Voru það mistök...?

Voru það ekki mistök að bjóða fram í Reykjavík, Bjarni og voru það ekki mistök að vera ekki bara áfram í Framsóknarflokknum.

Þessar spurningar fæ ég víða, í tali og bloggi, nú eftir að L-listi fullveldissinna hefur dregið framboð sitt til baka.

En svarið er einfaldlega nei. Með framboði L-lista höfðum við sem að honum stóðu áhrif á umræðuna og ég er ekki viss um að þau áhrif hefðu verið þau sömu ef fullveldissinnar hefðu litið út eins og sérframboð í Suðurkjördæmi einu saman. Sjálfur vogaði ég meiru með því að fara fram í Reykjavík og sé ekki eftir því. Ég er svo samsettur að ég hefi gaman af djörfum leik.

Ég ætla ekki að halda því fram að við L-listafólk höfum ráðið niðurstöðu landsfunda Sjálfstæðisflokks og VG. En það er algerlega óumdeilt að tilvist okkar skapaði hluta af þeim þrýstingi sem var á þessa flokka að halda fast við fyrri stefnu í ESB málum. Á móti voru svo aðrir þrýstihópar eins og t.d. 80 manna grasrótin hans Villa Egils, ASÍ, leiðaraskrif Þorsteins Pálssonar og svo mætti áfram telja. Við erum í pólitík til að hafa áhrif og þar hafði L-listinn erindi sem erfiði.

Nú velti ég því fyrir mér hvort ég eigi frekar að kjósa Frjálslynda eða Vinstri græna og þykir hvorugt gott enda skipti ég um skoðun á degi hverjum...

PS.: Svo ég svari því líka,- það voru alls ekki mistök að losna úr Framsóknarflokknum sem nú hefur ESB aðild á stefnuskránni og er öðru sinni á lýðveldistímanum stýrt af fólki sem hefur ekki einu sinni hirt um að standa við fyrirheit um að gera hreint fyrir dyrum í sínum eigin fjármálum og er þar líkt á komið með þeim flokki og Sjálfstæðisflokki. Og hefur slegið harðasta skjaldborg um útrásarvíkingana. Svei því allan daginn, eins og sagt var á Landeyjunum hér um árið.

Athugasemdir

[Heimir Eyvindarson, 7.4.2009 kl. 10:34]

Ástæðan fyrir því að þú ætlaðir að fara fram í Reykjavík var semsagt að þú ert svo djarfur? Ekki það að þú fannst, líkt og við hin sem búum í Suðurkjördæmi, að fylgið við þennan öfgahóp var akkurat ekki neitt?

[G. Valdimar Valdemarsson, 7.4.2009 kl. 10:34]

Bjarni minn fórst þú ekki bara úr Framsókn vegna þess að þú varst undir í lýðræðislegri umræðu.  Þú varst rökþrota.  Barátta þín í dag gengur nú út á það í dag að ekki megi sækja um aðild og láta svo þjóðina ákveða hvað henni er fyrir bestu.   Þú treystir ekki íslendingum til að ráða sínum málum og telur þig þess umkomin að vita alltaf best.

[Axel Þór Kolbeinsson, 7.4.2009 kl. 10:41]

Það voru mun fleiri en Bjarni sem stóðu að L-lista fullveldissinna og ég mótmæli því harðlega að vera kallaður öfgamaður.

Varðandi það að leyfa þjóðinni að ráða þá ræður hún alltaf.  Þjóðin kýs til Alþingis út frá skoðunum framboðana.  Svo er búið að ljúga (ja, ég sagði ljúga) að þjóðinni um hvað aðildarviðræður snúast.  Það er vitað með 99% vissu hvað kemur út úr aðildarviðræðum.  Lög og reglur sambandsins liggja fyrir.  Aðildarviðræður snúast um hve langann aðlögunartíma nýir meðlimir fá til að aðlaga sig að sambandinu með möguleika á að semja um einhverja nýja reglu svo lengi sem hún er ekki í andstöðu við þær reglur sem fyrir eru og öll ríki sambandsins samþykki þá reglu.

