Magnaðir Eyjamenn

Áttum magnaðan fund í Krónni í
Vestmannaeyjum í gærkvöldi. Þar var troðfullt og fengu færri sæti en vildu. Umfjöllunarefnið samgöngumál Eyjanna og aðalframsögumaður Gísli Viggósson á Siglingamálastofnun sem gerst þekkir til Bakkafjöru. Fundarboðendur vorum við Guðni og fengum fyrir fundarstjóra sjálfan sýslumanninn Karl Gauta Hjaltason.

Umræðan var mjög hreinskiptin og góð. Hér töluðu bæði andstæðingar og talsmenn Bakkafjöruhafnar og Gísli svaraði fjölmörgum fyrirspurnum á sinn hæverska og einlæga hátt.

Ég ætla ekki að fullyrða að fundurinn hafi eytt öllum efasemdum manna um Bakkafjöru en hann var hreinskiptin og hreinsaði um margt andrúmsloft í eldfimri umræðu.

Heimsóknin í Eyjarnar var líka öll hin skemmtilegasta. Komum meðal annars til hins aldna höfðingja Bjarna Sighvatssonar í sumarsloti hans í Þórlaugargerði og þáðum þar kaffi.

Athugasemdir

[Jenný Anna Baldursdóttir, 29.4.2008 kl. 16:59]

Hvernig er það Bjarni, en hafa konur í Eyjum engan áhuga á málinu?  Sé bara endalausa karla á myndinni.

Takk fyrir mig.

[Guðrún María Óskarsdóttir., 30.4.2008 kl. 01:29]

Sæll Bjarni.

Já þessi umræða er eldfim, það er rétta orðið og við Frjálslynd vorum í Eyjum siðasta föstudag á sama stað þar sem Bakkafjara var eitt helsta umræðuefni.

kv.gmaria.

[Þorsteinn Briem, 30.4.2008 kl. 09:12]

Hver er snúningshringur Framsóknarflokksins í þessu máli, Bjarni minn? Sætta lundakallarnir sig við hann?