Spikið eftir í Haukadalsskógi

Við hjónakornið gengum af okkur jólaspikið í Haukadalsskógi í dag og nutum þess að hitta engan eftir að hafa hitt gríðarlega marga í jólabókavertíðinni og jólaboðunum. Enduðum í heitu kakói í túristasjoppunni á Geysi sem er ágæt en samt flest annað en sjarmerandi.

Hefi annars notað jóladagana til að sofa og hvílast milli þess sem ég hefi barist í gegnum ÓVÍD sem er í senn frjóvgandi fyrir hugsunina og unaðsleg hvíld frá nútímanum. Nútíma sem hefur líklega aldrei verið truntulegri.

Já og svo því sé nú til haga haldið þá var það mitt spik sem varð eftir í skóginum, Elín mín hafði af engu að taka og gekk jafn grönn úr skóginum og hún fór inn í hann klukkustund fyrr. Og blés ekki úr nös enda göldrótt.

Gleðilega rest...

Athugasemdir

[(IP-tala skráð) 27.12.2009 kl. 20:41]

Já það var eins gott að endirinn kom hjá þér... Var einmitt að velta því fyrir mér við upphaf lesturs af hverju ætti eiginlega að taka

[Eyþór Árnason, 27.12.2009 kl. 21:15]

Já gleðilega rest Bjarni minn og takk fyrir síðast. kv.

[Jón Magnússon, 27.12.2009 kl. 23:04]

Gleðileg jól og farsælt komandi ár ágæti Bjarni. Gott að þú skulir hafa getað losað þig við jólaspikið í Haukadalsskógi.  Sennilega gott ráð að fara þangað.

[Njörður Helgason, 28.12.2009 kl. 13:41]

Þið hafið tekið jólagönguna hjónakornin um næst flottustu sveit landsins.

Ljúft að ganga um Haukadalinn.

Gleðilega rest Bjarni.