[Heimir Eyvindarson, 7.4.2009 kl. 10:55]

Ég verð því miður að standa við orð mín Axel, að L-listinn hafi verið öfgaframboð. Í því felst engin yfirlýsng af minni hálfu í þá veru að ég kunni illa við þig eða Bjarna. Við deilum bara ekki skoðunum í þessu máli. Mér finnst það ótrúlegur málflutningur að halda því fram að þið vitið betur en aðrir hvað muni koma út úr aðildarviðræðum. Og að þið skulið vera svo innilokaðir í eigin speki að ekki mega líta í kringum sig. Þjóðin er ekki svo heimsk að hún láti blekkjast af svona kjánaskap. Stuðningur við L-listann sýnir það svart á hvítu.

[Haukur Baukur, 7.4.2009 kl. 10:57]

Þakkir Bjarni, fyrir þín störf og stefnu.

Vona að L-listinn lifi og starfi, því Hugarfarsbreyting og vakning er lífsnauðsynleg.  Fjórflokkurinn rekur landið eins og útrásarvíkingur og við erum rænd daglega.

G. Valdimar: "Þú treystir ekki Íslendingum til að ráða sínum málum"

Að bjóða þjóðinni að kjósa er að treysta henni til að ráða sínum málum, en að láta flokkana um allan pakkann, er að afsala sér sjálfstæðinu.  Þess utan, hvernig má treysta fjórflokknum fyrir ESB ef við miðum við fyrri störf hans með hagsmuni þjóðar?

Í mínu fagi er það "mæla tvisvar, saga einu sinni", og sá starfsmaður sem aldrei getur staðið við sín orð, smíðar ekki í málum, efniskostnaður upp úr öllu valdi, tímamörk ekki virt, í stuttu, stendur sig ekki, er rekinn.

 Ef pólitík lítur öðrum lögmálum og hefðum, þá erum við í djúpum hjáafurðum kúa.

[Guðmundur Jónas Kristjánsson, 7.4.2009 kl. 11:06]

Sæll félagi Bjarni. Eftir að fullveldissinnar drógu framboð sitt til baka af
fullgildum ástæðum sem hafa verið útskýrðar vel, þá er vandi hvað maður
sem fullveldissinni á að kjósa í komandi kosningum. Byrja fyrst á útilokunar-
aðferðinni. Kratarnir koma að sjálfsögðu alls ekki til greina og heldur ekki
hinir vinstrisinnuðu róttæklingar og öfga-umhverfissinnar í Vinstri grænum,
auk þess að vera GALOPNIR varðandi ESB-umsókn. Borgarahreyfingin er
í mínum huga af svipuðum toga á VG auk þess að  vilja ESB-umsókn, og
kemur heldur ekki til greina. Hvað Framsókn varðar þá geri ég í dag enga
mun á henni og Samfylkingunni, báðir ESB-sinnaðir krataflokkar í mínum
huga. Ömurlegt hlutskipti það. - Þá er eftir Sjálfstæðisflokkur og Frjálslyndir,
hvorugur góður kostur, ásamt því jú að sitja bara heima og bíða eftir
næstu kosningum, sem verða mjög fljótlega aftur, og þá með fullskipað
kröfugt lið fullveldissinna í öllum kjördæmum. En starf fullveldissinna
er rétt hafið. Því aldrei hefur verið eins mikil þorf á róttækri þjóðlegri
borgaralegri hreyfingu og nú og í framtíðinni til að sigrast á upplausninni,
krepunni, og koma frjálsu Íslandi upp úr öldudalnum. 

[Axel Þór Kolbeinsson, 7.4.2009 kl. 11:07]

Þú hefur greinilega ekki kynnt þér stefnumál L-listans(pdf) Heimir fyrst þú ályktar að við viljum ekki líta í kringum okkur.  Við vorum sammála um það að leita eftir aukinni alþjóðasamvinnu og beita okkur fyrir aukinni fríverslun þó svo að við höfum verið andsnúin ESB aðild.  Heimurinn er bara svo mikið stærri en Evrópa og möguleikar þjóðarinnar til framtíðar byggja á því að geta átt viðskipti við umheiminn.

Ef að fólk tæki sig til og skoðaði ESB og regluverk þess, hvað hefur komið út úr aðildarviðræðum annarra þjóða í stað þess að láta pólitíkusa segja sér einhver kosningaloforð þá gæti fólk tekið ákvörðun um hvort því hugnast ESB aðild eður ei.  Þetta hafa sumir gert og komist að mismunandi persónulegri niðurstöðu, en meirihluti þjóðarinnar hefur ekki kynnt sér ESB, ekki lesið skýrslu sem hið opinbera gaf út 2007 um áhrif aðildar að ESB og veit jafnvel ekki að sú skýrsla sé til.

