Missögn Morgunblaðsins - og sýndarmennska stjórnarinnar

Morgunblaðinu skriplast aðeins í frásögn af viðtali mínu um ÖSE þegar þeir segja í morgun að ég telji mig vita að ÖSE komi hér til kosningaeftirlits. Ég veit ekkert um það og hef aldrei sagt neitt í þá veru. Og ég hef ekki lagt fram formlega kvörtun en komið ábendingum mínum á framfæri sem voru svona (http://bjarnihardar.blog.is/blog/bjarnihardar/entry/821285) í óformlegri þýðingu.

Það sem ég veit og allir vita sem vilja vita er að breytingar á kosningalögum korteri fyrir kosningar eykur til muna líkurnar á að ÖSE sendi hingað sveit manna til eftirlits. Hitt er svo umhugsunarvert að líklega eru engar líkur á að umrædd lagabreyting verði samþykkt því það eru áhöld um  að til samþykkisins dugi einfaldur meirihluti. Stjórnskipanin gerir einmitt ráð fyrir að það þurfi 2/3 til að breyta lögum á borð við þessi og því nær Jóhönnustjórnin aldrei - jafnvel þó Sigmundur Davíð leggi líka fram atkvæðin sín...

Athugasemdir

[Kalli Sveinss (IP-tala skráð) 6.3.2009 kl. 12:47]

Ljúfi Bjarni !

 Kvörtun þín snjöll og hnitmiðuð.

 Rétt, í málum sem þessum þarf 2/3 til lagabreytinga.

 Þú ert bara allur að hressast !!

 Í guðanna bænum, þótt mótorhjólafrík sért, brunaðu ekki í bæinn til afmælis-slagsmála fundar Hell´s Angels !

 Sérðu annars nokkuð eftir að hafa yfirgefið Maddömuna ?? !

 Mundu hvað Rómverjar sögðu.: " Tacitum vivit sub pectore valnus" - þ.e. " Óuppgerð sálarsár eru skaðleg" !!

[Heimir Lárusson Fjeldsted, 6.3.2009 kl. 13:15]

Það þarf að stoppa minnihlutayfirgangsstjórnina í þessu máli.

[Ragnar L Benediktsson, 6.3.2009 kl. 13:21]

Þessi O-flokkur þinn, hefur hann bara eitt mál á dagskrá, þ.e. ekki EES eða eru einhver úrræði fyrir skuldarana með í pokanum.´Ætlar O-flokkurinn ef til vill að ná einhverju til baqka af framsóknarsvindlurunum Finni, Ólafi og að maður nú tali ekki um Halldór ?

[Guðbjörg Elín Heiðarsdóttir, 6.3.2009 kl. 13:24]

 Kalli Sveins,  GÓÐUR !  Annars veit ég um eina manneskju sem væri sko meira en lítið til í að sitja aftur á fáknum hjá Bjarna á leið í partý til Rvík.   Það yrði frábært að sjá þá sjón   En já Bjarni, Morgunblaðinu getur skrikað fótur og fer því ekki alltaf rétt með fréttir.

[Guðbjörg Elín Heiðarsdóttir, 6.3.2009 kl. 13:30]

Ragnar L,  ekki O flokkur,  heldur L - listi !   Og L - listinn verður með mörg mál á dagskrá.  Ragnar L,   mundu ...  L - listinn .

Góða helgi öll sömul !

[Heimir Lárusson Fjeldsted, 6.3.2009 kl. 13:37]

Ragnar, þurfum við sem erum með listabókstafinn í nafninu okkar ekki að vera svolítið jákvæðari í garð L-listans og jafnvel að styðja hann til góðra verka?

[Ragnar L Benediktsson, 6.3.2009 kl. 14:07]

Ég verð að endurskoða afstöðuna nema að O-flokkurinn sé í raun núllflokkurinn en ekki L-flokkur