Þurfti Hudson til að segja hlutina

Það þurfti loks menn með nöfn eins og Hudson og Perkins til að segja það sem allir þjóðlegir stjórnmálamenn hafa sagt mánuðum saman án þess að á væri hlustað.

Auðvitað áttum við aldrei að taka við IMF, aldrei að viðurkenna samningaleið varðandi skuldir bankanna og aldrei að velta fyrir okkur að við almenningur og ríkissjóður berum ábyrgð á gangsterahætti fárra íslenskra Björgúlfa í vondum félagsskap.

Og magnað að hlusta á Egil tala við þessa menn af aðdáun verandi áður í því liði með allri íslenskri fjölmiðla og krataelítunni sem hefur útilokað sömu sjonvarmið hvort sem þau hafa komið frá Pétri Blöndal, Guðna Ágústssyni, þeim sem hér skrifar eða frænda mínum í Svörtu loftum. Já að ógleymdum stjórnarandstöðu VG þingmönnum -VG-ráðherrar eru því miður allt önnur og ómarktækari dýrategund.

Athugasemdir

[Kalli Sveinss (IP-tala skráð) 5.4.2009 kl. 17:19]

Félagi Bjarni !

 Þú ert ekki eingöngu " óforbetranlegur fornaldardýrkandi" - heldur ekki síður " óforbetranlegur penni !

 Nú mega Laxness & Kristmann G., fara að vara sig !

 Að maður nefni ekki " prúðmennið" Hallgrím Helgason !!

 Fékk mér svefntöflu í gærkveldi, eftir lestur greinar Hudsons í Fréttablaðinu í gær !

 Geturðu útvegað mér og minni fjölskyldu " húsaskjól" á bæ í Tungunum, þegar lokahrunið skellur yfir þjóðina ?? !!

 Trúi að Egill Helga., sé að þroskast - nokkuð sem hendir marga þá árunum fjölgar !

 Í alvöru.

 Kvíði stöðu barnabarna okkar ef skrif Hudson´s ganga að fullu eftir.

 Eða sem Rómverjar sögðu.: " Nati natorum et qui nascentur ab illis" - þ.e. " Börn barna okkar, og þau sem á eftir koma" !

[Loftur Altice Þorsteinsson, 5.4.2009 kl. 17:42]

Ég tek undir margt af því sem Hudson segir, en þó ekki allt. Hann sleppir til dæmis umfjöllun um nokkra mikilvæga hluti, svo sem því hvernig á að losna undan hrammi Alþjóða gjaldeyrissjóðsins (AGS).

Það gerum við bezt með upptöku "fastgengis undir stjórn Myntráðs". Þegar slíku kerfi hefur verið komið á, þurfum við ekki lengur stóru lánin frá AGS. Þá getum við líka hafnað greiðslu Icesave reikninganna.

Á þetta er ég oft búinn að benda og ég er viss um að Samfylkingunni er orðið ljóst hvernig við getum losnað úr spennitreyju Evrópusambandsins. Okkar raunverulegi vandi er hins vegar, að Samfylkingin vill ekki losa okkur úr þessu vanda. Þetta er þeirra leið til að nauðga okkur inn í ESB, eins og forvera þeirra Alþýðuflokknum tókst að nauðga okkur inn á Evrópska efnahagssvæðið 1994.

[Bjarni Harðarson, 5.4.2009 kl. 18:44]

sammála loftur, samfylkingin er fimmta herdeildin

[Jón Steinar Ragnarsson, 5.4.2009 kl. 19:42]

Lykilatriðið er: Ekki taka fleiri lán og svo að neita að borga. Það þarf kannski að fá að heyra þetta frá útlendum aðilum til að menn meðtaki. Hér hlusta engir á Íslendinga.  Þetta hafa Íslenskir hagfræðingar líka sagt fyrir daufum eyrum, rétt er það. Gunnar Tómasson er einn þeirra og svo eru menn líka að sjá að Jóhannes Björn er eitthvað annað og merkilegra en samsæriskenningasmiður. Vert að menn dusti rykið af "Falið Vald". Hana má nálgast á www.vald.org

[Guðmundur Gunnarsson (IP-tala skráð) 5.4.2009 kl. 19:54]

Það er athyglisvert að sjá að Davíð hefur haft ýmislegt til síns máls með að borga ekki skuldir auðróna sem hafa lagt þjóðarbúið í rúst.

