Forlögin og spádómar Reynis Katrínarsonar

Var í skemmtilegum útvarpsþætti með Bubba Morthens í gærkvöldi og var bara dæmalaust gaman. Eiginlega svo gaman að ég ákvað að láta flakka sögu sem ég hef verið i vafa um að ég ætti að láta hana heyrast í fjölmiðlum. Einhverjir gætu haldið að ég væri orðinn vitlaus en það er nú kannski ekkert til að hafa áhyggjur. Reyndar áreiðanlega einhverjir sem telja hvort er að ég sé vitlaus!¨

Allavega - úr því að ég lét Bubba heyra söguna er ekki nema sanngjarnt að ég setji hana á flot hér á blogginu líka. Þetta snertir skyndilega afsögn mína og ástæður hennar en þremur kvöldum eftir að þá atburði kom konan mín upp i herbergi til mín þar sem ég sat að venju yfir tóbaki og bókum og sagði:

- Manstu þegar við vorum í Garðinum?
- Hvaða garði? Svaraði ég kannski ögn önugur enda aldrei hrifinn af truflunum í mínum bóklestri.
- Suður í Garði,-  á sýningunni um daginn og þú hittir spámanninn!
- Já.
- Og manstu hverju hann spáði?

Eftir það kom löng þögn. Elín rifjaði upp spádóminn en ég kom ekki upp orði. Og sannast sagna var ég óvanalega lengi að festa svefn þetta kvöld.

Ég hef alltaf verið laus við að leggja trúnað á miðla og spámenn - en líka forðast svoleiðis fólk eftir mætti. Í þetta skiptið var á ferðinni einstaklega geðugur maður, Reynir Katrínarson, sem bauðst til að kasta upp fyrir mig heiðnum spáflísum, steinum guðanna kallaði hann það, með myndum og rúnum fyrir helstu goð og gyðjur ásatrúarinnar. Og gerði það. Síðan las hann út úr þessum töflum mannlýsingu sem gat svo sem átt við marga en bætti svo við:

- En svo á eitthvað mjög merkilegt og já - alveg rosalegt, eftir að koma fyrir þig í nóvember, nálægt miðjum nóvember. Eitthvað mjög, mjög alvarlegt og dramatískt en það mun verða til góðs þegar upp er staðið. Og það færi að koma í líf mitt nýtt fólk.

Er nema von að mér hafi ekki orðið svefnsamt. Ekki þar fyrir að ég er dulítið forlagatrúar. Hef alltaf verið svag fyrir slíkri trú síðan ég dvaldi ungur með múslimum. 

En það hefur  aldrei hvarflað að mér að trúa því að nokkur geti í raun og veru lesið þessi forlög. En nú stendur jafnvel það á völtum fótum. Það er flest af manni tekið þessa síðustu og verstu daga!

Reyndar held ég enn að þetta geti kannski verið tilviljun,- já, eiginlega ákveðið að trúa því! Kannski!

Athugasemdir

[Katrín Snæhólm Baldursdóttir, 25.11.2008 kl. 13:01]

Reynir Katrínarson er nú enginn venjulegur maður. Við dvöldum saman í Santa Fe fyrir nokkrum árum þar sem hann ásamt vinkonu minni Unni Lárusdóttur voru með íslendkan gyðjugjörning. þetta var um vor og veður gott en þegar íslendingarnir tóku upp rammíslenska steina sína og hófu ákall á hinar íslensku gyðjur kafsnjóaði svo að það varð ófært.

[Kjartan Pétur Sigurðsson, 25.11.2008 kl. 13:29]

Hér er hægt að kjósa fólk í nýja Ríkisstjórn.

http://www.photo.is/nyrikisstjorn.html

Smá vísir að kosningakerfi sem er vonandi það sem koma skal.

Auðvelt er að kjósa um menn og málefni.

[Kolbrún (IP-tala skráð) 25.11.2008 kl. 13:33]

Einhver spámaður sem sá fyrir að BH myndi hætta. Ráð að tala við hann.

rt

[Magnús Skúlason, 25.11.2008 kl. 13:37]

Þessi gæji hefur eitthvað samband við Móra

[s (IP-tala skráð) 25.11.2008 kl. 14:27]

Afsaka lengd á innlegginu, en ef þið eruð að spá í spámönnum þá er nú einn sem gnæfir yfir aðra. Hér er brot af spádómum Nostradamusar um aðdraganda 3.heimsstyrjaldarinnar. (úr bók gefin út ´96)

ekki að ég sé ofur-trúaður á þetta, en þetta lýsir nú ástandinu akkúrat núna skuggalega vel

 

 

 

