Börnin og réttur þeirra

Það er ótrúlegt hvernig fullorðið fólk fyllist svo mikilli grimmd gagnvart fyrrverandi maka eða barnsföður/barnsmóður að það sé tilbúið að fórna líðan barnsins síns fyrir hefndina.

Hver talar máli þessara barna???? Það er ekki auðvelt vegna þess að sá aðilinn sem er með forræðið ræður nánast undantekningarlaust öllu og þá meina ég öllu. Því þó að umgengnisréttur sé hjá hinu foreldrinu þá skiptir það ekki svo miklu ef sá sem er með forræðið ákveður að umgengnisrétturinn verði ekki virtur.

Kristbjörg Steinunn Gísladóttir oddamaður á L-lista fullveldissinna í Suðurkjördæmi skrifar góða ádrepu á bloggi sínu í dag.  Sjá hér.

Athugasemdir

[Hákon Jóhannesson (IP-tala skráð) 30.3.2009 kl. 22:44]

Í ON, Kanada er svokallaður barnalögmaður  "Childrens Lawyer" sem hægt er að sækja um til að vera fulltrúi barna sem lenda mitt í heiftarlegum deilum við skilnaðarferli foreldra.

Ef annað eða báðir foreldrar "gengur af göflunum" kemur barnalögmaðurinn inn í aðstæður. Er einnig umsagnaraðili varðandi forsjármálin.

Þetta embætti vantar hér.

[Anna Benkovic Mikaelsdóttir, 30.3.2009 kl. 23:58]

Ég tek undir sameiginlegt forræði...en vil samt benda á undantekningarnar, þar sem annað hvort móðir eða faðir eru ekki hæf á nokkurn hátt!

Undantekningarnar 1 til 5% meiga samt ekki skemma regluna um sameiginlegt forræði.

[Sigurður Sveinsson, 31.3.2009 kl. 06:58]

Þetta er verðugt umtalsefni. Við íslendingar erum mjög aftarlega á merinni í þessum efnum og barnalögin meingölluð. Mér finnst varnarleysi barna á Íslandi átakanlegt, þegar til skilnaða foreldra kemur. Sama gildir um öll óskilgetnu börnin þar sem foreldrarnir hafa ekki verið í hjónabandi. Ég vil benda á lítinn bækling sem er nýútgefinn af félagi um foreldrajafnrétti. Ekki síður er merkileg skýrsla Stefaníu Katrínar Karlsdóttur um rannsóknir á aðskilnaði barns frá öðru foreldri sínu sem var gefin út í desember 2008. Umgengnisrétturinn hefur oft reynst ákaflega lítils virði. Barnið verður útundan í stríði foreldranna. Við verðum að gera bragarbót. Bæði á barnalögunum og ekki síður þurfum við að breyta hugarfarinu. Hvað er mikilvægara en réttur barnsins?  Það er gott að fá umræðu um þetta á blogginu. Málefni sem ekki má gleyma í orrahríð kosningabaráttunnar.

[EE elle (IP-tala skráð) 31.3.2009 kl. 07:55]

Börn hafa löngum ekki verið í 1. sæti í landinu og kannski aldrei.  Börnum er of oft ýtt til hliðar og þau óvirt.  Og þörfum þeirra þ.a.l. ýtt til hliðar.   Sumt fólk virðist hafa haldið að börn séu bara þarna af náð foreldranna og fullorðna fólksins í landinu og skuli vilji þeirra og þarfir lúta í lægra valdi. 

[Kristín Magdalena Ágústsdóttir, 31.3.2009 kl. 08:21]

Já, Bjarni, þetta er ótrúlegt. Það versta við þetta allt er að börnin læra í svona ástandi að treysta ekki og verða jafnvel nánast andfélagslegir. Þetta er svo mikil togstreita fyrir þau að þeim finnst þau ekki ráða við frekari togstreitur.

Svona mál eru ekki til að byggja upp einstaklingin og gefa honum tækifæri á að dafna og ná sínum mögulega þroska.

Og það er sorglegt.

 Við fullorðnafólkið erum oft svo heimskt og gleymið um eigin barnæsku.

[Ragnhildur Kolka, 31.3.2009 kl. 08:53]

Fullkomlega verðugt verkefni sem bæta má á verkefnaskrána.