Göldróttur sunnudagur

Galdramenn heiðra Sunnlenska bókakaffið sunnudaginn 21. desember og kynna um leið göldrum prýdda bók, Töfrum líkast sem er ævisaga Baldurs Brjánssonar. Bókarhöfundurinn Gunnar Sigurjónsson hefur í tilefni af komu sinni á Selfoss bruggað galdur sem er sérstaklega saminn með sunnlenska Framsóknarþingmenn í huga og verður hann frumsýndur í Bókakaffinu af þessu tilefni. Uppákoman hefst klukkan 15 en Sunnlenska bókakaffið er opið þennan dag frá klukkan 12 - 22.

Athugasemdir

[Hildur Helga Sigurðardóttir, 20.12.2008 kl. 13:38]

Fékk "Töfrabókina" að gjöf frá höf. á dögunum og hlakka til að lesa hana, þegar ég er búin með "Sjöunda son" Árna Þórarinssonar.  Það jafnast fátt á við dulítinn veruleikaflótta í formi góðra bóka þessa dagana.

[Hildur Helga Sigurðardóttir, 20.12.2008 kl. 13:43]

p.s. Veit ekki alveg með galdurinn.

Verður gestum breytt úr froskum í sunnlenska Framsóknarmenn ?

Eða öfugt ?

[Baldur Hermannsson, 20.12.2008 kl. 18:32]

Nafni minn Brjánsson á allt gott skilið en þó hefur mér alltaf fundist meir til um séra Eirík í Vogsósum. Dapurlegt að Sunnlendingar skuli ekki hafa í sér döngun til að heiðra minningu hans með einhverju móti. Veglegur minnisvarði er betra en ekki neitt.

[Helga Ágústsdottir (IP-tala skráð) 20.12.2008 kl. 23:33]

Er ekki bara rétt úr því sem komið er að reisa Baldri töframanni eitthvurt merki, í minningu sr. Eiríks?  Mér sýnist það eina lausnin.

 Nú væri ekki mjög leiðinlegt að kunna brókagaldur sr. Eiríks og geta nýtt á einhvern nútímahátt á þá/þær, sem eru ekki öldungis heiðarlegir í sinni umsýslan allri! Bittnú! Ja, hvílíkt buxnabotnleysi á ýmsum stöðum.

Þá yrði líka fólki e.t.v. ljóst að þarna eru á ferð fólk eins og pöpullinn sjálfur - og ekkert öðru vísi. Þrátt fyrir allar glæsimyndir og greinarstúfa í glanstímaritum. Já og svo auðvitað líka í" Séðinu og heyrtinu"

 Og þá hefði nú einhver alþýðuvargurinn ort:

 Botninn þann er beran sá

brá mér nokkuð illa

Það veit Guð að þar í sveit

þarf ei neinu' að spilla.

Allt var þar með eymdarbrag

einkum sérhver felling

eitthvert bannsett ólánslag

við aðra hverja stelling.

Dónalegur þessi alþýðuvargur. Ekki ef ég honum upp bloggmyspacefacebook-ið mitt.

Helga Ág.

[Baldur Hermannsson, 20.12.2008 kl. 23:45]

Vel mælt, Helga, þú ert sniðug kona. Þegar ég ek um Skagafjörðinn tölti ég iðulega upp að Örlygsstöðum, þar er lítill minnisvarði um slagsmálin sem urðu þar forðum daga. Mig langar til að sjá þar miklu ítarlegri uppsetningu sem myndi kalla fram gleggri sýn af þeim örlagadegi. Ég tel víst að Sturlungar hafi varist uppi í hlíðinni, samkvæmt þeirri herfræði að erfiðara sé að sækja upp í móti. En þá hafa þeir líka fengið sólina í augun. Þetta þarf allt að útskýra fyrir ferðalöngum. Þeir þarna í Suðursveit á Þórbergssetri kunna á því lagið eins og þú líklega veist.