Rangt hjá formanninum

Ástkær leiðtogi okkar vinstri manna olli mörgum okkar vonbrigðum í gær. Tilefnið var umræða ESB aðildarferlið og minnt var á að Steingrímur hefði sjálfur haft orð á því sumarið 2009 að til þess gæti komið að ferlið sýndi það að ekki yrði staðið við fyrirvara Íslands og þá ætti að standa upp og slíta viðræðunum. En nei, sami Steingrímur sagði í gær:

"...Ég sé ekki að í neinu tilviki hafi nokkrum tekist að færa fram sönnur um að í einu eða neinu hafi verið hvikað frá því að standa vörð um þá grundvallarhagsmuni sem skilgreindir voru hér vorið 2009. Og á meðan svo er ekki að þá hafa menn lítið efni í sín upphlaup hér um þessi mál."

Nú er vitaskuld ekki hægt að ætlast til að formaður VG lesi Morgunblaðið en allmargir hafa orðið til að vitna í skrif Guðrúnar Hálfdánardóttur blaðamanns þar um ræðu Kolbeins Árnasonar um ESB viðræðurnar. Kolbeinn er ekki bara maður úti í bæ heldur formaður samningahóps Íslands í viðræðum okkar um sjávarútvegsmál í aðildarviðræðunum. Hann benti á það á fundi hjá Viðskiptaráði í nóvember síðastliðnum að Ísland gætu ekki haldið forræði sínu yfir deilistofnum og erlendum útgerðum verður við aðild heimilt að kaupa upp íslensk útgerðarfyrirtæki.

Það er því einfaldlega rangt hjá formanni VG að engum hafi tekist að færa sönnur á neitt í þessu efni. Þegar formaður íslenska samningahópsins um sjávarútveg gefur yfirlýsingar sem þessar er ljóst að samninganefndin ætlar ekki að halda fram þeim kröfum sem eru þó skýrar í þeim skilgreiningum og umboði sem Alþingi gaf samninganefndinni með ályktun sinni 16. júlí 2009.

Samninganefnd Íslands er komin út fyrir það umboð sem Alþingi gaf og þeir VG þingmenn sem styðja umsóknina hafa vitaskuld ekkert umboð til þess frá sínum kjósendum.

(Skreytnin hér í upphafi greinar að kalla formann VG ástkæran er alveg merkingarlaust og bara bókmenntaleg áhrif frá síðasta bloggi sem fjallaði um ástarrómana sem eru miklu skemmtilegri en ESB karp.)

Athugasemdir

[Númi (IP-tala skráð) 17.4.2012 kl. 13:06]

Já Bjarni þessi Steingrímur í dag er ekki sá sami Steingrímur er var fyrir síðustu kosningar. Hver er þessi Steingrímur J.? Þessum sem er nú, virðist vera fjarstýrt ,af ESB-klíkuveldinu. Aumlegt er yfirklór hans. Hvað hefur hann sér til málsbóta gagnvart 180 gráðu beygju sinni.? Það er stór spurning.

[Jón Steinar Ragnarsson, 17.4.2012 kl. 15:13]

Ég legg til að þú sendir honum þetta erindi í pósti svo það fari ekki fram hjá honum.

Þennan ásteytingarstein hafa allir vitað um frá upphafi í raun og er hann lykilatriði í andstöðunni við ESB. Ég ætla ekki að reyna að telja þau skipti sem Samfylkingin hefur sagt þetta ósatt.  Það segir meira en mörg orð.

[Gunnar Rögnvaldsson, 17.4.2012 kl. 16:35]

Þetta minnir mig á ávarp til Liðónýts Brezhnéffs

"Ástkær leiðtogi okkar vinstri manna"

Ertu nokkuð fullur Bjarni?

.

kaffi 

.

lýsi

.

reykja 

.

púff 

. 

Afsakið. Ég las niðurlagið síðast. Hefði átt á hefja lesturinn þar og lesa mig aftur á bak til ástarákærunnar

eehhr

[Gunnlaugur Ingvarsson (IP-tala skráð) 17.4.2012 kl. 17:30]

Steingrímur J. sagðist líka ekki ætla að fara á taugum yfir þessu og sagðist svo ætla að fara í gegnum þetta "með alveg kaldan haus" Hvað sem það nú merkir hjá formanninum.

Kannski mismælti hann sig bara og ætlaði að segja að hann ætlaði að fara í gegnum þetta "með alveg tóman haus"

En nú er meira að segja hver aðildarsinninnn á fætur öðrum að skipta um skoðun og búnir að mikið meira en nóg.