Ekki síður var merkileg sú útreið sem IMF fær frá þessum sérfræðingum sem svo mörgum öðrum kollegum, sem er þvert á skoðanir þeirra Þorvaldar Gylfasonar, Gunnars Tómassonar og Vilhjálms Egilssonar, sem allir hafa starfað hjá stofnuninni og breiða “fagnaðarboðskapinn” gagnrýnislaust, stjórnlaust hatur á Davíð og hafa gengið erinda auðróna eins og Jóns Ásgeirs ljóst og leynt með skrifum sínum og viðtölum.

Vonandi getum við forðað okkur frá frá fleiri srórslysum með að taka orð einhverra sem hafa óeðlilegum hagsmunum að gæta, útlendra sem innlendra “qvistlinga”, sem heilögum sannleik, og hlýtur að vera stórkostleg ástæða að kanna vel orð þessara erlendu sérfræðinga og spóla aðeins til baka og skoða hvað Davíð hefur að vera leggja til án þeirra venjulegu fordóma sem virðast þurfa að fylgja.

[Helgi Jóhann Hauksson, 5.4.2009 kl. 20:19]

Alþjóða Gjaldeyrissjóðurinn, IMF, með stórláni sínu og fylgilánum frá frændþjóðunum, skilmálum sínum og afksiptum hefur það markmið eitt að bjarga krónunni. - IMF er bara björgunarsjóður gjaldmiðla og stóra lánið okkar er til að hafa gjaldeyrisvarsjóð svo krónan geti lifað hvort serm er til skemmri eða lengri tíma.

Þeir sem hafnað hafa síðustu 15 ár að leitað væri aðildarsamninga við ESB og upptöku evru völdu mð því gengis- og vaxtamuninn, hrunið og IMF. Ef við hefðum haft evru hefði hávaxtastefnan sem rekin var til að halda lífi í krónunni ekki dregið að jöklabréfin, né hefði Landsbankinn getað boðið hæstu innlánsvexti í Evrópu með Icesave - og framar öðru er kristalljóst að IMF hefði ekki átt hér neitt erindi ef hér hefði verið evra en engin króna til að bjarga þó svo allt annað hefði farið á samam veg. - Við hefðum þá í það minnsta getað notða lánamöguleika okkar hjá frændþjóðunum til uppbyggingar í stað þess að fullnýta þá til bjargar krónunni með IMF.

- Þannig að ljóst er að þeir sem höfnuðu ESB og evru völdu hrunið, IMF og örmagna krónu.

[Offari, 5.4.2009 kl. 20:31]

IMF átti að auka trúverðuleik landsins. Brottrekstur Davíðs átti að auka trúverðuleik landsins. Að hefja aðildarviðræður á líka að auka trúverðuleik landsins.   Ég held reyndar að ef við björgum okkur sjálf út úr þessu óstandi þá fyrst öðlumst við trúverðuleik.

[Bjarni Harðarson, 5.4.2009 kl. 20:31]

það hrundi semsagt bara í löndum þeirra heimskingja sem ekki gengu í esb. muna einhverjir haustið 2008 þegar ingibjörg kom heim og sagði fyrst imf og svo esb -þá var það helst davíð sem móaði á móti en kratar allra flokka lágu hundflatir fyrir vitleysunni...

[Helgi Jóhann Hauksson, 5.4.2009 kl. 20:58]

Það hefur víðast orðið samdráttur og kreppa en enn hefur ekki orðið hrun, bankahrun eða annarskonar, nema á Íslandi.

