Í súpu hjá sægreifanum...

Lenti með Jóni Inga og Hrönn í súpu á Sægreifanum. Hef ekki komið þar áður en þetta er einstakur staður og Kjartan vert hreint óborganlegur.

Ég fékk semsagt að hætta snemma í bókabúðinni og Elín tók við. Kom við í Odda þar sem bókin Farsældar frón er að detta út úr prentvélunum og verður væntanlega komin í dreifingu á miðvikudagsmorgun. Fór meðal annars í smá kynningarátak útaf henni í dag og tók svo saman mitt hafurtask á þingskrifstofunni. Leit við í þinginu og var auðvitað eins og uppvakningur þar en það á við mig.

Auðvitað blendnar tilfinningar en samt meira af feginleik en flestu öðru. Kjartan sægreifi vildi í kvöld að ég lofaði sér að fara aftur í pólitík. Ég lofa engum neinu um það að sinni.

Hef annars verið að undirbúa 1. des. hátíðina og verð reyndar með Gránufélagsfund líka þann dag. Meira um það síðar...

Athugasemdir

[Haraldur Haraldsson, 24.11.2008 kl. 23:40]

Kvitt,það er nóg að gera!!!!Kveðja Halli gamli

[Jón Steinar Ragnarsson, 25.11.2008 kl. 00:31]

Sægreifinn er eina af perlum borgarinnar.  Þar fær maður enn að finna anda Íslenskrar framtaksemi, seiglu og látleysi, sem eitt sinn einkenndi þessa þjóð.  Kallinn er náttúrlega eins og sprottinn úr Íslenskri jörð, eða á maður að segja eins og hressandi úði frá sjónum í norðan kalda. Svo er hann kokkur á heimsmælikvarða og kannski eilítið til.