[G. Valdimar Valdemarsson, 7.4.2009 kl. 11:09]

Axel þú veist vonandi að aðildarsamningar hafa verið gerðir við margar þjóðir Evrópusambandsins og ferlið er vel þekkt. 

Þú telur þig umkomin að bera upp á annað fólk lygi, en það eru samt staðreyndir að í öllum aðildarsamningum að sambandinu er samið um:

a) varanlegar undanþágur frá reglum sambandsins

b) aðlögun þar sem aðildarríki fær ákveðin tíma til að undirbúa sig undir að undirgangast reglur sambandsins

c) aðlögun með markmiðum þar sem ná þarf ákveðnum markmiðum áður en reglur sambandsins taka gildi.

Ákvæði í aðildarsamningum eru æðri ákvæðum í sáttmálum sambandsins þannig að varanlegu ákvæði í aðildarsamning verður ekki breytt í Brussel eftirá.   Þess vegna heita þau varanleg ákvæði.

Í öllum aðildarsamningum hafa verið sett inn ný ákvæði um undanþágur bæði varanlegar og tímabundnar frá sáttmálum sambandsins.  Það má í þessu sambandi benda á aðildarsamninga Dana og Breta og ákvæði um olíu í þeim, einnig ákvæði um landbúnað í aðildarsamningum Svía og Finna og að lokum ákvæði um sjávarútveg í aðildarsamningum Spánverja og Portúgala.  Í öllum tilfellum var gengið gegn gildandi reglum og veittar varanlegar undanþágur frá þeim.

Eigum við ekki að hafa það sem sannara reynist það eru bara öfgamenn sem ekki kynna sér málin til hlítar og fara um stóryrtir með svívirðingar og áburð á menn.

[Kolbrún Hilmars, 7.4.2009 kl. 11:14]

Ef það teljast öfgar að styðja við fullveldi landsins í anda lýðveldisstofnunar og vilja stuðla að sjálfbærni samfélagsins hvar sem unnt er, hvað má þá kalla andstæða afstöðu? Landráð? - eða kannski bara "hinar öfgarnar"?

[Axel Þór Kolbeinsson, 7.4.2009 kl. 11:18]

Valdimar.

Ég sagði "Það er vitað með 99% vissu hvað kemur út úr aðildarviðræðum.  Lög og reglur sambandsins liggja fyrir.  Aðildarviðræður snúast um hve langann aðlögunartíma nýir meðlimir fá til að aðlaga sig að sambandinu með möguleika á að semja um einhverja nýja reglu svo lengi sem hún er ekki í andstöðu við þær reglur sem fyrir eru og öll ríki sambandsins samþykki þá reglu."

Mér sýnist að hér séum við nokkuð sammála um hvað felst í aðildarviðræðum, þótt ég hafi ekki sérstaklega tekið til varanlegra undanþágna sem eru ekki stór hluti af því sem fer fram.  Landbúnaðarákvæðið í samningum Svía og Finna er tæknilega nýtt ákvæði, þótt það feli í sér undanþágu frá meginreglu.  Ég þekki ekki samningaferli Portúgala og Spánverja.

En miðað við hvernig ýmsir hafa orðað hlutina varðandi aðildarviðræður þá getur fólk trúað því að það sé allt upp á borðinu og umsemjanlegt.  Svo er ekki.

[Baldur Hermannsson, 7.4.2009 kl. 11:20]

Valdimar, ég sá í sjónvarpinu samtal við einn höfuðpaur í ESB, minnir hann hafi heitið Olli Rehn. Hann sagði að það væri ekkert mál að fá undanþágur, td hvað varðar sjávarauðlindir vorar. Þið getið fengið smávægilegar undanþágur til skamms tíma, sagði paurinn. Þetta voru hans eigin orð: smávægilegar undanþágur til skamms tíma.

Um L-listann er fátt að segja, því aldrei fór hann í framboð og við munum því aldrei vita til fulls hvernig hann hefði plumað sig eða hvernig hann hefði gert sig yfirleitt. Ég held það yrði hressandi endurnýjun að fá inn nýja flokka öðru hvoru. Samfylkingin er nýr flokkur til þess að gera, VG sömuleiðis og ekki getur Frjálslyndi flokkurinn talist fjörgamall.