[Helgi Jóhann Hauksson, 5.4.2009 kl. 21:07]

Talandi um „heimskingja sem ekki gengu í ESB“ Bjarni þá eru það líklega ekki margar Evrópuþjóðir sem ekki hafa áfjáðar gengið í ESB og enn hefur engin þeirra tekið það á dagskrá að slíta aðild sinni þó svo við sitjum nær ein eftir í EFTA.

[Gunnar Rögnvaldsson, 5.4.2009 kl. 21:32]

Það er ennþá tími til að taka upp þjóðstjórn. Það ætti í raun að vera þjóðstjórn við völdin á Íslandi núna en ekki ESB landsölumenn. Eru menn algerlega blindir? Aflýsa ætti kosningum strax!

.

Helgi er því miður úti að aka í EUSSR. Hann heldur að það sé hægt að segja sig úr Evrópusambandinu. Þvílík einfeldni!

.

Það er eitt sem ég skil ekki. Hvernig datt einhverjum íslenskum banka í hug að lána íslenskum útrásarmönnum peninga til að kaupa stórverslanir í útlöndum sem enginn annar vildi kaupa og svo einnig fyrir hálfri London í leiðinni.

En af hverju datt engum banka eða Íslendingi í hug að kaupa eða byggja svo mikið sem eitt álver á Íslandi? eða eina virkjun eða fyrir einni olíuleit? Er þetta vodoo hagfræði sem er kennd við háskóla á Íslandi? Hver stjórnaði þessu?

Ég skil ekki svona banka.

Kveðjur

[Jón Á Grétarsson, 5.4.2009 kl. 22:03]

Þetta var mjög athyglisvert sem þeir Hudson og Perkins höfðu til málanna að leggja.

Núna í ljósi þess að bresk þingnefnd komst að því að aðgerðir Darling með því að setja á okkur terroristalög hafi verið of harkaleg, þá ættum við að neita að borga.

Færum svo vísitöluna aftur eða leiðréttum lánin um 20-25%.

Tökum svo upp viðræður um að  taka upp aðra mynt eins og td USD.  Fjármálakerfið okkar er of smátt í sniðum til að takast á við fjársterka aðila sem leika sér með krónuna eins og köttur að mús.

[Gunnar Rögnvaldsson, 5.4.2009 kl. 22:25]

Varðandi aðra mynt. Please!!! reynið nú að virkja þær fáu heilafrumur sem eru ennþá að störfum á Íslandi. Þær eru dýrmætar, Mjög dýrmætar.

Eins og er verðlaunar markaðurinn (fjármagnseigendur) sænska ríkinu fyrir að hafa sinn eigin gjaldmiðil. Verðlaunin eru fólgin í lægri vöxtum og betri aðgengi að fjármagni. Markaðurinn krefst mun lægri vaxta af sænska ríkinu en af ÖLLUM þeim löndum sem eru í myntbandalagi Evrópusambandsins. Af hverju haldið þið að þetta sé svona kæru Íslendingar?

Jú það er vegna þess að markaðurinn veit að með eigin gjaldmiðil þá hefur Svíþjóð getu og völd til þess að stunda virka peningahagstjórn og þannig verjast neikvæðum afleiðingum kreppunnar. Ergo: sænska ríkið er betri skuldari en ÖLL þau lönd sem eru í myntbandalagi Evrópusambandsins. Svíþjóð getur varist neikvæðum afleiðingum kreppunnar betur með sinni eigin mynt en með mynt annarra landa. Markaðurinn veit þetta og verðlaunar því sænska ríkið. Þetta er kölluð heilbrigð skynsemi.

