Frábær goslokahátíð - og frelsi til gestrisni

Eyjamenn sem gátu stöðvað heilt eldgos og grafið bæinn undan geta fullvel mætt þeim erfiðleikum sem nú mæta samfélaginu hér úti.

Eitthvað á þessum nótum mæltist skörulegum bæjarstjóra Vestmannaeyinga í ágætri hátíðarræðu við upphaf goslokahátíðar hér í gær. Um kvöldið voru svo frábærir tónleikar með meistara Megasi í troðfullri Höll.

Annars hefur mál Kenýamanns sem vísað fruntalega úr landi í gær tekið drjúgt af tíma mínum í gær og í dag. Eftir því sem ég frétti meira um málið - bæði af fjölmiðlum og símtölum við þá sem vit hafa málinu - verður það óskiljanlegra og skammarlegra fyrir okkur Íslendinga. Það er sorglegt til þess að vita að ein ríkasta þjóð í heimi brjóti með þessum hætti mannréttindi og hundsi eðlilega gestrisni af nirfilshætti einum og kreddufestu embættismanna.

Næst skilst mér að til standi að veita barni hans fæddu hér á landi og konu sömu meðferð. Og rökin; jú alþjóðasamningar segja að við eigum að haga okkur svona. Fullvalda hvað? Dettur einhverjum í hug að trúa því að alþjóðasamningar  banni okkur að skoða mál þessa fólks og skerði frelsi okkar til að sýna því eðlilega gestrisni og mannréttindi!

(Æi myndinni er hnuplað frá gömlum vinnufélaga, Árna Sæberg - vona að þú fyrirgefir mér Árni. Stóra myndin er tekin af vef Eyjafrétta. )

Athugasemdir

[Hannes Helgason (IP-tala skráð) 4.7.2008 kl. 20:45]

Sæll Bjarni. Ég er gamall Framsóknarmaður og hef verið í sambandi við Sif .Því ekki eigum við framsóknarmenn í Reykjavík alþingismann. Ég var að hlusta á þátt á útvarpstöðinni  Saga 99.4 í morgun Þar fór sú gamla  framsóknadama Arnþrúður Karlsdóttir að skammst út í Guðna Ágústsson út af grein sem ég las í morgunblaðinu í morgun og mér fannst greinin  mjög góð um Ruv. En henni fannst vegið að sér af því hún er að reka þessa útvarpstöð sem mjög margir gamlir framsóknarmenn eru að hringja inn ég þekki þá marga og voru þeir til hægri í flokknum en nú finnst þeim flokkurinn okkar vera búinn .það er búið að aflífa hann af Halldóri Ásgrímssyni

[Atli Harðarson (IP-tala skráð) 5.7.2008 kl. 12:54]

Takk fyrir að mótmæla framkomu yfirvalda við Kenyamanninn Ramses Odour Paul. Á netinu er undirskriftalisti (http://www.thepetitionsite.com/1/PaulRamses) þar sem skorað er á yfirvöld að snúa honum aftur hingað til lands. Ég hvet alla til að setja nafn sitt á þann lista og þakka Birgittu Jónsdóttur fyrir að hafa frumkvæði að undirskriftasöfnuninni.