Gott áttu Sturlungar

Er að lesa séra Gunnar Benediktsson þar sem hann skrifar um Sturlungaöldina. Bókin heitir Ísland hefur jarl. Um þennan tíma hafa margir skrifað en kannski enginn af sömu skarpskyggni og Gunnar.

Það vekur mig til umhugsunar að sumpart voru Þórður kakali og Gissur jarl öfundsverðir. Þeir þurftu ekki að fara um landið og halda fundi til þess eins að sannfæra kotkarla um ágæti þess að véla landið undir erlendan kóng.

En af sögunni er alveg ljóst að yfirstétt Sturlungaaldar gekk fram undir smömu rökum og beitt er af ESB sinnum í dag:

Íslendingar eru slíkur ribbalda lýður að þeir geta ekki stjórnað sér sjálfir. Þessvegna er betra að fá gott og göfugt fólk í útlöndum til þess að friða landið.

 

 

Athugasemdir

[Ásdís Sigurðardóttir, 18.3.2011 kl. 13:08]

Mögnuð setning og algjörlega tímalaus.

[Kolbrún Hilmars, 18.3.2011 kl. 14:39]

"Því meiri fjarlægð þeim mun meiri virðing" skrifaði Tacitus um árið 100 AD.  Sem rithöfundurinn Jóhann Sigurjónsson útlagði síðar sem "Fjarlægðin gerir fjöllin blá og mennina mikla".

Ætli minnimáttarkennd og roluháttur íslendinga stafi þannig helst af hnattstöðu landsins? 

[Jón Valur Jensson, 18.3.2011 kl. 15:03]

Hve gott áttu Sturlungar? Faðir Þórðar kakala, Sighvatur á Grund, var drepinn í Örlygsstaðabardaga, ásamt þremur sonum sínum. Sá fjórði, Tumi, var drepinn á Reykhólum. Bróðir Sighvats, Snorri Sturluson, var drepinn í Reykholti og sonur hans, Órækja, blindaður eða geltur.

Já, dreymir þig enn um að verða sem Sturlungar, Bjarni minn?

Jú, víst veit ég, að orðstír Snorra og Sturlu Þórðarsonar lifir – og jafnvel Þórðar kakala, þess valmennis.

[Kalli Sveinss (IP-tala skráð) 18.3.2011 kl. 20:41]

Félagi Bjarni !

 Séra Gunnar Ben., átti örugglega létt með skriftir um Sturlungaöldina.

 Sést best í nýrri bók Þórs Whiteheads " Sovét Ísland -óskalandið" ( hvenær kemur þú" ?) !

 Gunnar sýnist- í bókinni- hafa gjörsamlega fallið fyrir "töfrum" Marx, Engels, Lenins & félaga Stalíns !

 Sturlungaöld Rússlands !

 Vinsældir ESB., meðal þjóðarinnar eru sem betur fer komnar í sama hrap vinsælda sem vinsældir Jóhönnu !!

 Eða sem Rómverjar sögðu.: " Pars pro toto" - þ.e. "Við þurfum ný andlit" !!

[Jón Valur Jensson, 19.3.2011 kl. 12:39]

Þær eru alltaf skemmtilegar þessar umritanir Kalla Sveins á rómverskum máltækjum.

[Guðjón Sigþór Jensson, 21.3.2011 kl. 21:18]

Alltaf er varhugavert að bera saman ólíka tíma.

Sturlungaöldin var skelfilegasti tími Íslandssögunnar, jafnvel danska einokunin hefur verið skárri.

Gunnar Benediktsson ritaði að mig minnir alls 4 bækur um Sturlungaöldina Ísland hefur jarl, nokkrir örlagaþættir, Snorri skáld í Reykholti, Skyggnst kringum Snorra, Sagnameistarinn Sturla og auki þess ritgerðasafnið Rýnt í fornar rúnir. 

Það er miður hversu fáir fræðimenn virðast vitna í rit Gunnars en gera jafnvel niðurstöður hans að sínum. Greinileg rittengsl eru á milli.

Mjög líklegt er að aðferðafræði Gunnars við ritun bóka hans hafi ekki verið talin nægilega „vísindaleg“ en hann vitnar tiltölulega sjaldan í heimildir aðrar en einstök rit Sturlungusafnsins og dregur sínar ályktanir sem eru oft mjög skarpar og skýrar.

Mosi

[Jón Valur Jensson, 22.3.2011 kl. 02:21]

Þið ættuð að lesa bók Ásgeirs Jakobssonar: Þórður kakali – afar vel skrifuð. Skrifborðsmenn í Reykjavík hefðu aldrei náð þessu.

En hvað dvelur orminn langa Bjarna Harðarson? Sökk hann ofan í bækurnar? eða er hann að telja makríl fyrir Jón Bjarnason? Af hverju skilur hann okkur eftir hérna munaðarlausa, án föðurlegrar leiðsagnar sinnar?

Til hamingju annars, Bjarni minn, með þau ágætu umskipti, að völd Ásmundar Einars og Jóns Bjarnasonar hafa aukizt stórum við fráhvarf Atla og Lilju frá Vinstri grænum.

[Guðjón Sigþór Jensson, 22.3.2011 kl. 09:50]

Bókormar eins og við Bjarni týnum okkur gjörsamlega þegar við dettum niður á botnlausan fróðleik.

Það heyrist ábyggilega frá Bjarna innan tíðar! Kannski hann sé að grúska og komi með spánnýja kenningu um tilurð Njálu. Sturlungaöldin er ægilegur pyttur sem erfitt er að komast upp úr með léttu móti.

Mosi

[Glúmur (IP-tala skráð) 23.3.2011 kl. 21:44]

Guðjón Sigþór Jensson

Einokunin var ekki svo slæm 

Það voru (sumir) mennirnir sem (stundum) brugðust

[Jón Valur Jensson, 24.3.2011 kl. 04:13]

Er þetta ekki einhver misritun? Átti það ekki að vera "Gott átu Sturlungar"?

Mér skilst þeir hafi alltaf verið étandi, eins og hann Bjarni.

[Guðjón Sigþór Jensson, 31.3.2011 kl. 21:49]

Nú mætti ætla að Bjarni sé alveg týndur og tröllum gefinn, ekkert lífsmark í nær hálfan mánuð! Vala getur verið svona mikið að gera í ráuneytunum að taka til eftir íhaldið.

Við hlökkum til þá Bjarni bregður fyrir sig pennanum næst!

Góðar stundir!

Mosi