Ef Ísland hefði ekki verið í banka og fjármálabulli undanfarinna ára, samkvæmt læknisráði hagfræðinga Háskóla Íslands - en heilinn var því miður leystur upp í með lofti þeim mönnum - þá stæði Ísland í sömu sporum og Svíþjóð. Markaðurinn myndi veðlauna íslenska ríkið fyrir að hafa til ráðstöfunar vopn til að verjast kreppu. Verðlauna landið fyrir að ráða fyrir eign HAGSTJÓRNARTÆKJUM. Vopn til að koma í veg fyrir massíft atvinnuleysi og fallandi skattatekjur (greiðsluhæfni) ríkisins. Ísland væri því góður skuldari. En þessu var hent fyrir borð með heilanum úr banka-hagfræðingum Íslands (þó ekki alveg öllum)

EKKERT JAFNAST Á VIÐ GÓÐA HAGSTJÓRN OG GÓTT VIÐSKIPTAVIT.

Að taka upp mynt annarra landa er efnahagsleg- og hagfræðileg villimennska. Hvorki meira né minna.

Kveðjur

[Jón Á Grétarsson, 5.4.2009 kl. 22:39]

• Ef Ísland hefði ekki verið í banka og fjármálabulli undanfarinna ára, samkvæmt læknisráði hagfræðinga Háskóla Íslands - en heilinn var því miður leystur upp í með lofti þeim mönnum - þá stæði Ísland í sömu sporum og Svíþjóð.
• En þessu var hent fyrir borð með heilanum úr banka-hagfræðingum Íslands (þó ekki alveg öllum)

Takk Gunnar, þetta sannfærir mann enn frekar um að taka upp aðra mynt.

[Offari, 5.4.2009 kl. 22:48]

Því miður eru alltof fáir sem hafa trú á krónuni, Reyndar er ég hræddur um að hún eigi eftir að falla meir eftir að bannað var að nota hana í viðskiptum við Ísland en allt sem fer niður kemur upp aftur.

Að taka upp annan gjaldmiðil þegar krónan er á botninum og aðrir gjaldmiðlar uppi gæti þýtt aðra gengisfellingu fyrir landið því ég á von á að aðrir gjaldmiðlar falli líka. Því vill ég bíða með myntskipti þar til gjaldmiðlar hafa náð festu.

[Gunnar Rögnvaldsson, 5.4.2009 kl. 22:57]

Ekkert að þakka kæri Jón.

Nú er Ísland vonandi laust við bankaheilana svo hægt væri að fara í gömlu vinnufötin aftur.

Spánn er t.d. með þýska mynt í notkun núna Jón. Þeir eru á hausnum (ekki á sjó). Vextir á húsnæðislánum þeirra hækka og hækka á meðan stýrivextir lækka. Raunvextir hækka og hækka á meðan verðhjöðnunin eykur hraðann. Vextir á lánum ríkisins hækka og hækka og lánveitingar eru svo að segja stopp. Bæjarfélögin svelta. Spánverjar geta ekki prentað eigin peninga eða fellt gengið eða gert neitt annað en drepast. Atvinnuleysi er 15% og bjartsýnustu hagspár fyrir Spán gera ráð fyrir 25% atvinnuleysi á næsta ári - þær verstu gera ráð fyrr 30% atvinnuleysi.

Útflutningur þeirra er stopp því þýska myntin þeirra er 60-100% og hátt metin fyrir hagkerfi þeirra. Já endilega fáið ykkur svona tryllitæki. Það myndi nú falla vel inn undir kenningar banka-hagfræðinga á Íslandi. Það væri jafnvel hægt að skrifa nýjan kafla í Íslandssöguna. Hann gæti borið titilinn: ÚR ÖSKUNNI Í ELDINN. Þetta gæti orðið metsölubók.

Kveðjur

[Gunnar Rögnvaldsson, 5.4.2009 kl. 23:18]

Kæri Offari

Ef markaðurinn hafði svona mikla trú á íslensku krónunni að hann lánaði Íslandi fyrir öllum þessu fjárfúlgum sem þjóðin er að gangast í ábyrgð fyrir, hvað segir það okkur um íslensku krónuna. Jú, markaðurinn HAFÐI góða og mikla trú á íslensku krónunni, því hún var og er ennþá góður gjaldmiðill.