Dregur til tíðinda

Þegar menn segja: ,,Friður og engin hætta", þá kemur snögglega tortíming yfir þá, eins og jóðsótt yfir þungaða konu.I. Þessaloníkubréf 5:3  Skapadægur neyslusamfélagsins. Verðbólgaog gerræði. Spádómar Nostradamusar rætastRáðamenn og stjórnendur framleiða eftirlíkingar og fræðimenn gera áætlanir sem eru gjörsneyddar ráðvísi. Gnægtahornið verður fyrir barðinu á þeim og ofbeldi kemur í stað friðar. Spádómarnir munu rætast. Des Roys & Princes dresseront simulacres,¹
Augures,² creuz esleuez aruspices:³
Corne,⁴ victume d'oree, & d'azur,⁵ d'acre,
⁶Inrerpretez⁷ seront les extipices.⁸
III:26 1) Latína simulacrum; táknmynd, eftirlíking. ,,Framleiðsla eftirlíkinga" vísar til þess er ríkisstjórnir prenta peninga án innstæðu og stuðla þannig að verðbólgu.
2) Spámaður, spáprestur í Róm til forna. Í þessu samhengi hagfræðingar og stjórnmálamenn.
3) Latína haruspex; sjáandi, spámaður.
4) Nægtahorn, tákn allsnægta. Horn fullt af blómum, ávöxtum og grænmeti svo að út úr flóir. Stendur fyrir neyslusamfélagið.
5) Himinblár, heiðblár. Táknar sakleysi, ró, frið og spekt.
6) Latína acer; beittur, hvass, harður, ofbeldishneigður.
7) Latína interpretor; útskýringar, túlkanir, umsögn (höfundar).
8) Latína extipex; spámaður sem les framtíðina í innyflum fórnardýra.  Nauðungaruppboð og vaxandi vantrú á getu stjórnmálamannaÞau munu kvarta undan eignamissiog barma sér yfir því að hafa kosið [ráðamenn] sem gera mistök æ ofan í æ.Fáir vilja fylgja þeim lengur að málum né láta síbylju þeirra draga sig á tálar.La grande poche¹ viendra plaindre, pleurer,
D'auoir esleu, trompez seront en l'aage²
Guiere avec eux ne voudra demourer,
Deceu sera par ceux de son langage.
VII:35 1) Tómur buxnavasi; peningaleysi.
2) Latína in aetate; öðru hverju. Efnahagskreppa. Hrun verðbréfamarkaðarins Táknmynd gulls og silfurs verður fórnarlamb verðbólgu. Þegar velmegun líður undir lok verður henni kastað í eldinní bræði, uppurinni og truflaðri vegna ríkisskulda. Verðbréfin verða að engu.Les simulachres¹ d'or & d'argent enflez,
Qu'apres le rapt lac² au feu furent³ iettez,
Au descouuert⁴ estaincts⁵ tous & troublez,
Au marbre⁶ escripts, prescrips⁷ intergetez.
VIII:28 1) Latína simulacrum; táknmynd, eftirlíking. ,,Táknmynd gulls og silfurs" eru peningaseðlar sem voru ekki til sem gjaldmiðill á tímum Nostradamusar.
2) Latína lac, lactis; mjólk. Táknar velmegun í spádómunum.
3) Latína furens, - entis; bræði, hamslaus heift.
4) Hagfræðihugtak sem á okkar tímum er notað yfir greiðslujöfnuð á tekjuhalla ríkisins.
5) Fornfranska estanc; uppurinn, (kominn í) þrot, örmagna.
6) Marmari. Tilvísun til steytils (úr marmara eða leir) sem notaður er til að mylja hörð efni í með sérstökum stauti. Í yfirfærðri merkingu; að mylja (e-ð) mélinu smærra, gera að engu.
7) Latína perscribo; ég borga með miða, seðli eða eyðublaði.
Frá því að seinni heimsstyrjöld lauk hefur heimurinn verið laus við víðtæka og langvinna heimskreppu. Samkvæmt forspá Nostradamusar verður fjármálakerfi heimsins fyrir stórfelldum áföllum á nýjan leik. Efnahagskreppan veldur ólgu og vaxandi samkeppni þjóða á milli er lyktar með vopnagný og stórstyrjöld. Dr. Ravi Batra, kunnur indverskur hagfræðingur, telur að ef látið er skeika að sköpuðu geti efnahagskreppa brostið á - heimskreppa sem verður jafnvel mun þyngri en kreppan mikla á fjórða áratugnum. Með rannsóknum sínum á hagsögu Bandaríkjanna síðustu 250 ár uppgötvaði dr. Batra áratugalangar hagsveiflur ríkisafskipta, verðbólgu og samsöfnunar auðs. Vöxtur þessara hagþátta nær hámarki á þrjátíu eða sextíu ára tímabili og leiðir til efnahagssamdráttar eða kreppu. ,,Kenning Batra fjallar að miklu leyti um áhrif ört vaxandi eignarhlutdeildar þeirra ríkustu í þjóðarauðnum. Telur hann að þessi samsöfnun auðs á fárra hendur hafi valdið miklu ójafnvægi í bandarísku efnahagslífi. Síðustu mælingar á eignarhaldi eins prósents ríkustu íbúa Bandaríkjanna benda til þess að þeir eigi 34,3 prósent eða fjórar billjónir (milljón milljónir) Bandaríkjadala af tólf billjóna dala þjóðarauði. Hefur eignarhlutdeild þessa þjóðarbrots ekki verið meiri frá lokum þriðja áratugarins, áður en kreppan mikla skall á, þegar sú tala náði að verða 36 prósent."¹  Samsöfnun auðs á fárra hendur og vaxandi þörf fyrir lánsfé Mikil lánsviðskipti og gnótt gulls og silfurs afvegaleiða þá sem þyrstir í upphefð. Misgjörðir hinna ágjörnu koma í ljós og verða þeim til stórfelldrar skammar.Le grand credit d'or & d'argent l'abondance
