Til Afríku með Dohop

Nú styttist í langþráð frí.

Dag nokkurn í jólavertíðinni ákvað kvenskörungurinn konan mín að senda mig afbæjar á nýju ári og fékk stálpaðan son okkar til að taka gamla manninn að sér í nokkrar vikur, orðin leið á spurningum gesta og gangandi í búðinni um það hvort þessi "elderly man" væri faðir hennar eða afi og því heppilegra að ég yrði um skeið með blámönnum og villidýrum.

Eftir liðlega viku legg ég því upp í flugvél til Svíþjóðar, Rómar og loks Addis Abeba í Eþjópíu og þaðan kem ég aftur liðið er fram yfir miðjan febrúar ef við fegðar lendum þá ekki í mannætupottum áður.

Til þess að fara svo langan veg án atbeina ferðaskrifstofa er best að nota einhverjar af þeim mörgu leitarvélum flugferða sem reknar eru í netheimum. Það er skemmst frá því að segja að í þeirri leit reyndist hin íslenska Dohop leitarvél öllum öðrum fremri, raunar svo að með öðrum leitarvélum tókst mér að ná heildarverðinu niður í 260 þúsund en með Dohop fékk ég miða fram og til baka á 140 þúsund. 

Ef ég frétti eitthvað suður í Afríku læt ég ykkur vita en vísa annars á blogg Austurlandaegils (sjá mynd) sem hefur lofað að ala önn fyrir föður sínum í nokkrar vikur. 

 

Athugasemdir

[Sigrún Óskars, 17.1.2010 kl. 16:34]

Góða ferð !!

Hef einmitt fylgst með Austurlanda Agli - alltaf gaman að lesa bloggið hans og örugglega gaman að ferðast með honum - heppinn að fá að fara með !

[Guðmundur St Ragnarsson, 17.1.2010 kl. 17:06]

Góða ferð. Megi hún gagnast landi og lýð.

[Haraldur Haraldsson, 17.1.2010 kl. 21:35]

já herna Bjarni alltaf kemurðu manni svolítið á óvart,jafnvel slær mann út af laginu,en eigðu góða ferð,kveðja til þin og þinna,og komið þið feðgar heilir heim,maður má vist ekki segja i Guðs friði???/Halli gamli

[Þórhallur Heimisson (IP-tala skráð) 18.1.2010 kl. 12:53]

Góða ferð - og takk fyrir ábendinguna um ferðavefinn.

[Steingrímur Helgason, 18.1.2010 kl. 23:16]

Hafðu með þér hvítlauzkknippi innanklæða & dúzk af lavaner.  Mér er zagt að doleiðz meyri dáldið aldið framzóknarket við zuðumark, en er ekki vizz um að blámennirnir kenni þau fræði til fullz.

[Sigurlaug B. Gröndal, 24.1.2010 kl. 12:27]

Góða ferð, feðgar. Vonandi koma ferðasögur og myndir reglulega. Ég fylgist með síðunni hans Egils. Bíð spennt eftir fréttum. Kærar kveðjur.

[ase training (IP-tala skráð) 13.2.2010 kl. 04:44]

i like your thoughts.

[70-431 exam questions (IP-tala skráð) 13.2.2010 kl. 04:45]

Thanks for sharing nice stuff with us.

[70-291 questions (IP-tala skráð) 13.2.2010 kl. 04:46]

I like the picture on top of the page its amazing.