Ofurbloggarinn Gunnar Rögnvaldsson í Kaffi Rót núna kl. seytján

Íþróttakennarinn minn í barnaskóla sagði alltaf seytján í staðin fyrir sautján. Líklega var þetta það eina sem ég lærði af þessum sómamanni því ég varð aldrei mjög menntaður í íþróttum en framburðurinn seytján er miklu vinalegri heldur en sautján.

En núna klukkan seytján er semsagt spjallfundur Heimssýnar í Kaffi Rót í Hafnarstræti seytján.Gunnar þessi er atvinnurekandi í ESB landinu Danmörku og bloggar um tilveruna í ESB á síðunni http://tilveran-i-esb.blog.is

Nú gefst okkur tækifæri á að hitta manninn í eigin persónu en mörg okkar sem fylgst höfum með ESB málum og fjallað um þau af gagnrýni eigum mikið af okkar upplýsingum Gunnari að þakka.

Mætum öll. Nánar heimssyn.is

Athugasemdir

[Elinóra Inga Sigurðardóttir, 2.3.2009 kl. 21:31]

Sæll frændi!

Nú skil ég loksins hvers vegna þú ert frægari fyrir framburð en íþróttir

[Helga Ágústsdóttir (IP-tala skráð) 3.3.2009 kl. 01:36]

Einmitt! Þar kom að að blessuð skepnan skildi:

þannig er mörgu farið í mannlífinu... að ekki sé meira sagt. 

Í gamansögu  sagði  að konu nokkurri, Hildi að nafni,  hefði litist vel á samstarfsmann sinn, sem ekki náði alveg í hverju tildragelsi hann var lentur. Átti hann aungvan heldur  bíl fremur en fattsemi:

Nú, nú og nema hvað:

 Margt eitt kvöldið fékk hann far með Hildi

furðaði sig á því hvað hún vildi

uns kvöld eitt kát og rjóð

þau keyrðu fram á stóð

- og þá var eins og blessuð skepnan skildi.

 og bittnú.

Helg Ág.

pjé ess þetta var bara til að sýna að ég er ekki eins þurrpumpuleg og ég óttast að menn haldi!