Svindilbrask með opinberu aflátsbréfi

Þegar við horfum á marggjaldþrota stórfyrirtæki í eigu sömu manna, óréttlát undirboð og hreina kúgun sömu fyrirtækja gagnvart framleiðendum, krosseignatengsl fyrirtækja sem eiga að keppa sín í milli og endanlegan dauða hins smáa og heiðarlega þá sér hver sem það vill sjá að þetta sem kallað er markaðssamfélag er í fæstum tilvikum annað en svindilbrask með opinberu aflátsbréfi.

Sjá nánar, 1. maí ræða hjá Stefnu á Akureyri

Athugasemdir

[Gunnar Rögnvaldsson, 5.5.2011 kl. 14:48]

Eftirfarandi datt svona ofan í mig við lestur þess ofangreinda. Afsakið, en ég verð að segja þetta Bjarni, annað væri ekki sanngjarnt;

Þegar við horfum á marggjaldþrota stjórnmálaflokka í eigu sömu manna, óréttlát undirboð og hreina kúgun sömu flokksforystu gagnvart þingmönnum, krosseignatengsl (og pólitísk innherjaviðskipti) Vinstri grænna við Samfylkinguna sem eiga að keppa sín í milli og endanlegan dauða hins smáa og heiðarlega atkvæðis skattgreiðenda og kjósanda þá sér hver sem það vill sjá að þetta sem kallað er Vinstri grænir er í fæstum tilvikum annað en svindilbrask með opinberu aflátsbréfi.

Bestu kveðjur

PS; pólitísk græðgi er ófögur sjón og mun alvarlegri og óæðri hinni efnahagslegu græðgi. Mun erfiðara er að uppræta pólitíska græðgi og afleiðingar hennar eru svæsnari og skaðlegri.