Játningar Össurar

Skarphedinsson said it would be very difficult to strike a deal with the EU on Iceland's lucrative fishing areas ...

Stærsta  míta ESB-sinna hefur verið að Ísland geti náð góðum samningum um fiskimiðin. Að ávinningar okkar í landhelgisdeilum við Evrópu haldi sér. Nú hefur Össur bakkað, hann játar að þetta sé "very difficult." Þetta er fyrsta skrefið að því undirbúa þjóðina undir að kyngja því að láta fiskimiðin af hendi.

Um hvað er þá deilt. Fyrrverandi formaður Samfylkingarinnar, Ingibjörg Sólrún Gísladóttir hefur þegar sagt að það eigi að hætta þessum viðræðum og nú viðurkennir Össur að hann sé búinn að tapa í okkar stærsta hagsmunamáli.

Vituð þér enn, eða hvað!

Kína markaður fyrir fisk og ferðaþjónustu

Athugasemdir

[Vendetta, 15.7.2010 kl. 14:39]

Ég man fyrir nokkrum árum, rétt eftir að Þingvallastjórnin hafði verið mynduð, að Össur kom sigri hrósandi heim frá fundi með evrópskum embættismönnum og sagði: "Íslendingar fá að halda fullum yfirráðum yfir íslenzkum fiskimiðum". Síðan kom á daginn, að þetta var tómt rugl. Össur hafði annað hvort talað við lágt settan embættismann, sem engu réð um þetta eða þá embættismenn, sem voru þjálfaðir í að ljúga.

Síðan þá hefur Össur vitkazt hvað þetta snertir. Hins vegar er engan veginn víst, að það skipti hann miklu máli. Hann mun aftur koma sigri hrósandi heim frá Bruxelles eftir nokkra mánuði og ákaft lýsa yfir sigri með orðunum: "Fiskveiðistjórn ESB mun láta Íslendinga fá stærsta kvótann á Íslandsmiðum og svo fá Íslendingar að veiða nokkur hundruð tonn í Norðursjó og Kattegat". Jón Bjarnason mun vera fámálli. Össur mun nefnilega láta hann fá vitlausan flugmiða, svo að hann missir af fundinum í Bruxelles og verður að húkka sér far heim frá Murmansk.

Það var ítrekað í fréttum í gær, að íslenzka ríkið ætti rétt á að fá styrk til að aðlaga sig að löggjöf ESB, þ.e. styrk til stjórnlagaþingsins til að breyta mikilvægustu greinum stjórnarskrárinnar (m.a. þeim sem fjalla um hverjir hafa löggjafavald, framkvæmdavald og dómsvald á Íslandi). Þessu mun Samfylkingin halda á lofti sem stórsigri og hrópa út yfir öll torg: "Útgjöld til stjórnlagaþingsins verða niðurgreidd af ESB". En ESB-andstæðingar láta ekki blekkjast af þessu, því að ef fallið yrði frá umsókninni, þá væri engin þörf á stjórnlagaþingi og þar með engin þörf á styrk frá sambandinu.

[Gunnar Heiðarsson, 15.7.2010 kl. 20:43]

Það er merkilegt að tveir hellstu ESB sinnar á Íslandi, Jón Baldvin Hannibalsson og Ingibjörg Sólrún Gísladóttir hafa sagt að rétt væri að hinkra með aðildarumsókn (aðlögunarferli) þar til meiri samstaða innan þjóðarinnar liggi fyrir. Ef Jóhanna og Össur eru svo áfram um að koma okkur þangað inn ættu þau að hlusta. Sennilega vita þau sem er að sú breyting sem nú er að verða á eðli þessa svokallaða tollabandalags mun valda því að ekki nokkur Íslendingur kæri sig um inngöngu og nú sé í raun síðast séns á henni.

Síðustu fréttir um að ESB muni hljóta stöðu þjóðar innan SÞ segir meira en mörg orð!

[Kalli Sveinss (IP-tala skráð) 15.7.2010 kl. 20:54]

Félagi Bjarni !

 Fer nú flest að verða " very difficult" hjá ESB., kardinálum Samfylkingarinnar.

 " 17.júní umsóknin" nálgast stig algjörs harmleiks.

 Spurningin er hinsvegar , hvort allur almenningur gerir sér fyllilega grein fyrir að:

 Á Evrópuþinginu eru 751 þingsæti.

 Að á Evrópuþinginu fengju Íslendingar 6 sæti.

 Að atkvæðavægi Íslands yrði 0,45% !

 Össur "kallinn" fullyrðir að Ísland fengi MIKIÐ VÆGI !

 Spyrja má, var Össur algáður þegar hann lét þessi orð falla - eða var hann sem Rómverjar sögðu " In poculis" - þ.e. " undir áhrifum " ? !!

[Helga Kristjánsdóttir, 16.7.2010 kl. 01:05]

  Össur er alltaf undir "áhrifum" eihvers,oftast þó hæstvirta embætti sínu.
  
           Takk fyrir síðast Bjarni,nú rata ég að Holti.  
   

[Helga Kristjánsdóttir, 16.7.2010 kl. 01:27]

 Ég endurtek,einhvers,oftast þó hæstvirts embætis síns.