Maður bara lifir... - af óborganlegu viðtali

Ég er oft seinn, lærði til dæmis ekki að meta Guðberg Bergsson fyrr en á fimmtugsaldri og svo var ég líka seinn til að heyra viðtal sem var við sama höfund í Sjónvarpinu í Kiljunni fyrir viku. En þetta er eitt það albesta sjónvarpsviðtal sem ég hefi hlustað á, það má horfa á það hér.

Guðbergur kom hér fram fyrir þjóð sína sem sambland af guðdómlegum sveitamanni og víðlesnum heimspekingi. Minnti mig á veseríinn mikla í lok Birtings í Voltaire í einfaldleika sinnar speki.

Þegar Egill vildi veiða upp úr honum svör við lífsgátunni kom svarið svo blátt áfram,- maður bara lifir. Og um kreppuna sagðist honum svo að það þyrfti engan að undra að þessi þjóð lenti í slíku, þjóð sem aldrei hefði lifað með sjálfri sér heldur í hálfa öld undir bandarískum her og slag í slag með Sjálfstæðisflokkinn við stjórnvölinn. Þetta er vitaskuld ekki orðrétt tilvitnun enda ætlast ég til að lesendur hlusti á viðtalið sjálft þar sem skáldið kvað svo upp úr með að það eina sem einhver mynd er á í þessu landi eru sjómenn og bændur.

Athugasemdir

[365, 8.11.2010 kl. 21:21]

Þetta var mergjað viðtal, maður lifir á því lengi.

[Helga Kristjánsdóttir, 9.11.2010 kl. 02:23]

 Asskoti heldur kallinn sér vel,hann lítur betur út en,þegar við vorum samtíma á Núpi.

[Glúmur (IP-tala skráð) 9.11.2010 kl. 17:48]

Sjómenn og bændur?

Hver ætli sé afstaða þeirra til ESB?

[Haraldur Haraldsson, 9.11.2010 kl. 18:53]

Ólíkt höfumst við að Bjarni bloggvinur/fæ grænar bólur þegar ég sé þennan mann/Kveðja Halli gamli

[Halldór Egill Guðnason, 10.11.2010 kl. 05:28]

Það er einfalt mönnum sem aldrei hafa lyft þyngri hlut en penna að gagnrýna þá er borið hafa þá á listamannalaunum og öðru prjáli gegnum lífið. Ekki nema von að svona menn haldi sér vel. Þeir hafa aldrei afrekað svo mikið sem eitt dagsverk á engi um ævina, heldur spanderað lífinu í spekúlasjónir um aðra og annað. Tærir snillingar, ekki satt? Frussssss..... 

[Hörður B Hjartarson, 10.11.2010 kl. 13:34]

    Bjarni - sem og þið hin !

    Ég verð nú að segja að það fyrsta sem ég hugsaði , er ég las aths. þeirra Halla gamla og Halldórs Egils ; eru þetta ekki báðir staurblindir  FLfokks menn  ?

    En ég man þá tíð er bændur andskotuðust út í Guðberg (ég er bóndasonur) , kannske var ástæða til þess - sem ég reyndar tel , sem og Kiljan , en það breytir ekki þeirri staðreynd að hann var frábær í viðtalinu , já hreint fór á kostum - hægt að líkja honum við stórriddarakrosshafann í prumpi hann Braga Kristjóns .

[Hörður B Hjartarson, 10.11.2010 kl. 13:37]

  Es.: Kannske eru þetta tvær stjörnur sem almenningur sér allt skinið frá , ekki fyrr en þeir eru komnir undir græna torfu - maður verður svo skrambi góður eftir að maður er farinn .