Fera aueugler par libide¹ l'honneur,
Sera cogneu d'adultere l'offence
Qui paruiendra à son grand deshonneur.
VIII:14 1) Latína libido; löngun, hóflaus girnd.
Hinn virti hagfræðingur, John Kenneth Galbraith, hefur haldið þeirri skoðun á lofti að ný kreppa kunni að vera í uppsiglingu. Í grein sem hann birti í tímaritinu The Atlantic Monthly gerði hann grein fyrir þeim atriðum sem honum þykja einkenna þróun síðustu ára og svipa til þess ástands er ríkti fyrir kreppuna 1929. Helstu og jafnframt alvarlegustu einkennin eru sívaxandi eftirsókn millistéttarinnar eftir lánsfé til að viðhalda þurftarfrekri framfærslu og óhófleg samþjöppun auðs á fárra hendur. Spádómur Nostradamusar minnir á fyrirboða sem finna má í Jakobsbréfi 5:1,2. Þar segir: ,,Hlustið á, þér auðmenn, grátið og kveinið yfir þeim bágindum, sem yfir yður munu koma. Auður yðar er orðinn fúinn og klæði yðar eru orðin möletin, gull yðar og silfur er orðið ryðbrunnið og ryðið á því mun verða yður til vitnis og eta hold yðar eins og eldur. Þér hafið fjársjóðum safnað á síðustu dögunum." Almenningur jafnar reikninginn við vestrænar bankastofnanirMusterin, þar sem Vesturlandabúar geyma fjársjóði sína á leyndum stöðum, verða brotin upp af hungruðum [lýðnum] sem endurheimtirauðæfin og vinnur ótrúleg spellvirki. Meðal þeirra verða hræðilegar óspektir.Mis tresors temple citadins Hesperiques,¹
Dans iceluy retiré en secret lieu:
Le temple ouurir les liens² fameliques,
Reprens, rauis, proye horrible au milieu.
X:81 1) Latína Hesperia; land vestursins. Einnig komið úr grísku ; vestur.
2) Lien; band, tengsl, samband. Tilvísun í e-ð sem fólk tengist sterkum böndum, t.d. eigin afkvæmi, heimili eða fjármunir.   Þverrandi trú á stjórnmálamönnum vegna verðbólgu. Glundroði í ParísYfirvöld verða fyrirlitin vegna gengisfellingar og fólk gerir uppreisn gegn valdhöfunum. Friður verður boðaður, helgispjöll framin. Aldrei hefur París verið í jafnsárri óreiðu.D'esprit¹ de regne munismes² descriés,
³Et seront peuples esmeuz contre leur Roy,
Paix sainct nouueau, sainctes loix empirees,⁴
Rapis⁵ onc fut en si tredur arroy.⁶
VI:23 1) Fornfranska despit; fyrirlitning.
2) Latína numisma; lítil mynt úr gulli eða silfri.
3) Fornfranska descriés; falla í verði.
4) Fornfranska empirier; spilla, eyðileggja, skemma.
5) Stafavíxl fyrir PARÍS.
6) Dregið af désarroi; ráðaleysi, uppnám, fát. Dæmi um aphesis. Efnahagslegt öngþveiti leiðir til styrjaldar. Beiting kjarnorkuvopnaVegna dýrtíðar munu menn fella tár. Holdi manna verður breytt í ösku. Hinir kristnu munu valda Egyptum mæðu.Síðan birtist vofa [stríðsins] í Grikklandi.A son haut pris plus la lerme¹ sabee,²
D'humaine chair par mort en cendre mettre,
A l'isle Pharos³ par Croissars pertubee,
Alors qu'a Rodes⁴ paroistra deux espectre.⁴
V:16 1) Fornfranska lerme; tár.
2) Latína sapio; ég bragða.
3) Pharos er nú á tímum lítill skagi í Norður-Egyptalandi en var í fyrndinni eyja.
4) Dregið af Rhodos; grísk eyja í Eyjahafi.
5) Vofa, afturganga. Táknmál; e-ð sem veldur ugg eða skelfingu.
Einn af spámönnum gyðinga, Sakaría, lýsir voðafyrirburði með þessum orðum: ,,Hold þeirra mun upp þorna, meðan þeir enn standa á fótum, augu þeirra munu hjaðna í augntóttunum og tungan visna í munninum."   Fjármálakreppa. Stríð á VesturlöndumÞegar efnahag hnignar verða miklar hörmungar í vestri og á Ítalíu. Stríð, bágindi og ánauð hrjá páfastól. Tími gripdeilda eyðir Mónakó. Le pare¹ enclin² grande calamité,
Par l'Hesperie³ & Insubre⁴ fera:
Le feu en nef⁵ peste & captiuité,
Mercure⁶ en l'Arc⁷ Saturne⁸ fenera.⁹
II:65 1) Latína parcus; efnahagur.
2) Latína inclino; hnignun, minnkun, fall.
3) Gríska ; vestur.
4) Landsvæði umhverfis Mílanó á Ítalíu.
5) Latína navis; fley. ,,Fley Péturs postula"; samlíking frá dögum frumkirkjunnar yfir kaþólsku kirkjuna.
6) Merkúr, guð kaupmanna, mælskulistar, klækjarefa og þjófa með Rómverjum til forna.
7) Latína Monoeci Arx; Mónakó, furstadæmi á Miðjarðarhafsströnd Frakklands.
8) Satúrnus, guð sáningarinnar í rómverskri goðafræði. Samsvarar Kronosi, guði tímans, hjá Grikkjum. Stendur fyrir tímann í spádómum Nostradamusar.
9) Latína feneror; eyðileggja, ónýta.

