Auðvitað spenntur - enda að lesa spennubók!

Auðvitað er ég spenntur - svo spenntur að ég reyni að slá á hina pólitísku spennu með því að lesa spennubók eftir mikinn uppáhaldshöfund, Ævar Örn. Reyndar er það fágætur munaður að ég leyfi mér að lesa reifara en taldi það rétt núna í törninni. Sturlunga var of þung og Svartir englar er svo sannarlega spennandi bók. Las mig í svefn og vaknaði snemma til að lesa meira um Birgittu Vésteinsdóttur kerfisfræðing og afdrif hennar.

En það er semsagt borgaraleg skylda að kjósa í dag og enginn ætti að leiða það hjá sér. Og allir eiga að kjósa eins og samviskan býður. Meira förum við ekki framá enda kominn kjördagur og ekki við hæfi að hafa þá yfir áróður á þessum degi. Gleðilega hátíð og takk fyrir ómetanlega hjálp undanfarna mánuði.

Verð á flakki í dag í kosningakaffi um allt kjördæmið og byrja í naglasúpu í Reykjanesbæ í hádeginu...

(Myndin sem er sett hér til skrauts er frá fundi á Klettinum fyrir nokkrum dögum, hér má sjá Magnús í Hveratúni, Guðjón á Tjörn, Guðmund á Vatnsleysu, Benna Skúla, Gunnar í Reykholti, Snorra á Tjörn og Óla á Reykjum - og mig)

Athugasemdir

[Steingerður Steinarsdóttir, 13.5.2007 kl. 00:21]

Ég vildi óska að þú stæðir fyrir annan flokk. Þá myndi ég ekki bara kjósa þig heldur líka berjast fyrir þig.

[Anna Benkovic Mikaelsdóttir, 13.5.2007 kl. 10:18]

þÚ ERT INNI OG VANNST PERSÓNUSIGUR TIL HAMINGJU!...þrátt fyrir tap Framsóknar, sem hefði orðið meira án þín.

[Árni Gunnarsson, 13.5.2007 kl. 10:19]

Góðum Framsóknarmönnum á Alþingi fjölgaði um helming. Það er þó mikið fagnaðarefni. Þú stóðst þig vel því allir vita að þú hafðir slæma vígstöðu. Ég þori að trúa því að þú munir á Alþingi hafa orð Kolskeggs að leiðarljósi og óska þér velfarnaðar.

Til hamingju!

[Sigurlaug Gissurardóttir (IP-tala skráð) 13.5.2007 kl. 11:01]

Góðan dag Bjarni

Þeir eru fallegir jöklarnir í Skaftafellssýslum í dag !    Veit að þú gleymir ekki íbúum þessa héraðs þegar sigurvíman dvínar.  Vinnum samhent að sókn þess og umfram allt haltu utan um unga fólkið sem lagði nótt við dag.  Þau stóðu sig öll frábærlega.

Þeirra er framtíðin !

B   estu kveðjur

Sigurlaug Gissurardóttir