En trúin og lánstraustið var laskað verulega tímabundið með offorsi fárra brjálæðinga í formi ónýtra bankastofnana. En þetta lánstraust mun lagast aftur þegar skuldaklafi íslenska ríkisins verður viðráðanlegur aftur og þegar úldin hræ bankanna eru rotnuð upp. En ekki fyrr. Ekki sekúndu fyrr. En þá verður krónan aftur góður gjaldmiðill. Þessi gjaldmiðill sem hefur gert Ísland að einni ríkustu þjóð í heimi frá því að hún tók að sér það vanþakkláta hlutverk að vera gjaldmiðill fyrir þjóðina.

Þjóðin verður að læra að fara betur með gjaldmiðil sinn. Það má ekki sturta úr 10.000.000 skítadreifurum yfir hana. Það má raunar ekki gera við neina mynt.

Vantraust markaðarins væri ALGERT núna ef Ísland hefði ekki sína eign mynt til að vinna sig út úr vandamálunum. Auðæfi Íslands eru þarna ennþá. Ekki missa móðinn. Aldrei!

Kveðjur

[Baldvin Jónsson, 5.4.2009 kl. 23:46]

Bjarni - tel algerlega nauðsynlegt að benda á það hér að Borgarahreyfingin ein framboða sem nú eru í boði, tekur alveg skýra afstöðu gegn "vina" greiðslu á erlendum skuldum ótengdum ríkinu og þrælslund við AGS.

Það er því til raunverulegur kostur, nú þarf að vekja fólk til vitundar um hvað heffur hér raunverulega gengið á!

http://www.borgarahreyfingin.is/stefnan/

[Elvar Eyvindsson (IP-tala skráð) 6.4.2009 kl. 00:08]

Egill forðaðist að spyrja Hudson um gjaldmiðilinn.  Kanski var hann hræddur við svarið.  Hudson sagði hins vegar að hann teldi að Íslendingar ættu að gera það sama og Bandaríkjamenn eru að gera og hafa löngum gert, þ.e. að framleiða peninga og láta gjaldmiðilinn falla.  Þannig greiða þeir skuldir sínar.   Hann hefur varla verið að reikna með því að við gerðum þetta með Evru.

ESB þarf nauðsynlega á auðlindum okkar að halda, þess vegna vilja þeir okkur inn og það straks.  Þá er einnig hagkvæmara að fá vinnuaflið yfir á meginlandið, þar sem fólki á vinnumarkaði fækkar, heldur en að halda því hér á skerinu.   Verkfærið til þess heitir Evra.  Með því að gengi Evrunar stjórnast af stóru hagkerfunum þyrfti ekki nema nokkrar kreppur á Íslandi til að rústa öllum framleiðslutækifærum.    Bjargarleysi þjóðarinnar væri gulltryggt með Evru og menn yrðu að leita fyrir sér að atvinnu utan landsteinanna.

Krónan er kanski vandræðagripur, en samt það eina sem við getum notað ef við ætlum að halda saman þjóðinni hérna.  Þráhyggjan er samt svo mikil í mörgum að ef þeir ráða ekki við rökin gegn Evrunni þá eru þau notuð til að sannfærast enn frekar eins og sést hér að ofan.

[Loftur Altice Þorsteinsson, 6.4.2009 kl. 00:21]

Minn kæri Gunnar. Allt sem þú segir á þessu bloggi um gjaldmiðla er rangt. Erindi þitt er bara gamaldags áróður seðlabankanna, sem núna standa naktir frammi fyrir heiminum og ekki bara rúnir fatalörfunum heldur öllu trausti.

Ekki nokkur maður trúir því að seðlabankastjórarnir verði flínkari nærst. Þeir eru búnir að fá 200 ár til að sanna getu sína og hafa brugðist aumkunarlega, aftur og aftur og aftur.