Ég er eiginlega stanshissa að ekki skyldi koma vænlegt framboð upp úr öllum þessum ógnarlegu sviptingum sem verið hafa, en sú er ekki raunin.

[Guðmundur Jónas Kristjánsson, 7.4.2009 kl. 11:24]

G. Valdimar. Þessar undanþágur frá Rómarsáttmálanum eru í grundvallaratriðum mjög léttvægar og tímabundnar, og geta breyst
ef Brusselvaldið ákveði það. Nú er t.d rætt í Brussel að koma ýmsum
öðrum auðlindum en fiskiauðlindinni undir SAMEIGINLEGA STJÓRN ESB.
Og eitt get ég 100% fullvissað þig á G Valdimar að við myndum ALDREI
fá undanþágu í frjárfestingum útlendina í ísl. útgerðum og þar með kvóta
þeirra. Bara það eitt er svo stórkostlegt efnahagslegt atriði fyrir okkar
hagkerfi, að með góðum rökum má saka þá ESB-sinna um edfnahagslega
hryðjuverkastarfsemi gagnvart íslenskum efnahag sem VOGA sér að
ætla inn í ESB með framseljanlega ísl. kvópa á uppboðsmarkaði í
Brussel. 

[G. Valdimar Valdemarsson, 7.4.2009 kl. 11:38]

Guðmundur hvað á erlend útgerð með enga veiðireynslu á Íslandi að gera með kvóta á íslandsmiðum?  Geyma hann sem fjárfestingu í bókhaldinu?  Kvótinn er verðlaus ef þú getur ekki veitt fiskinn og það gerir þú ekki án veiðiheimildar sem byggð er á veiðireynslu.    Andstæðingar kvótakerfisins tala oft um erfiðleika við að komast inn í kerfið.  Það aðgengi breytist ekkert við inngöngu í ESB. 

Auðlindaákvæði í stjórnarskrá mun jafnframt tryggja eignarhaldið á auðlindinni og það viljum við Framsóknarmenn og berjumst fyrir á Alþingi.  Íhaldið er á móti en VG og Samfylking styðja með hangandi hendi. 

Varðandi fjárfestingu í útgerð bendi ég bara á ákvæði í aðildarsamningi Dana varðandi sumarhús, þar gerðist eitthvað sem átti ALDREI að geta gerst.  Maður á aldrei að segja aldrei.

[Bjarni Harðarson, 7.4.2009 kl. 11:40]

Merkilegt að lesa athugasemdafærslur G.Vald hér á síðunni, hef nú reyndar verið latur við það hingað til en en nú hrekk ég aðeins við. Einn manna hefur hann uppi hér stóryrði um það að menn séu að saka hann um lygi, séu rökþrota, séu öfgamenn, séu með svívirðingar og áburð -hvað er í gangi? Yfir hverju er æsingurinn? Eru einhverjir bleikir fílar að þvælast um húsið kæri Valdimar?

[Guðmundur Jónas Kristjánsson, 7.4.2009 kl. 11:58]

Bara vill benda G Valdimar í lokin á að jafnvel 1000 ára veiðireynsla Íslendinga á Íslandsmiðum skiptir EKKI NOKKRU MÁLI fái útlendingar rétt
til að kaupa upp kvótann með stórkostlegu efnahagslegu tjóni fyrir
íslenzka þjóð, ef við göngum í ESB. Sumarhús Dana flokkast ekki undir
atvinnugrein eins og sjávarútvegur, en ein af GRUNNSTÖÐUM Rómarsáttmálans eru FRJÁLSAR FJÁRFESTINGAR Í ALLRI ATVINNUSTARFSEMI
INNAN ESB, sem ALDREI fæst undanþága á. En vegna þess að íslenzkur
sjávarútvegur og landbúnaður er UTAN EES höfum við óskert fullveldi yfir
þeim í dag.