Ólafur Arnarson hagfræðingur og harður ESB aðildarsinni til margra ára, er greinilega komin með upp í kok og er ekki með jafn "kaldan haus" í þessu máli eins og Steingrímur J.

Hann segir í Pressunni. Að með framgöngu framkvæmdastjórnar ESB með því að gerast beinir aðilar með ESA til þess að reyna að fá Ísland dæmt fyrir EFTA dómsstólnum hafi Framkvæmdastjórn ESB sýnd umsóknarlandinu Íslandi fullkomin fjandskap.

Hann bætir síðan einnig við orðrétt:

"Aðildarumssókn Íslands að ESB andaðist í gær, blóm og kransar afþakkaðir"

[Guðmundur Ingólfsson, 17.4.2012 kl. 17:42]

Er Bjarni Harðar að fara á límingunum einns og Framsóknarmenn???

[Kalli Sveinss (IP-tala skráð) 17.4.2012 kl. 18:17]

Félagi Bjarni !

Átti ekki örugglega"  ástkær leiðtogi " vera innan gæsalappa ?? !

 Gerðu strax sem þúsundir annarra hafa framkvæmt á liðnum mánuðum, þ.e. segðu þig eins og skot úr VG !

 Gamla Maddaman tekur örugglega við þér aftur !

 Mundu einnig Mat.7.7. ; " Það er meiri gleði á himnum yfir einum syndara sem gerir iðrunn, en níutíu og níu réttlátum sem ekki þurfa iðrunnar með"

 Hvað var haft eftir Ögmundi í hádegisfréttum RÚV í dag ? - Jú, að framkoma ESB, væri hvorki meira né minna en BLAUT TUSKA FRAMAN Í Íslendinga.!

 Félagi! Stökktu strax fyrir borð, mundu hvað Rómverjar sögðu forðum: "Empta dolore docet experienta", þ.e. " Brennt barn forðast eldinn" !

[Gunnar Heiðarsson, 17.4.2012 kl. 21:35]

Við vitum hvað gerist þegar hausinn frýs á fólki, Gunnlaugur. Hausinn á Bjarna Ben fraus síðasta vetur og afleiðingar þess eru kunnar.

[Sunnlendingur (IP-tala skráð) 17.4.2012 kl. 22:58]

Bjarni vissir þú að

.       Flokkurinn styður aðlögunarviðræður við ESB þvert á flokkssamþykktir 

       Aðgerðarleysi í skuldamálum heimilanna þvert á flokkssamþykktir

      Tvisvar sinnum hafnaði þjóðin Icesave samingum VG og Samfylkingarinnar.

       Í siðuðum löndum hefðu ríkisstjórnir sagt af sér eftir eitt tap í þjóðaratkvæðagreiðslu

      Þingmenn og ráðherrar flokksins hafa engin ráð gegn atvinnuleysinu

     Þrír þingmenn hafa sagt sig úr þingflokknum vegna vinnubragða forystunnar

      Djúpstæður málefnalegur klofningur er í því sem eftir er af þingflokknum

       Þarf að rifja upp Magmamálið?        Flokkurinn stóð að því að milljaðar voru lagðir inn í Sjóvá án nokkurrar heimildar Alþingis

       Fjármálaráðherra leyfði byr og Spkef að starfa án þess að uppfylla lögbundnar eiginfjárkröfur

      VG stóð að því að selja huldumönnum Íslandsbanka og Arion banka, mesta einkavæðing sögunnar

      VG stóð að því að kenna ríkisstjórnina við norræna velferð. Ekkert hefur reynst fjarri lagi.

 

 

[Jón Steinar Ragnarsson, 18.4.2012 kl. 02:10]

Úff Bjarni...þessi listi sunnlendingsins sýnist mér kalla á annan og viðameiri landsdóm. Er það að undra að Steingrímur óttist að missa stólinn sinn og diplómatapassann.

[Sigurgeir Jónsson, 18.4.2012 kl. 08:59]

Nú er vor.Tími víga að hætti Surlunga, Oddverja og Haukdæla.En þetta er rétt hjá þér Bjarni.Minn ástsæli leiðtogi og tilvonandi leiðtogi Landsbyggðarinnar og alls landsins,á árunum 1999-2005, er genginn ESB og kratismanum á hönd.Hann ber því að fella, svo Landsbyggðin og landið haldi virðingu sinni.Til vopna.Nei við ESB.

[Vilhjálmur Stefánsson, 18.4.2012 kl. 16:58]

Katrín Jakobsdóttit segir að VG séu að sameinast Samfylkinguni,þá er eðlilegt að Steingrímur J vilji gera það sem Jóhanna Sigurðar vill, ganga í ESB,hún er orðin Formaður beggja Flokka.Reindar hefur hún verið það lengi..