Það er svo sem ekkert undarlegt, því að fræðilega er "handstýrt flotgengi" gjörsamlega útilokað fyrirkomulag. Raunar er sama hvaða fyrirkomulag gengismála er reynt undir "torgreindu peningastefnu" seðlabankanna. Þeim tekst aldreigi til lengdar að sporna gegn arðráni genisfellinga-furstanna.

Að einhver sé að vinna sig út úr kreppu, með gengisfellingum eða gengishruni, er fjarstæðukenndar draumórar. Það er bara verið að arðræna almúgann og þetta sjá allir sem sjá vilja.

Seðlabanki ríkissins er bara gamaldags ríkisstofnun með einkaleyfi til að gefa út peninga, án þess að eiga verðmæti til að styðja með gjaldmiðilinn. Þetta eru af-því-bara peningar sem enginn maður ætti að líta við.

Alvöru peningar skapa alvöru traust og fjármála-markaðurinn er einn fær um að stýra vöxtum og fjármagnshreyfingum. Handstýring seðlabankanna á fjármálamarkaðnum er álíka gáfuleg aðferð og að reyna að stöðva Golfstrauminn með einum af skítardreifaranum þínum, Gunnar.

[Gunnar Rögnvaldsson, 6.4.2009 kl. 00:48]

Kæri Lofur. Þegar þú kallar skrif mín áróður þá veit ég að þau hafa hitt í mark.

Spread til evrusvæðis. Ríkisskuldabréf og peningapólitískir vextir (stýrivextir). Benchmark er EMU

Gengisþróun íslensku krónunnar, sænsku krónunnar og dollar miðað við evru = 100 - síðustu 12 mánuði. Eins og þú sérð hefur bæði íslenska krónan og sænska krónan fallið mikið. Ekki hefur það þó rýrt lánskjörin til sænska ríkisins og til sænska fjármálageirans því þau eru mun betri en þau lánskjör sem jafnvel verðbólgunazistarnir í Bunkersbankanum og í Babelsturninum í ECB eru aðnjótandi að.

Ekkert jafnast á við góða hagstjórn 

Kveðjur 

[Gunnar Rögnvaldsson, 6.4.2009 kl. 01:24]

Já ég gleymdi víst að taka fram að það var ekki bankakerfi Svíþjóðar fór á hliðina. Ekki í þetta skiptið, því það gerðist þegar árið 1992. Svíar eru BÚNIR af hafa sína bankakreppu. Svo það er ekki þessvegna sem SEK hefur fallið svona mikið. En lánstraust Svía er gott, betra og best, þrátt fyrir banka- og gjaldmiðlakreppuna þeirra þarna um árið. Þetta jafnaði sig mjög fljótt, þökk sé massífri gengisfellingu sænsku krónunnar árið 1992/3. Hún bjargaði Svíum.

Ódýr Volvo, anyone?

Kveðjur

[Páll A. Þorgeirsson, 6.4.2009 kl. 02:26]

Bjarni það er svo oft með íslenska pólitíkusa að þegar þeir heyra eitthvað vitrænt og meðtaka það loks þá vilja þeir helst hafa átt upptökin og alltaf segjast þeir hafa bent á það svo árum skipti. 

Gunnar blessaður, búsettur í áratugi erlendis og rekur þar fyrirtæki.  Þú mátt, okkur að meinalausu hér á klakanum hirða allar þær krónur sem þú kemst yfir og auðvitað tekurðu nokkrar verðtryggðar með.  Þú verður greinilega ekki vandræðum með að nota þær í þínum fyritækjarekstri á erlendr grundu þó svo að þær séu varla nothæfar á íslenskri grund 

[Magnús Sigurðsson, 6.4.2009 kl. 08:11]

Það hlýtur að vera lágmarks krafa að "þjóðlegir stjórnmálamenn" geri sig skiljanlega á nútíma íslensku. 