[Salvör Kristjana Gissurardóttir, 7.4.2009 kl. 12:23]

Hæ Bjarni, af hverju segir þú að við í Framsóknarflokknum höfum slegið skjaldborg um útrásarvíkinga? Ég skil þetta ekki. Ég hef verið í Framsóknarflokknum í nokkur ár og ávallt reynt að berjast fyrir heiðarlegum vinnubrögðum þar og siðbót í stjórnmálum, ekki síst í Reykjavík. Þú varst líka í Framsóknarflokknum og komst þar til nokkurra metorða ólíkt mér sem var bara óbreyttur félagsmaður  og  þú varst klárlega leiðtogaefni flokksins. Gerðir þú eitthvað á þeim tíma til siðbæta Framsóknarflokkinn? 

[G. Valdimar Valdemarsson, 7.4.2009 kl. 12:23]

Jahá... ALLRI ATVINNUSTARFSSEMI.. eins og til dæmis olíuiðnaði Breta?   Þið talið alltaf eins og sáttmálar ESB séu verk guðs en ekki manna.  Sjálfstraustið er svo lítið að þið treystið samningamönnum íslendinga ekki til að halda á íslenskum hagsmunum.  Þið treystið þjóðinni ekki til að ákveða hvað henni er fyrir bestu. 

[Axel Þór Kolbeinsson, 7.4.2009 kl. 12:28]

Ég treysti þjóðinni fullkomnlega og er þess handviss að hún mun taka sömu ákvörðun og Norðmenn hafa í tvígang gert.  Norðmenn er sú þjóð sem á mest sameiginlegt með okkur í atvinnu og auðlindamálum og því er líklegt að samskonar samningar verði á boðstólum fyrir okkur.

[G. Valdimar Valdemarsson, 7.4.2009 kl. 12:34]

Axel erum við þá ekki sammála um að sækja um og leggja samningin í dóm þjóðarinnar.  Það gerðu Norðmenn.

[Axel Þór Kolbeinsson, 7.4.2009 kl. 12:43]

Nei Valdimar, þar er ég ósammála þér.  Mér finnst það vera sóun á skattpeningum okkar að láta hundruði milljóna í samninganefd sem ætlar sér að semja um inngöngu í bandalag sem, samkvæmt síðustu skoðannakönnunum, meirihluti þjóðarinnar er andvígur.  Ef við gefum okkur svo að það sama verði upp á teningnum hér og í Noregi að fara aftur í viðræður og þeim hafnað í annað skipti, og nú er umræða um það í Noregi hvort ekki eigi að fara í viðræður í þriðja sinn, að alltaf eru það sambærilegir samningar sem lagðir eru fyrir þjóðina.

Nei, þetta er peningasóun.  Fyrir mitt leiti vill ég ekki borga fyrir skoðunarferðir samningamanna um Brussel og Strasbourg.

[Baldur Hermannsson, 7.4.2009 kl. 12:44]

Það kemur ekki til mála að leggja slíkan samning undir dóm þjóðarinnar. Ísland er ekki til sölu. Ísland á ekki að hverfa fyrir fullt og allt inn í Evrópu-móðuna miklu. Við göngum ekki til atkvæða um slíkt siðleysi. Við skulum halda áfram að vera sjálfstæð þjóð. Við erum menn en ekki skepnur.

[G. Valdimar Valdemarsson, 7.4.2009 kl. 12:53]

Baldur ertu að segja að Evrópubúar séu skepnur ?

Axel samningar Norðmanna voru langt í frá sambærilegir.  Það veist þú ef þú hefur lesið þá.  Mistök þeirra voru að velja samningamann sem var meira upptekinn af koníaki en hagsmunum Norðmanna.  Hann sagði eitt sinn að Norðmenn væru einu koníaksglasi frá því að ná samningum.

[Guðmundur Jónas Kristjánsson, 7.4.2009 kl. 12:57]

Rétt Baldur. Maður sækir alls ekki um það sem maður er ALFARIÐ á móti,
og allra síst á grundvelli þjóðarhagsmuna.

G.Valdimar. Veit ekki betur en olíufyrirtæki Normanna og Breta séu í ríkiseigu. Þú villt kannski þjóðnýta  allar íslenzkar útgerðir til að koma í
veg fyrir að útlendingar eignist þær göngum við  í ESB? Væri kannski í anda
þeirrar kommúnisku hugmyndarfræði núverandi vinstristjórnar sem Famsókn styður með ráðum og dáð.

[Axel Þór Kolbeinsson, 7.4.2009 kl. 13:03]

Þeir hafa vonandi ekki verið með sama aðalsamningamann '72 og '94 Valdimar?

