Nýr þjóðarsáttartími runninn upp

Nú á endurreisnarskeiði eftir bankakreppuna er þörf á þjóðarsátt í kjaramálum. Siðast þegar slík sátt var gerð fyrir aldarfjórðungi baðst atvinnulífið undan verðtryggingu launa. Á það var fallist en verðtrygging lána hélst. Af því hefur síðan hlotist mikið óréttlæti.

Þeir sem réttlæta verðtryggingu lána með jafnvirðisrökum geta ekki talað gegn verðtryggingu launa. Reynslan kenndi okkur samt að við verðtryggingu launa stenst samfélagið ekki.

Vandamálið er að verkalýðsforystan á Íslandi er hluti af varðmönnum fjármagnsins í gegnum lífeyrissjóðina. Því er þessi forysta í reynd óhæf til að höggva á þann hnút sem ógnar afkomu eignastöðu alls almennings. 

Ný þjóðarsátt getur aðeins orðið ef kjörnir fulltrúar þjóðarinnar afnema verðtrygginguna og lækka hér til muna vexti af húsnæðislánum.  

Tíu hafa óskað eftir viðræðum

Athugasemdir

[Rafn Guðmundsson, 19.2.2013 kl. 21:44]

þjóðarsátt/afnema verðtryggingu og lækka vexti - hvers vegna - hér er sennilega allt á uppleið

http://www.grapevine.is/Features/ReadArticle/Getting-The-Show-Back-On-The-Road

(eyjan.is)

[Guðrún María Óskarsdóttir., 20.2.2013 kl. 01:51]

Mikið rétt Bjarni.

kv.Guðrún María.

[Bjarni Gunnlaugur (IP-tala skráð) 20.2.2013 kl. 09:01]

Öllum lánum Bjarni, öllum lánum!

Af hverju skal bóndi  sem dæmdur er til stórrar lántöku til að hafa laun þurfa að greiða rokháa vexti á móti velmektugum húseiganda í góðri vinnu.

Auðvitað eiga vextir að vera hóflegir, 2 til 4% max.

Þjóðarsátt verður hér ekki nema að stjórnvöld hvers tíma standi sig í að halda verðbólgu niðri og noti ekki til þess verðbólgukvetjandi aðgerðir eins og t.d. háa vexti. (háir vextir búa til peninga því raunhagkerfið fylgir ekki veldisfallinu og tilbúningur peninga veldur verðbólgu)

[Bjarni Harðarson, 20.2.2013 kl. 13:08]

Sammála þér nafni - háir vextir eru eitt helsta böl okkar og það nær til allra. Engu að síður held að sértækar hömlur eigi að vera á vaxtaokri á húsnæðislánum. Það gagnast öllum.

[Pétur Örn Björnsson (IP-tala skráð) 20.2.2013 kl. 18:15]

Rétt athugað Bjarni, en þó skal hafa það sem réttast er

og því vert að minna á einarða og dugmikla baráttu

Vilhjálms Birgissonar, verkalýðsforingja á Akranesi.

Þar fer foringi sem sómi er að.