi stendur nú til með al- íslenskri löggjöf að afnema það með fyrningarleiðinni sem er ágæt leið og gerist með hæfilega mörgum árum til aðlögunar.

Ef Íslenska sjávarútvegskerfið er gallað þá er sjávarútvegsstefna ESB algjör óskapnaður og enginn virðist ráða neitt við neitt, því margslungið skrifræðis-KERFIÐ virðist lifa algerlega sjálfstæðu lífi.

Það er ekkert nýtt því svona miðstýrð forræðishyggju KERFI eins og ESB er með í sjávarútvegsmálunum gagnast engum en þjóna nefnilega helst aðeins sjálfum sér.

Fyrir því er löng og slæm reynsla í mannkynssögunni. 

[Valdimar Samúelsson, 19.5.2009 kl. 11:27]

Tek undir þessi orð ''Ef það ætti að vera trúverðugleiki og samfella í þessum málflutningi þá ætti barátta ykkar að snúast um úrsögn úr EFTA og EES.'' Og styð baráttu gegn ESB þótt ég verði ekki í flóanum en vonum að það verði tekið á þessum málum. Látum ''hennar tíma ekki koma'' en kella er orðin galin og hvað þá Össur.  

[Marteinn Unnar Heiðarsson, 19.5.2009 kl. 12:45]

Heilög Jóhanna hefur talað og trúin hennar er ESB bjargar öllu,en er það ekki málið það bjargar öllu hjá SF að fara í ESB þar sem SF hefur enga stefnu að fara eftir og enn svelta heimilin í landinu og munu gera í ókomna tíð ef SF fær sínu fram.Það er svo auðvelt fyrir SF að benda á ESB og segja við þjóðina við verðum að hlíða ESB þetta er ekki okkar vilji en reglur ESB eru svona,þetta yrðu svörin hjá SF eftir að inn er komið því ekki hefur SF neina stefnu í málum nema aðild að ESB.Hel að ef við ætlum að vinna okkur uppúr þessari kreppu þá eigum við að gera það sjálf verður sennilega erfitt í 2-3 á en svo kæmu bjartari tímar hjá okkur,besta væri að skila láni AGS og senda ESB fingurinn það er eina leið okkar uppúr þessari kreppu.Ef farið verður að vilja SF verður kreppa hér í mörg mörg ár eða áratugi ef við förum í ESB.

[Valdimar Samúelsson, 19.5.2009 kl. 14:38]

Ég er alveg sammála Marteini með að skila AGS láninu og senda mönnum tunguna en það nýjasta er að við eigum víst að geta borgað Icesafe dæmið svo enn meiri ástæða að send AGS meira en þumalfingurinn. Við getum alveg verið okkur nóg ef við sleppum fjármálaheiminum. Það er hann sem gerir kröfurnar. Kúpa er með tvo gjaldmiðla þ.e. fyrir íbúa landsins og tíusinnum verðminni pening fyrir erlenda túrista sem allir ''verða'' eiga að skifta í . Já berjumst gegn ESB og úr allri þessari vitleisu. Fyrir þessa baráttu myndi ég mæta niður við alþingishús og jafnvel hrella ESB sinna t.d Ossur og Járnfrúnna.  

[Hjörtur J. Guðmundsson, 19.5.2009 kl. 17:25]

Alltaf jafn fyndið þegar EFTA og EES er lagt að jöfnu við Evrópusambandið. Slíkur samanburður lýsir ótrúlegri vanþekkingu á alþjóðamálum :D

[Brjánn Guðjónsson, 19.5.2009 kl. 19:51]

yndislegast alls er að grafa sig, djúpt, í sandinn. hear no evil, see no evil, say no evil.

er ekki afneitunin yndisleg?

[Einar Guðjónsson, 19.5.2009 kl. 22:00]

Það efast engin um að þetta er ærlega meint á ykkur og má ekki blanda saman LÍU kóngum og Bjarna Harðarsyni og Heimssýn. Því miður ráðum við bara ekki við þetta verkefni að reka þjóðríki.

[Guðný (IP-tala skráð) 20.5.2009 kl. 02:28]

En Einar ertu þá ekki að segja að aðild að ESB sé í raun uppgjöf af okkar hálfu? Ekki boðar það á gott.

[Ísleifur Gíslason, 20.5.2009 kl. 17:10]

Ég er leiður yfir að hafa ekki komist á þennan fund til stuðnings við Fullveldissinna.

[Gunnar Rögnvaldsson, 20.5.2009 kl. 18:18]

Sama segi ég. Verst að vera svona langt í burtu. En það lagast bráðum.

Vona að hann Bjarni gefi okkur smá meldingu af fundinum

Kveðjur

[Jón Valur Jensson, 21.5.2009 kl. 00:35]

Nú þarftu að fara að gefa okkur góða hvatningu frá fundinum, Bjarni,

– í nýrri grein!