[Baldur Hermannsson, 7.4.2009 kl. 13:04]

Takk Guðmundur, þetta er hugsunin - þú orðar hana betur en ég. Þetta Evrópu-hyski er eins og hefðarkerling sem ætlar út á strætin og gá hvað menn vilja borga henni fyrir að totta sig, en hún tekur það skýrt fram við eiginmanninn og börnin sín að hún muni sko alls ekki totta nema henni verði sómasamlega borgað fyrir það.

Ég endurtek: við erum menn en ekki skepnur.

[marco (IP-tala skráð) 7.4.2009 kl. 13:21]

Jæja Baldur.  En væri ekki gott að velta fyrir sér hvað allt hefði orðið betra ef eskimóar en ekki norskir afdalabændur hefðu numið hér land?  Ertu kannski hættur að velta því fyrir þér?    Þú ert varla genginn af þeirri skoðun að Skagfirðingar séu skepnur og þjóðin í hlekkjum hugarfarsins?

Holdgervingur heimsku, hroka skítlegs eðlis og ruddamennsku.  Eins og horköggull úr nösum D(av)rottins.

[Bjarni Harðarson, 7.4.2009 kl. 13:23]

Þessi umræða er að verða verulega skemmtileg og gróteskar samlíkingar hér hjá síðasta ræðumanni um hina heiðvirðu hefðarkerlingu. En það skiptir miklu máli að Ísland getur einfaldlega ekki sótt um bara til að máta og alls ekki víst að við gætum gengið afturtil baka, sjá t.d. þessa færslu.

[Baldur Hermannsson, 7.4.2009 kl. 13:28]

Horköggull úr nösum Drottins! Ekki amalegt hlutskipti. Takk fyrir það - og gaman að þú skulir muna eftir eskimóunum.

[Ólafur Tryggvason Þorsteinsson, 7.4.2009 kl. 14:32]

Blessaður láttu ekki eins og þér hafi verið vært í framsóknarflokknum eins og þú komst þinni ár fyrir þar. Fussu svei eina og sagt er á landsvísu.

Ennfremur furða ég mig á að þú getir talaði þig upp í að þessi uppgjafaframsóknarhópur hafi haft einhver áhrif á nokkurn hlut. Fæstir mundu hvaða flokksómyndin hét, hvaða bókstaf hún fékk eða fyrir hvað hún stóð. Eina sem fólk man núna er að þú gafst upp.

[Kolbrún Hilmars, 7.4.2009 kl. 14:58]

Ólafur T, mér er sama þótt kölluð sé öfgafull en ónefni eins og uppgjafar-framsóknar-eitthvað sætti ég mig ekki við! Og ef þinn tónn er framsóknartónninn þá er það víst að mínu atkvæði verður ekki sóað á XB frekar en fyrri daginn...

[Baldur Hermannsson, 7.4.2009 kl. 15:03]

Svona svona svona, Kolbrún. Þú mátt ekki hníga út af þótt á þig sé andað. Allt er þetta geysi vitsmunaleg umræða þótt orðavalið sé kjarngott.  Það er þó betra að vera kallaður uppgjafar-Framsókn heldur en bara Framsókn.

[Haraldur Haraldsson, 7.4.2009 kl. 15:15]

Málið er ekki svona einfalt Ólafur Tryggvason/"á sandi byggði heimskur maður hús"en á Bjargi byggði vitur maður hús" ef svo væri að allt gerðist svona væri þetta auðvelt/en það að bakka ert engin skömm,og hugsa málin,og skoða hvort eða hvernig maður getur gert best er bara gott/Bjarni þú gerðir rétt að mínu mati,en þessu öllu verður að breyta,svo menn geti boðið sig fram og fengið Mann kosin án þessa að fá 5% /Kveðja Halli gamli

[Halldór Egill Guðnason, 7.4.2009 kl. 16:00]

