Ný og betri fornbókabúð

 

Nú um áramótin voru vistaskipti í fornbókabúðinni okkar og allar óseldu bækurnar frá síðasta ári fóru í orlof í kjallara bóksalans en nýjar komu í staðin. Búðin öll endurskipulögð og mikið af forvitnilegu efni.

Þetta er búið að vera reglulega skemmtilegt - þó auðvitað taki í að bera mikið af bókakössum. Þá kemur sér vel að eiga unga og fríska syni!

Nánar um brot af því sem nú hér er að finna á vef bókakaffisins...

http://bokakaffid.blog.is/blog/bokakaffid/

 

Athugasemdir

[Dunni, 3.1.2009 kl. 23:37]

Þið hjón verðið vakandi yfir Bólu-Hjálmars bókinni sem ég ræddi við Elínu sl haust.  Það er bók sem ég bíð eftirþ

Annars óskum við þér og þinum, í Tungunum líka, árs og friðar.

Kveðja

Guðni og Inga í Noregi

[Helga Ágústsdóttir (IP-tala skráð) 4.1.2009 kl. 00:18]

Ja, nú er svo komið að ég þarf að panta hjá ykkur 3 bækur:

Ævintýri Pickwicks eftir Dickens

Raula ég við rokkinn minn

Myndin af Dorian Gray eftur Oscar W

Ef til vill leggið þið (eða annað hvort ykkar) þessar bækur í pokaskjatta og leyfið honum að bíðoa minnar til-ykkar-komu í bókakaffið? Það væri nú vænt til þess að vita.

Nú, nú Bjarni góður - aldrei skyldi andmæla umsjónarmönnum þátta - og alls ekki sumum þeirra!! - Litla svíninu - er nú bara grís, enn sem komið er - (sem er með trampólín í hjarta mínu) var skemmt; hoppaði upp og niður, flissandi og skríkjandi.

Einu sinni í fornöld vann ég á dagskrárdeildinni hjá ruv-1, gerði þætti o.fl. o.fl.

Mér lærðist fljót að til er stétt, sem er vandari að virðingu sinni og status, en margir aðrir. Þetta eru sennilega afar ærukærir menn og vandaðir í allri framgöngu; aungvir sem sagt meðal-jónar og fást yfirleitt við þáttagerð

Þar stígur maður ekki á strik, því ekki er miklu rými ráðstafað til annars en þess efnis er fyrir liggur. Og gerir engar athugasemdir

 Sei, sei, já en ekki fer ég nú að rekja hér sögur af nafngreindum mönnum, þjóðþekktum, þvi ekki vildi ég láta segja slíkar af mér - í þeirra sporum. En fyndið þótt mér er frá leið.

Með hefðbundnum kveðjum og vinsemd

Helga Ág.

[Bjarni Harðarson, 4.1.2009 kl. 13:15]

Sæl öll og takk fyrir viðbrögðin. Vertu velkomin í búðina Anna og áreiðanlega finnurðu eitthvað spennandi - en því miður ekki Eyfirskar ættir, á aftur á móti Ættir austfirðinga, fáein stéttartöl, tvö eða þrjú manntöl, nokkur smærri niðjatöl og svo mikið úrval af sunnlenskum ættfræðibókum sem ekki fást annars í verslunum, s.s. rangæingatölin öll, hrunamannabækur og grímsness, víkingslækinn o.fl. o.fl...