Takk, takk!

Sem fornbókasali svara ég öllum sem vilja losna við gamlar bækur og tímarit eins að ég taki við öllu en borgi sáralítið. (Auðvitað borga ég alltaf ef mér bjóðast dýrar perlur og feit dánarbú.) Það er svo sunnudagsgaman mitt að raga í gegnum bókakassa og raunar veit ég ekkert eins skemmtilegt. Margt fer auðvitað á haugana eins sárt og það nú samt er að henda bók. Það verður í þessari vinnu eins og annarri að gera fleira en gott þykir. Í viku hverri berast mér allskonarkassar sem fólk vill bara losna við og fær oft ekki annað í kaupið en kaffi og vöfflu.

Í morgun beið mín óvæntur glaðningur á stéttinni framan við bókakaffið. Þar hafði einhver sett kassa með bókum og þar í nokkrar eigulegar. Þar sem ég hefi ekki hugmynd um hver gefandinn er segi ég bara í gegnum þessa síðu í veikri von um að gefandinn lesi; takk.

Athugasemdir

[Kalli Sveinss (IP-tala skráð) 15.5.2010 kl. 12:13]

Félagi Bjarni !

 Maður sem veit fátt eins skemmtilegt og " raga í gegnum bókakassa", verður ávallt í uppáhaldi, hvað þennan málaflokk lítur, hjá " Kalla Sveinss".

 Hlýtt verður því hugsað til bóksalans "þegar þar að kemur" - sem reyndar er jú vaninn !

 Eða sem Rómverjar sögðu.: " Sicut meus estmos" - þ.e. " Eins og venja mín er" !!

[Jóna Burgess Hammer (IP-tala skráð) 15.5.2010 kl. 20:31]

Mikið áttu gott að geta verið að grúska í þessum kössum.  Ef þú ert með fornbókasölu á Selfossi, verð ég að koma og skoða hjá þér þegar ég kem næst til Íslands.

[Jónas (IP-tala skráð) 15.5.2010 kl. 21:20]

Bjarni Harðarson. Það er glæpur og skömm að henda bók. Þú átt að fara með þetta í Góða Hirðinn eða annað ef þú vilt þetta ekki.

[Númi (IP-tala skráð) 18.5.2010 kl. 22:57]

Bjarni láttu ekki nokkurn mann vita af því að þú hendir bókum,ég tek undir með Jónasi er ritar hér ofar.Í Góða Hirðin og Samhjálparmarkaðinn,með bækurnar,en ekki á haugana.