Líflegar umræður hér að ofan. Gaman að þessu, eða þannig. Undirritaður kaus utankjörstaðar áður en L listinn dró framboð sitt til baka og því var hann í boði er ég kaus. Nú er semsagt einum lista færra í boði, en ég er búinn að kjósa! Aukaatriði hvað ég kaus, en þetta sýnir hringavitleysuna sem þjóðin hrærist í þessa dagana. Kosningsr eru hafnar, þó ekki sé enn ljóst hvort fækki eða fjölgi flokkum sem í boði eru!!!! Engu líkara en kerfisbundið sé unnið að því að rugla almenning eins mikið og hægt er með allskonar andskotans vitleysu sem engu máli skiptir, meðan innviðir þjóðfélagsins og almenningur þessa lands sviðna á skuldabálinu. Umræðan um Evrópubandalagið er orðin háværari en umræðan um hvernig þjóðin á að koma sér upp úr hyldýpi skuldafensins, sem nánast er ekki nokkur leið að sjá að sé mögulegt. Þeir sem hafa engar lausnir aðrar en innantómt orðagjálfur um yndisleik inngöngu okkar í Evrópubandalagið sem allsherjarlausn á vanda dagsins í DAG, eru ekki með öllum mjalla eða skilja ekki þann vanda sem við er að glíma. Það þarf aðgerðir STRAX og þær hefur umsókn um aðild að Evrópubandalagsóværunni ekkert með að gera. Það er hægt að rífast um það helvíti seinna.

[Axel Þór Kolbeinsson, 7.4.2009 kl. 16:35]

Hárrétt Halldór.  ESB ætti ekkert að vera á borðinu (núna), og þar reyndum við að vera með ákveðna stöðu gegn aðild svo að hægt væri að einbeita sér að því sem meira máli skiptir.  En pólitískir andstæðingar okkar nýttu sér þessa andstöðu okkar til að úthrópa okkur með ýmsum miður fallegum orðum, og virðast enn vera að.

Ég hef ekki geð í mér að svara þeim of oft, enda geði ég það ágætlega hér.

[marco (IP-tala skráð) 7.4.2009 kl. 17:39]

Ekkert að þakka Baldur.  Þetta er mjög minnisstætt öllum þeim 12-13 sem á horfðu.

[Baldur Hermannsson, 7.4.2009 kl. 17:42]

Aha, svo þú varst einn af þessum 12?

[marco (IP-tala skráð) 7.4.2009 kl. 18:07]

Ójá.  Takk fyrir góða skemmtun.  Ég væri til í að sjá þetta aftur.  Alltaf gaman þegar vel er drullað yfir menn og málefni.  Smella þessu svo á youtube.

[marco (IP-tala skráð) 7.4.2009 kl. 18:10]

Baldur.  Horköggulspillan átti nú meira við afurðina en höfundinn.  Leitt að segja þetta þar sem lifðir um stund í sælum misskilningi.

Ég vona að þú móðgist  ekki þó að ég taki heiðurinn af þér persónulega og færi hana yfir á sköpunarverk þitt.

[Árni Gunnarsson, 7.4.2009 kl. 21:24]

Ein skársta útleggingin á horfum okkar eftir innlimun í draumaveröld Samþjáningarinnar kom frá bóksala að sunnan í Silfri Egils. Hann sá fyrir sér sjálfstæði Íslands þar með álíka reisn og sjálfstæði Grímseyjar eftir hugsanlega sameiningu við Akureyri.

Auðvitað kom honum í hug þaullesnum manninum þessi samlíking við orð Einars heitins Þveræings sem nefndi Grímsey sem eitraða eplið í ályktun sinni um hvort það hvort gefa ætti norskum kóngi þessa eyju og þiggja að launum vináttu hans. Einar var greindarkall og þeir báðir bræður en hinn var Guðmundur ríki á Möðruvöllum sem var allt annar maður en Guðmundur "vinalausi." ....já það voru kallar á þeirri tíð/ en þeir eru allir dauðir... eins og kerlingin sagði. 

En hvort þú eigir nú að kjósa VG eða Frjálslynda? Svarið er: Já.

Og svo er það spurningin hvort Baldur Hermannsson telji svona með sjálfum sér að Evrópubúar séu skepnur? Hefur það verið afsannað að þeir séu skepnur?

[sandkassi (IP-tala skráð) 7.4.2009 kl. 22:00]

Eigum við ekki bara að kjósa hann Þór Saari núna Bjarni? Ég er bara hrifin að þessu hjá honum, mannamál og ekkert smjaður.

[Baldur Hermannsson, 7.4.2009 kl. 22:55]

Árni, reyndar hafði ég nú í huga að ekki væri manni sæmandi að falbjóða sig eins og Samfylkingin ætlar að gera. En fyrst þú snýrð upp þessum skemmtilega fleti þá langar mig að spyrja þig: veist þú til að smáþjóðir hafi haft gott af því að umgangast Englendinga, Frakka og Þjóðverja?

