Takk takk takk ... og mont

Takk fyrir gamla árið sem var þrátt fyrir allt gott ár og skemmtilegt ár og ár eins og ár sem heita 2009 eiga að vera nema þá að maður sé í útlöndum þar sem eru líka ár og oft skipt um ár eins og hérna en helst óttaðist ég nú að þegar svona hart var í ári þá hefði enginn efni á áramótum og hér austanfjalls hefur heyrst af því að í einstöku afdölum hafi verið svo illt eftir allt æseivið sem safnaðist upp í skafla á bæjum að bændur höfðu ekki efni á neinu meiru en mánaðamótum og þar verður áfram búið við 2009 að minnsta kosti fram í þorra en almanök sótt um leið og fyllt er á þorrablótskútinn en það er nú það...

Semsagt, gleðilegt ár...

PS: Mont dagsins: Yngsti sonur minn, krílið Gunnlaugur sem er mér vaxinn yfir höfuð og visku lék í áramótaskaupinu einn af heimsku búðadrengjunum í stórmörkuðunum og við foreldrakornin sátum hér að rifna af monti. Hann var þessi sem benti konunni á að leita að kattatungum í kjötborðinu!

Athugasemdir

[Baldur Kristjánsson (IP-tala skráð) 1.1.2010 kl. 14:51]

Sá það og var stoltur fyrir ykkar hönd! Nýárskveðja.  B

[Haraldur Haraldsson, 1.1.2010 kl. 15:22]

sömuleiðis Bjarni bloggvinur til þin og þinna,sá stráksa og þegtan ,afgreiddi okkur i bókakaffinu/Kveðja Halli gamli

[Hrönn Sigurðardóttir, 1.1.2010 kl. 16:39]

Hann var stórkostlegur.

[Jóhann Elíasson, 1.1.2010 kl. 16:49]

Gleðilegt ár Bjarni og bestu þakkir fyrir árið sem var að líða.  Strákurinn var mjög góður sem og Áramótaskaupið allt, að mínum dómi var skaupið það besta í mörg ár og fer alveg örugglega í hóp þeirra bestu.

[Gunnar Helgi Eysteinsson, 1.1.2010 kl. 19:29]

Ég get skilið að þú varst stoltur - Hann stóð sig frábærlega.

[Jakob Andreas Andersen, 1.1.2010 kl. 20:47]

En hvers vegna varst þú ekki í sköpinu? Þín var saknað. En ok, sonnurinn var bara flottur.

[Guðlaug Hestnes (IP-tala skráð) 1.1.2010 kl. 23:14]

Gleðilegt ár og takk fyrir hressileg skrif. Þú mátt alveg vera montinn því stráksi var heimskulega flottur og skaupið var frábært.