Þú hefur drýgt hór...

Ritstjóri AMX vandar mér ekki kveðjurnar fyrir þær sakir að vera honum ekki samstíga í Icesaveskruminu. Svarar reyndar engu efnislega en gerir mjög að því skóna að ég sé ekki marktækur þar sem ég hafi sagt af mér þingmennsku. Hvað má þá segja um þá menn sem gengið hafa ævilangt með þingmanninn í maganum og aldrei náð að komast svo langt þó mikið hafi verið reynt...

En þetta er alltaf skemmtilegt samt þegar farin er þessi sérstæða rökfærsluleið, svona eins og þegar við litlir sögðum einfaldlega pabbi minn er sterkari en pabbi þinn og þú ert með hor. Skemmtilegasta sagan af slíkum viðbrögðum er af frænda mínum í Grímsnesi sem sat innikróaður milli tveggja dætra sinna en sagði frekar en að játa sig sigraðan:

- Þegi þú Helga, þú hefur drýgt hór... Meira hér.

Athugasemdir

[Fyrrum Sjalli (IP-tala skráð) 30.12.2009 kl. 00:13]

Það er sorglegra en tárum tekur að sjá hversu lágt Óli Björn þingmannswannabe í skrumi sínu þarna á AMX. Persónulega öðlaðist þú mikla virðingu hjá mér fyrir það að segja af þér þingmensku vegna mistakanna sem þú gerðir, eitthvað sem hinn siðlausi ritsóði AMX og samflokksmenn hans mættu læra að sé eðlilegur hlutur (og ekki bara þegar um mistök er að ræða heldur einnig þegar, t.d. uppgötvast að formaður flokksins þeirra er bullandi ÚTRÁSARVÍKINGUR).

[stefán benediktsson (IP-tala skráð) 30.12.2009 kl. 00:24]

Er hægt að fá hærri einkun en þá að dómgreind manns sé hafnað af AMX? Ég held ekki.

[Gísli (IP-tala skráð) 30.12.2009 kl. 01:54]

Er einhver vitiborinn maður sem tekur mark á AMX?

[Ólafur Tryggvason Þorsteinsson, 30.12.2009 kl. 10:43]

Þú ert ekki marktækur vegna þess hvernig afsögn þína bar að garði. Það er ekki flóknara en það.

[Sigurður Sigurðsson, 30.12.2009 kl. 10:44]

Hvað með nýjustu fréttirnar í morgun Bjarni,  er þér virkilega ekki farinn að snúast hugur ?????

[Anna Sigríður Guðmundsdóttir, 30.12.2009 kl. 13:32]

Bjarni minn. Margir mættu taka þig til fyrirmyndar í sambandi við siðferði. Þú hafðir dug til að segja af þér þegar þú hafðir gert mannleg mistök sem við gerum öll þótt enn sé til fólk sem trúir í raun að sumir séu gallalausir með öllu og verða alltaf jafn hissa á að þessi eða hinn sé mannlegur með öllu sem því fylgir. Alveg eins og fólk haldi að hér vaði allt í fullkomnu og óbreysku fólki.

Þú hafðir líka vit á að koma þér út úr Framsóknarflokknum á meðan aðrir skráðu sig inn í þann vonlausa flokk til að halda uppi "heiðri hans eða þannig". Ég ber virðingu fyrir þér Bjarni því þú ert heiðarlegri og vandaðri en margur pólitíkusinn. Gangi þér vel. M.b.kv. Anna.

[Finnur Bárðarson, 30.12.2009 kl. 16:56]

Ekki batnar það með djúpri skýringu hjá Ólafi Þorsteinssyni hér að ofan. Sá eini sem ekki er marktækur í nokkrum sköpuðum hlut er Óli Björn.

[Jón Steinar Ragnarsson, 30.12.2009 kl. 21:25]

Afar þroskuð skrif hjá þér Bjarni. Gasalega málefnalegt og yfirvegað. Engin furða að öll þjóðin skuli bíða með öndina í hálsinum yfir að fá að heyra hvað þér finnst um málin.

Jahérna, seisei.

[Ragnhildur Kolka, 31.12.2009 kl. 20:13]

Ég tek undir með Jóni Steinari hér að ofan. Þú fórst offari, lentir á hálum ís og tókst vitlausa beygju, Bjarni. Áður en lengra er haldið ættir þú að slaka á, draga djúpt andann og sjá svo til hvernig hlutirnir arta sig eftir það.

Ég styð þitt hjartans mál; andstöðuna við ESB, en verð að segja að þú fórst langt útaf sporinu þegar þú lést Steingrím Joð fallera þig í vor og þarft nú tíma til að koma bátnum aftur á kjölinn.

Áramót er góður tími til að líta yfir völlinn og stilla kompásinn af.

Gleðilegt ár.

[it training (IP-tala skráð) 25.3.2010 kl. 04:33]

Ritstjóri AMX vandar mér ekki kveðjurnar fyrir þær sakir að vera honum ekki samstíga í Icesaveskruminu. Svarar reyndar engu efnislega en gerir mjög að því skóna að ég sé ekki marktækur þar sem ég hafi sagt af mér þingmennsku.

[comptia a+ (IP-tala skráð) 25.3.2010 kl. 04:35]

Hvað má þá segja um þá menn sem gengið hafa ævilangt með þingmanninn í maganum og aldrei náð að komast svo langt þó mikið hafi verið reynt...

[ccna exam questions (IP-tala skráð) 25.3.2010 kl. 04:36]

En þetta er alltaf skemmtilegt samt þegar farin er þessi sérstæða rökfærsluleið, svona eins og þegar við litlir sögðum einfaldlega pabbi minn er sterkari en pabbi þinn og þú ert með hor.

[cissp dumps (IP-tala skráð) 25.3.2010 kl. 04:37]

Skemmtilegasta sagan af slíkum viðbrögðum er af frænda mínum í Grímsnesi sem sat innikróaður milli tveggja dætra sinna en sagði frekar en að játa sig sigraðan