[s (IP-tala skráð) 25.11.2008 kl. 14:29]

úps, frumtextinn og skýringar kópíruðust líka. það var óvart

[Helga Ágústsdóttir (IP-tala skráð) 25.11.2008 kl. 18:53]

Ekki hlæ ég að öllum spádómum... þótt ýmsum finnist e.t.v. heimsku- og/eða barnalegt að halda að hægt sé að skynja óorðna hluti.

Fyrir áratugum síðan var mér sagt (já af ókunnugri spákonu, sem ég hafði aldrei séð eða heyrt  - né hún mig) að bók kæmi út eftir mig - innan árs. Mér fannst þetta talsvert fyndið.

Þetta var í febrúar - ég hafði engin slík plön, ekki einn staf skrifaðan; ekki einu sinni í skúffu. - Löng saga gerð stutt: bókin kom út í nóvember. Bókaforlagið Iðunn hringdi í mig c.a. endaðan feb og bauð (já, ég er ekki að skreyta neitt) mér að skrifa bók fyrir sig.

Sem sagt - ég hef bara ekki efni á að hlæja að spádómum! EN ekki trúi ég nú samt á Móra í þessu sambandi... en öllum öðrum.

Helga Ág.

Já já, sei sei já - og bráðum förum við að kjósa fólk og aungva flokka.  - "Ljúft er að láta sig dreyma..."

[Petur (IP-tala skráð) 25.11.2008 kl. 19:29]

Já, Bjarni. Það hefur komið fram hvað eftir annað að veruleikaskynjun þín er ekki í lagi.

[Helga Ágústsdóttir (IP-tala skráð) 25.11.2008 kl. 20:06]

Reis upp frá Kastljósi, ágæti Bjarni, til að segja þér að einmitt þetta með eigendur og bakstjórnendur Framsóknarflokksins, hefur alltaf svifið yfir vötnunum; sennilega meira hvað þann flokk varðar en aðra. "Menn" hafa hreinlega talið sig vita þetta og/eða skynja.  Einmitt - halda völdum þ.e. vera alltaf í ríkisstjórn, á hverju sem gengur. - þess vegna hefur margur maðurinn flissað kvikindislega yfir að einhver sé "framsóknarmaður": alltaf að ota sér og sínum hagsmunum.

Ég man eftir þessu viðhorfi áratugum saman.

 - EN álit mitt á mönnunum Bjarna Harðar og Jóni Sig. haggast ekki, hvað sem þessu líður. Báða þekki ég aðeins að góðu, verulega góðu, og gæti tíundað í lengdeum en sleppi því hér.

H.Ág.

E.S. Hlakka til að lesa nýju bókina.

[Jóhann G. Frímann, 25.11.2008 kl. 22:54]

Sæll Bjarni.

Er það ekki rétt munað hjá mér að þú hafir verið einn af stofnendum draugaseturs á Suðulandi? Ef það er rétt munað væri ekki óeðlilegt að þú tryðir á drauga. Annað væri ótrúverðugt.