Ef orðaforðinn er svo fornfálegu að almenningur skilur þá ekki, er kannski ráð fyrir þá að tala ensku svo það skiljist hvað þeir eru að fara. 

Hudson og Perkings töluðu um að greiða ekki skuldirnar (niðurfellingu skulda).  Þeir voru ekki mikið að flækja málið, hvorki með "kreppulánasjóði" eða "fastgengisstefnu undir stjórn myntráðs".

[Ómar Bjarki Kristjánsson, 6.4.2009 kl. 23:05]

"Hudson sagði hins vegar að hann teldi að Íslendingar ættu að gera það sama og Bandaríkjamenn eru að gera og hafa löngum gert, þ.e. að framleiða peninga og láta gjaldmiðilinn falla.  Þannig greiða þeir skuldir sínar.   Hann hefur varla verið að reikna með því að við gerðum þetta með Evru."

Það dugir ekkert fyrir Íslendinga að gera slíkt til að greiða erlendar skuldir.  Það er hægt að prenta heilu fjöllin af krónum - en í sjálfu sér tilgangslaust nema einhver vilji kaupa krónur.  Það vill enginn nema útflytjendur sem fá borgað í erlendum gjaldeyri og verða að skipta honum í krónur til að nota hér heima.

"ESB þarf nauðsynlega á auðlindum okkar að halda, þess vegna vilja þeir okkur inn og það straks"

Vaaá.  Eru menn alveg að missa sig.   Aðild að ESB hefur ekkert með yfirráð auðlynda að gera þannig séð.  Aðildarríki halda að sjálfsögðu yfirráðum sínum yfr auðlyndum.  Skil ekki hvaðan þessi dilla komst inní Íslendinga.  Svo er þetta bara endurtekið nógu oft - og þá verður það smá saman fact.

[Elvar Eyvindsson (IP-tala skráð) 7.4.2009 kl. 08:03]

Ómar

Þetta er nú ekki rétt hjá þér.  Mér amk. tekst illa að fá menn til að skilja þótt ég marg endurtaki sama málið.

Þrátt fyrir hina ýmsu galla, þá gerist tvennt við fall gjaldmiðils.  Hlutfallsleg samkeppnishæfni hagkerfisins eykst.  Innflutningur verður dýrari og minnkar og útflutningsmöguleikar aukast.  Gjaldmiðillinn dreifir vandanum á allt þjóðfélagið, framleiðsla eykst og það á góða möguleika á að greiða erlendar skuldir og hífa upp efnahaginn á ný.  Þetta er nú varla svo flókið, er það?

Varðandi seinni tilvitnunina;  Ég hef kanski misst af einhverju en bendi á umræður í Evrópu í vetur um gasmál.  Bendi líka á samskipti okkar við Evrópuþjóðir í haust og vetur.  Mér er fyrirmunað að skilja hvernig við ætlum að bæta efnahag okkar með sameiningu við fátækari þjóðir.  Það kann að vera göfugt ef hugmyndin er að hjálpa þeim og þá væri málið komið á skiljanlegt plan  (og þarna er komið að mér að skilja ekki þótt sama tuggan sé tuggin endalaust).

[Ómar Bjarki Kristjánsson, 7.4.2009 kl. 11:51]

Elvar, sko jú jú í þeoríunni er hægt að setja þetta upp eins og þú gerir. Í þeoríunni.  En í praxis virkar þetta allt öðruvísi sérstaklega við núverandi aðstæður á Íslandi.

Styrkir náttúrulega útflutningsgreinarnar og jú, gætir aukið útflutning eitthvað eins og þú segir en það væri ekkert að ráði.

Gengisfelling gat alveg virkað eitthvað í gamladaga á Íslandi en núna væri það eins og að gefa magnil við botnlangakasti- eða næði því varla.  Frekar eins og að gefa sjúklingnum lyfleysu og telja honum trú um að honum batni við inntökuna.

