Mín dularfulla vinkona Anna Benkovic

Einn af mínum vinum hér í bloggheimum er Anna Benkovic sem oft kommenterar hjá mér og við erum sammála um margt en einkar ósammála um eitt atriði, sem er afstaðan til ESB aðildar. Þar er Anna ákafur talsmaður aðildar en ég á móti. Ég kann því vel að ekki séu allir sammála og rökræður við Önnu hafa oft verið mér svölun enda konan rökföst, greind og kurteis.

En ég er löngu hættur að skilja hvað snýr upp eða niður í íslenskri pólitík og það lagaðist ekki þegar ég sá að Anna er frambjóðandi á lista VG í Kraganum.

En ég er kannski bara gamaldags að skilja ekki að hver einasti stjórnmálaflokkur á að rúma allar skoðanir! Það er örugglega einn rasisti líka á lista hins þjóðlega vinstri flokks -þó guði sé lof þekki hann ekki- og svona eins og tveir þrír virkjanasinnar. Eða hvað?

Athugasemdir

[G. Valdimar Valdemarsson, 20.3.2009 kl. 13:18]

Bjarni það er skylda hvers stjórnmálamanns að leita að lausnum fyrir samfélagið.  Lausnum sem virka og snúa við öllum steinum í leit að bestu lausn.   Fullveldissinnar hafa tekið ákvörðun um að snúa bara við sumum steinum. Sennilega bara þeim sem liggja næst þeim og er líklegastir til að koma einum eða tveimur þeirra inn á þing.  Hinir mega eiga sig.

[Kalli Sveinss (IP-tala skráð) 20.3.2009 kl. 13:27]

Félagi Bjarni !

 Hefurðu ekki áttað þig á, að meirihluti ræðumanna " Raddir fólksins" á Austurvelli liðna mánuði, ER KOMIÐ Á FRAMBOÐSLISTA VINSTRI GRÆNNA vítt um land ? !!

 Enda voru aðeins 42 mættir hjá Herði homma s.l. laugardag ! ( Aldrei þessu vant, greindi RÚV ekki frá þessu !).

 Hvar voru allir hinir ?

 Jú, á kosningaskrifstofum vinstri grænna að undirbúa landsfund !!

 " Sovét Ísland, óskalandið" við sjónarrönd !

 Steina og skítkastararnir frá því í janúar í sæluvímu !

 Eða sem Rómverjar sögðu.: " Splendide mendax" - þ.e. " Tilgangurinn helgar meðalið" !!

[Baldur (IP-tala skráð) 20.3.2009 kl. 13:47]

Góð grein.

Já guð forði okkur frá því að afturhaldskommarnir taki hér öll völd, enda boð og bönn þá daglegt brauð og framfarir engar.  Þeir sem mótmæltu hvað harðast með Herði eru þeir vinstri þurfalingar sem vilja komast á ríkisspenann enda er það tillaga vinstri grænna að fjölga þeim sem þiggja listamannalaun.  Hið óhugnanlegasta mál enda vilja flest okkar fækka þeim sem þiggja þessi laun, ef listamaður getur ekki verið sjálfær á hann að vinna eins og við hin.

Sammála þér Bjarni að ég er á móti ESB aðild!

[Guðrún Sæmundsdóttir, 20.3.2009 kl. 14:15]

Er hún Anna Benkovic komin í framboð fyrir V-G? Við Anna höfum oft spjallað saman á blogginu og hún er prýðileg manneskja en eins og Ögmundur og Guðfríður Lilja (ágætis fólk) eru þau bara ekki í réttum flokki, en L-listinn er klárlega vettvangur fyrir þá sem unna Íslandi og vilja því allt sem best

[Anna Benkovic Mikaelsdóttir, 20.3.2009 kl. 15:31]

Sæll Bjarni, Takk fyrir hrósið.  Ég hef einnig mjög gaman af skoðanaskiptum við þig, enda ertu mjög skemmtilegur.

Ég er svo sannarlega með ESBaðil og hef verið í há herrans tíð.  Ég styð þannig ekki VG í því, en flestu, ef ekki öllu öðru!

Legg hinsvegar alls ekki áherslu á ESBaðild núna eins og málin standa og finnst ekki að SF eigi heldur að gera það!

Kær kveðja

Anna

[Bjarni Harðarson, 20.3.2009 kl. 15:57]

Takk Anna og takk fyrir innlitið - því ég vil enn og aftur ítreka og mér hefur líkað vel við okkar skoðanaskipti - ég skil bara ekki afhverju vinstri sinnaður ESB sinni velur sér VG fyrir flokk-en ég þarf svosem ekki að skilja allt og það er langt langt því frá að þú sért eini ESB-sinninn í framboði fyrir Vinstri græna. -b.

[Anna Benkovic Mikaelsdóttir, 20.3.2009 kl. 18:29]

Bjarni þú ert að átta þig á breyttum áherslum í íslenskri pólitík! Ég hef ekki séða aðra Framsóknarmenn (eða xD og xS) gera sér grein fyrir því  og spyrja spurninga?

Það er synd fyrir Framsókn að missa þig, þú ert sannur en um leið opinn!

Gangi þér alltaf sem best.

Til að útskýra  "afhverju vinstri sinnaður ESB sinni velur sér VG fyrir flokk"...er ekki erfitt.

Ég er gömul kvennalistakona (og harður anti-kommunisti, enda faðir minn flóttamaður frá kommúnistaríki) og ég flaut þannig inn í Samfylkinguna!

Fyrir kosningar fyrir 2 árum síðan fannst mér xS vera að forðast raunveruleg málefni (eins og ég hef gagnrýnt xD fyrir lengi) og gafst upp á þeim flokki.  Hef verið skráð í VG í rúmlega 2 ár og treysti því fólki, ásamt nýju framboðunum (treysti þér svo sannarlega) til að vera gagnsæ og heiðarleg!

kv

Anna