Auðvitað slítum við stjórnmálasambandi við Rússa...

...og alla hina sem mynduðu ómenningarlegt samsæri um að gefa okkur ekki stig í Eurovision og kannski líka við alla sem voru fyrir ofan okkur í keppninni og förum svo fram á bætur frá þáttarstjórnendunum sem settu kvikmyndavélina á Rússa í eina skiptið sem við fengum 12 stig - bara af því að þessir rússnesku staular voru í fyrsta sæti - já og ef þetta dugar ekki þá hótum við að ganga í Evrópusambandið nema við vinnum næst. Það mun hrífa því ekkert gæti hent Brussel verra en að fá íslenska óþekktaranga upp á sína arma...

Ef ekki væri fyrir góða sprettu, óráð af flensu og sérlega góða viku þá veit ég ekki hvernig ég kæmist yfir þetta og langar helst að segja eins og pistlahöfundurinn góði á Svalbarða,- hvað á þetta að þýða. Það er auðvitað forkastanlegt hvernig stigin í þessari keppni eru reiknuð því eðlilegast er vitaskuld að reikna út hversu mörg stig komu á hvern íbúa og þá erum við vitaskuld þeir sem unnu keppnina. Erum allavega langt langt ofan við Rússa sem eru jú næstum óteljandi og fengu ekki nema milljónasta part úr stigi hver rússi en við erum þó með þúsundasta part af 0,2 stigi á hvert mannsbarn sem er bæði Íslandsmet og heimsmet og margfalt Evrópumet og allt...

Svo er það allt svindlið. Árum saman hafa Austur-Evrópuþjóðirnar haft sigur í þessari keppni með svivirðilegu svindli þar sem enginn kýs aðra en nágranna sína og við hinir hjartahreinu Norðurlandabúar dritað atkvæðum okkar út og suður. Þegar við svo loksins förum nú að standa saman - sýnum í rauninni aðdáunarverða samtryggingu Skandínava þá er það allskonar skillítið og ættlaust fólk í Miðevrópu sem eiginlega á enga sérstaka nágranna slíkt er nú þar kraðakið - svoleiðis fólk eyðileggur allt með einhverju rússadekri og endileysuhætti. Enn og aftur - hvað á þetta að þýða...

En grínlaust - krakkarnir okkar stóðu sig vel og helst var hægt að finna að þættinum að Sigmar vinur minn hefði mátt vera afslappaðri yfir því hvort menn gæfu Íslandi stig - okkar stig voru ekki það eina sem skipti máli. Já og Rússar voru bara vel að sigrinum komnir!

Ísland endaði í 14. sæti

Athugasemdir

[Birkir (IP-tala skráð) 24.5.2008 kl. 23:57]

Þetta var flott hjá okkar fólki en féll ekki í kramið hjá nógu

mörgum. Flestar þjóðir virtust gefa vinum sínu stig sbr.

Norðurlöndin, austantjaldslöndin, suður Evrópulöndin o.fl.

Ég er sammála þér með Sigmar. Það er óþarfi hjá kynnum

keppninnar að láta óánægju sína í ljós. Ég man þegar

Gísli Marteinn var eitt sinn við lýsingu á keppninni og hann

lét hreinlega eins og lítill krakki í feiknar fýlu.

[Óli Stuð (IP-tala skráð) 25.5.2008 kl. 09:26]

Skroll

[Sigurbjörn Friðriksson, 25.5.2008 kl. 11:26]

´  

Nú ætla ég að vera RASISTI og FASISTI.

Söngvakeppni Evrópuþjóða (Evróvision - Júróvisjón) er orðið að pólitísku bitbeini, þar sem fyrrverandi kammúnistaþjóðirnar standa saman og þar eru Rússarnir hafðir í forsæti hvenær sem tækifæri gefst.

Og ekki erum við Norðurlandaþjóðirnar (Skandinavísku) þjóðirnar betri.  Skoðið bara hvernig Danir röðuðu okkur frændþjóðunum í öll efstu sætin?

Og hver andskotan er Ísrael, sem er í Asíu; að gera í Evrópsku söngvakeppninni??  Þá vildi ég heldur hafa landlausa þjóð á borð við Palestínubúa, til að sýna Palestínumönnum samstöðu!!!

Hví þá ekki Ástralir, áar þeirra eru flestir frá Evrópu.

Við verðum einfaldlega að snúa til baka, og stofna Söngvakeppni Vestur-Evrópuþjóða.

Kær kveðja,

Björn bóndi.

´

[Gunnar Helgi Eysteinsson, 25.5.2008 kl. 11:45]

Ég er sáttur og afskaplega stoltur íslendingur í útlöndum...

[JBJ (IP-tala skráð) 25.5.2008 kl. 21:14]

Hneykslun Íslendinga er fyndin og BB kemur enn einu upp um sig, ég hélt fyrst að hann væri að bölsótast út í Íslendinga í Danmörku en ég held að hann hafi átt við austur-evrópskt vinnufólk um alla Evrópu.

[Gummi K (IP-tala skráð) 25.5.2008 kl. 22:16]

Aftur fullur ?

[Jenný Anna Baldursdóttir, 26.5.2008 kl. 11:07]

Slíta stjórnmálasambandi við helvítin ekki seinna en í dag.

[Gulli litli, 26.5.2008 kl. 20:14]

Lada er drusla!!!!!!

[Haraldur Haraldsson, 26.5.2008 kl. 20:26]

Við megum bara vel við una að mér finnst/Kveðja Halli gamli P/S hefi verið að horfa á Alþingi i dag hvítikt Bjarni!!!!!Sami

[Heimir Tómasson, 27.5.2008 kl. 18:55]

Sammála.

Kveðja frá Seattle.