Bottom linið hjá mér var eiginlega að það er ekkert hægt að bera saman dollar og krónu og stjórntæki þar að lútandi.  Það vilja allir eiga dollar.  Alþjóðleg mynt.  Td. er því haldið fram af sumum að BNA menn hafi fjármagnað Víetnam stríðið með peningaprentun.

Með síðara atriðið þá ertu á algjörum villigötum.

[Loftur Altice Þorsteinsson, 7.4.2009 kl. 13:18]

Ég sé að Elvar hefur enga hugmynd um hvernig smá og vanþróuð hagkerfi bregðast við gengisfellingum. Hann segir til dæmis, um áhrif gengisfellingar:

• Hlutfallsleg samkeppnishæfni hagkerfisins eykst.
• Gjaldmiðillinn dreifir vandanum á allt þjóðfélagið, framleiðni eykst…..

Þetta er fjarstæða, því að útflutningur frá landinu er í erlendum gjaldmiðli, ekki Íslendskum. Verðmæti útflutningsins eykst því ekkert við gengisfellingu Krónunnar. Það sem skeður, er að laun og eignir í landinu eru verðfelldar. Allt sem verðmetið er í Íslendskum Krónum lækkar að verðmæti.

Hvert fara þá verðmætin ? Þau fara til þeirra sem eiga eða geta aflað alvöru gjaldmiðils, það er að segja erlends gjaldmiðils. Þetta eru útlendingar og þeir sem flytja út vörur og selja þjónustu í erlendun gjaldmiðli. Þessir aðilar geta eftir gegnisfallið keypt vinnu og þjónustu á lægra verði.

Gengisfall leiðir til verðbólgu, vegna hækkandi innflutningsverðs. Hvað er gott við það ? Hægt er að fullyrða að verðbólga er ein versta meinsemd sem þjóð getur upplifað. Hér er meira um "helvítis verðbólguna":

http://altice.blog.is/blog/altice/entry/802899/

http://altice.blog.is/blog/altice/entry/798154/

[Elvar Eyvindsson (IP-tala skráð) 7.4.2009 kl. 17:30]

Við áföll verður þjóðin að taka á sig byrðar, þrengja sinn kost, vinna meira og afla gjaldeyris til greiðslu lána.  Það er erfitt að hugsa sér þetta en ég verð því miður að tilkynna að við lifum ekki lengur á loftinu.  Eigin gjaldmiðill er virkasta jöfnunartækið og ef við viljum ekki að stórir hópar missi vinnuna varanlega þá er eigin gjaldmiðill lausn.  Þetta þýðir að sjálfsögðu kjararýrnun alls almennings, en það er bara ekkert annað í stöðunni og fljótvirkasta leiðin upp.  Það er hægt að taka upp annan gjaldmiðil ef þjóðin gengur í eina sæng með annarri, deilir kjörum með henni og nýtur stuðnings í hallærum.  Myntráð er í mínum huga ekki valkostur.

[Gunnar Rögnvaldsson, 7.4.2009 kl. 18:14]

Afdrifaríkasta verðbóga undanfarinna ára er verðbólgan í húsnæðisverði og ríkisútgjöldum. Þessi verðbólga hefur lítið sem ekkert að gera með gengis- eða gjaldmiðlamál. Þessi verðbóga er bæði á stórum sem litlum myntsvæðum. Útgjöld heimilanna til húsnæðis er stærsti póstur heimilanna fyrir utan tekjuskatta.

Svo þegar ECB er að státa af stöðugu verðlagi þá er hægt að hlægja hátt og lengi. Mesta verðbólga húsnæðis á vesturlöndum hefur einmitt verið í ESB og á evrusvæði.

Ef verðbólga á þenslutímum hleypur ekki út í vöruveð þá hleypur hún oft út í þenslu hins opinbera, þurkar þar næst upp sparnað og blæs svo upp peningaforráð ríkissjóðs og sprengir þar næst húsnæðisverð í loft upp á báli aukinna útgjalda ríkisins.

Kveðjur