1000 ævisögur í stafrófsröð ...

Stundum á ég ekkert val.

Það gilti nú um helgina gagnvart því verkefni að raða ævisöguvegg netbókabúðarinnar í stafrófsröð. 

Í dag birti Morgunblaðið viðtal sem Pétur Blöndal stórsnillingur þar á bæ tók við mig, afar líflega skrifað og gott. Ef hann hefði bara sleppt því að drótta að mér að ég myndi aldrei koma því verk að flokka ævisögurnar mínar þúsund í stafrófsröð þá hefði ég getað legið í rúminu fram að hádegi og sófanum eftir hádegi.

En í staðin, Pétur, hefi ég nú bisað við þetta daglangt, utan smá slæpingshátt úti í Hveragerði um miðjan daginn. Og bíddu bara, næst þegar þú kemur um Selfoss þá verður ævisöguveggurinn betur flokkaður en fælar Pentagon ...

Athugasemdir

[Ásdís Sigurðardóttir, 21.8.2011 kl. 17:13]

Gott hjá Pétri :)

[Guðjón Sigþór Jensson, 21.8.2011 kl. 19:14]

Ýmsar leiðir eru færar að flokka ævisögur:

1. stafrófsröð.

2. starfsheiti viðkomandi. Þannig er flokkað á Landsbókasafni.

3. uppruni viðkomandi, oft er mjög merkilegt efni fólgið í ævisögum. Bernskuárin eru oft merkustu og eftirminnilegustu minningar viðkomandi.

Þá eru blandaðar leiðir færar. Þannig var t.d. á Borgarbókasafninu sú leið farin á sínum tíma að flokkað var milli erlendra og innlendra ævisagna. Eigi veit eg hvernig þessum málum er háttað nú.

Sennilega eru fleiri aðferðir til, t.d. flokka eftir löndum, efni, aldri, útgáfustað o.s.frv.

Sjálfur á eg um 10-12 hillur af ævisögum í því safni sem eg hefi sankað að mér á tæpri hálfri öld frá því eg fór að kaupa bækur. Læt einfaldfa stafrófröð ráða efir fornafni Íslendinga en fjölskyldunafni þeirra erlendru.

Góðar stundir

Mosi