Land þagnarinnar er áhrifarík bók

Enn af bókabloggi. Var að leggja frá mér Land þagnarinnar eftir Ara Trausta Guðmundsson (Einarssonar frá Miðdal.) Í þessari mögnuðu bók rekur Ari fjölskyldusögu sem er með miklum eindæmum. Það er þó fjarri bókarhöfundi að fella dóma heldur rekur hann tilfinningar sínar og annarra fjölskyldumeðlima allt frá barnæsku þar sem hann elst upp með móður og ömmu sem báðar höfðu átt sama manninn.

En sagan er um leið magnaður hluti af 20. aldar sögu álfunnar því hér segir einnig frá gyðingaofsóknum í Þýskalandi, kvikmyndaiðnaði í Weimarlýðveldinu og ótal mörgu öðru. Mögnuð bók sem snertir strengi í öllum, hvort sem það eru áhugamenn um ættarsögur, pólitík eða ástarævintýri.

Athugasemdir

[Kalli Sveinss (IP-tala skráð) 6.3.2009 kl. 11:39]

Faðir Ara Trausta - Guðmundur frá Miðdal, var ranglega kenndur við nazismann.

 Stefna þýzkra þjóðernissinna á árunum fyrir stríð, var uppbygging landsins.

 Gleymum ekki að flokkurinn fékk í síðustu lýðræðiskosningunum 1933 - hvorki meira né minna en 44,2% atkvæða !

 Gyðingadrápin hófust ekki fyrr en eftir Wansee ráðstefnuna í janúar 1942.

 Eftirleikinn þekkja allir.

 Mesti harmleikur Evrópu á 20. öldinni.

 ( Ofanritað til fróðleiks fyrir " latínugaurinn" Jón Val !!

 Jón virðist vera sem Rómverjar sögðu.: " Certaminis gaudia" - þ.e.  " Full bardagaglaður" !!