Bitist um ríkisbankann...

Er Glitnir ríkisbanki - eða er það bara hugmynd sem Jón Ásgeir og Þorsteinn Már geta hent útaf borðinu? Ef marka má orð Péturs Blöndal í Kastljósinu í gær hefur stjórn Glitnis nú tímann fram að hluthafafundi til að selja norsku íbúðalánin sín og íslensku bílalánin sem þeir vildu leggja að veði fyrir 600 milljóna evru láni hjá ríkinu - og eru þá lausir við ríkisvæðingu bankans og afskipti ofan úr Svörtuloftum.

Pétur Blöndal er formaður efnahagsnefndar Alþingis og því talsmaður stjórnarflokkanna í þessu máli. Því ætti í raun og veru að taka það sem hann segir alvarlega. En það þýðir að ríki og Stoðir muni bítast um bankann fram að nefndnum fundi og kannski lengur því hver segir að slíkum slag lyki á slaginu þar. Yfirleitt þarf dómstóla til að skera úr um ágreining, allavega þegar gullasnar eru annarsvegar. Og reyndar sagði fjármálaráðherra sama kvöld að ef til þessa ágreinings kæmi yrði að loka bankanum.

Það læðist að mér að þetta sé einhverskonar fyndni hjá hinum annars grafalvarlega formanni efnahagsnefndar sem telur þarmeð algerlega fráleitt að Glitnismenn komi pappírum sínum í verð - en ég efast um að slíkir brandarar séu viðeigandi við þessar aðstæður. Allavega er ekki að sjá að Jón Ásgeir sjái þetta eins og Pétur - hann stæði þá ekki í stælum við meinta bankaræningja í Seðlabankanum.

En hvernig svo sem allt málið er vaxið er lágmark að talsmenn ríkisstjórnarinnar tali hér fyrir einni stefnu, allavega þeir sem samflokks eru...

Athugasemdir

[Haraldur Haraldsson, 2.10.2008 kl. 10:26]

Það eru sko ekki allir sjálfstæðismenn þarna sammál,ekki er Halli gamli og margir fleiri um þessi umdeildu mál,og ekki aðlandi að gera svona vitleisu sem gerð var/Halli gamli

[IG (IP-tala skráð) 2.10.2008 kl. 10:31]

Þessi ummæli Péturs eru algjör þvæla og ber þess merki að maðurinn skilur alls ekki hvað er í gangi í bankaheiminum í dag. Einu bankarnir sem eru að lána peninga eru seðlabankar. Þeir eru alls staðar í heiminum að taka við veðum á við fasteignalánasöfn (sumir hafa meir að segja tekið við sub prime lánasöfnum) og bílalán og halda bönkum liquid með því að láta þá fá alla mögulega gjaldmiðla á móti.
Brandarinn er náttúrulega líka sá að Glitnir átti fyrir þessu í krónum en þar sem krónan er ónýt þá var ekki hægt að skipta krónum fyrir Evrur án þess að setja gjaldeyrismarkaðinn algjörlega á hliðina.
Kjarni málsins er að það er óhæfur maður við stjórn í Seðlabanka Íslands og það sama má segja um bankaráðið.

[Baldur Fjölnisson, 4.10.2008 kl. 16:09]

Álþingi kýs bankaráðið og formaður þess (yfirmaður Dabba) er Halldór Blöndal. Ég vil nú ekki valda paník með því að nefna aðra jólasveina og uppfyllingarefni sem álþingi setti þarna inn - augljóslega til að gjöreyða trúverðugleika stofnunarinnar.