Lýðskrum Jóhönnu

Jóhönnu finnst að stofnanir ríkisins hefðu átt að gera eitthvað allt annað en þær gerðu úr því að Seðlabankinn gaf út skýrslu þar sem varað var við ástandinu. En það að ekkert var gert telur hún ekki  gömlu ríkisstjórninni að kenna heldur stofnunum sjálfum. Og henni finnst skrýtið að Seðlabankinn hafi ekki brugðist við ástandinu.

Jóhanna var í ríkisstjórn með þeim Geir H. Haarde og Ingibjörgu Sólrúnu. Ef að oddvitar ríkisstjórnarinnar lásu þessa skýrslu en fannst ekki fyrirhafnarinnar virði að senda eintak af henni á þáverandi félagsmálaráðherra þá er það ekki Seðlabankanum að kenna. Og Jóhanna verður sjálf að útkljá það mál innan síns flokks. Eða er Jóhanna kannski ennþá í Þjóðvaka.

Það er auðvitað lýðskrum af versta tagi að reyna nú að kenna Seðlabankanum um. Ekki veldur sá er varar og allar þessar stofnanir, -sem og Seðlabankinn sjálfur,- lutu forræði ríkisstjórnarinnar.Einhverjum hefði líka dottið í hug að ríkisstjórnin sjálf hefði átt að gera eitthvað!

Grýla virkar bara á aðventunni og Davíðsgrýlan virkar ekki út í það óendanlega,- Jóhanna!

Athugasemdir

[Loftur Altice Þorsteinsson, 24.3.2009 kl. 18:59]

Þetta er ómerkilegur feluleikur hjá Jóhönnu.

Eins og ég geri grein fyrir á bloggi mínu, var öllu stjórnkerfi bankamála ljóst að stórkostlegur vandi var að skapast.

Þetta var stjórnvöldum bankamála ljóst í ársbyrjun 2006 !!!

[Sigurgeir Jónsson, 24.3.2009 kl. 20:20]

Auðvitað gengur sá málflutningur Jóhönnu ekki upp að Seðlabankinn hafi verið ríkisstjórn landsins.Eins og Jóhanna talar þá hefur hún ekki verið með sjálfri sér í síðustu ríkisstjórn og staðið í þeirri meiningu að hún væri enn í ríkisstjórn Daviðs Oddsonar eins og hún var 1991-1994.Hún var reyndar alltaf með sjálfri sér þegar hún stjórnaði Þjóðvaka. en Ágúst Einarsson lagði hann nú samt niður, hann sá ekki framtíð þess flokks bjartari en það.En við skulum ekki gleyma verkum Jóhönnu í síðustu ríkisstjórn sem hún telur að Davíð Oddsson hafi verið  í forsvari fyrir,það er, Þingvallastjórnin sem hún sat sjálf í.Eitt af síðustu verkum hennar var að bætur öryrkja og aldraðra skyldu skertar um 100 prósent vegna fjármagnstekna en höfðu verið 50 prósent áður.

[Kalli Sveinss (IP-tala skráð) 24.3.2009 kl. 20:44]

Félagi Bjarni !

 Snjallt! - Kannski er Jóhanna enn í Þjóðvaka ? !!

 En Davíðs-heilkennið er býsna lífsseigt.

 Jóhanna og Samfylkingin sem nýfrelsaðir Hvítasunnumenn !

 Að þeir hafi stjórnað landinu  að hálfu í 18 mánuði ?

 Steingleymt !

 Samfylkingin stærsti flokkurinn í könnunum !

 Var einhver að hlæja ?? !!

 Sovét Ísland að loknum kosningum

 Steingrímur utanríkisráðherra ?!

 " Ísland úr Nato"

 "Herinn ...." !

 Já, " Íslands óhamingju verður allt að vopni".

[Ína (IP-tala skráð) 24.3.2009 kl. 20:53]

Hafðu ekki neinar áhyggjur af Jóhönnu Bjarni minn! Hún var flott eins og vanalega þegar hún svaraði fréttamönnum í dag. Auðvitað hefur síðasta ríkisstjórn gert ráð fyrir því að Seðlabankinn væri að vinna sína vinnu sem hann var ekki.....

Hún Jóhanna mun standa sig,engin hætta á öðru.