Þessar þjóðir ráða öllu í sambandinu og þær eiga það sammerkt að þar þykir sjálfsagt að berja börn til óbóta. Skepnur? Tja, er búið að afsanna það!

[sandkassi (IP-tala skráð) 7.4.2009 kl. 23:11]

ein og hálf milljón barna undir fátækramörkum í Englandi, og þetta er bara í Englandi.

[Ólafur Björnsson, 7.4.2009 kl. 23:42]

nei það voru ekki mistök hjá þér að fara fram í Rvík, þú ert bara í röngum flokki Bjarni, nóg plás f þig í Sjálfstfl og þar hefðir þú gaman af að vera og verjast ESB sinnum.

[Ómar Bjarki Kristjánsson, 8.4.2009 kl. 00:40]

Sko, varðandi fjárfestingar erlendra í sjávarútvegi sem rætt er um af talsverðu kappi hér fyrr, þá náðu íslendingar fram sérákvæði því viðvíkjandi í EES.  Hægt að lesa um það hér ef mér er ekki trúað.  Stendur skýrt:

http://www.utanrikisraduneyti.is/samningar/ees/EESSamningur/nr/1727

Í annan stað þá eru 3 meginmöguleikar eða leðir þar að lútandi í aðildarviðræðum við ESB nú í sumar:

1. Að fá varanlega undanþágu líkt og nú er að finna í EES-samningnum

2. Að fá ótvírætt leyfi til að setja lög sem binda heimild til fjárfestinga í sjávarútvegi við búsetu - svipað og danska sumarbústaðaákvæðið

3. Að fá heimild til að setja lög sem kveða á um sterk efnahagsleg tengsl á milli útgerðar og vinnslu við heimahöfn skips - svipað og túlkun norskra stjórnvalda á sameiginlegu yfirlýsingu þeirra og ESB um kvótahopp.

http://www.evropa.is/2006/11/24/hvalreki-e%C3%B0a-skipbrot/

[Þorsteinn Valur Baldvinsson, 8.4.2009 kl. 09:30]

Sæll Bjarni

Mér fannst afskaplega leitt að sjá ykkur bakka út og tel það mikinn missir fyrir lýðræðið þegar svona skeður, ég leyfi mér að halda því fram að mistök frambjóðenda liggi í þessari þráhyggju að stofna flokka og fara að samræma málflutning í stað þess að koma fram sem persónur með ólíkar skoðanir, og treysta kjósendum fyrir valinu á frambjóðanda án þess að reyna að setja skorður á val kjósandans með uppstillingu og samræmdum málflutning.

Ég hef hef fullan skilning á því að það að fara fram í hóp gefur fólki kjark til athafna og þor gegn því að gefa afslátt af skoðunum sýnum til að halda hópnum saman, en ég held Bjarni að þú sért ekki ragur né fælin án hóps.

Ég skora því á þig að fara fram undir XP.is listanum sem er öllum opin óháð stjórnmálaskoðunum, þar rúmast allir einstaklingar sem þora að stíga fram í eigin nafni og láta ekki flokksmiðlana skelfa sig.

[Baldur Hermannsson, 8.4.2009 kl. 09:41]

Eftirfarandi orð Þorsteins Vals eru mjög áhugaverð og allir sem láta sig varða stjórnmál ættu að íhuga þau - þar á meðal hinn góði drengur, Bjarni Harðarson:

"Mér fannst afskaplega leitt að sjá ykkur bakka út og tel það mikinn missir fyrir lýðræðið þegar svona skeður, ég leyfi mér að halda því fram að mistök frambjóðenda liggi í þessari þráhyggju að stofna flokka og fara að samræma málflutning í stað þess að koma fram sem persónur með ólíkar skoðanir, og treysta kjósendum fyrir valinu á frambjóðanda án þess að reyna að setja skorður á val kjósandans með uppstillingu og samræmdum málflutning."

[Helga , 8.4.2009 kl. 19:18]

Það er sjónarsviftir þegar gott fólk sem vinnur vel fer af þingi, skiptir þá ekki máli hvar í flokki það er.....   Ég held ég eigi eftir að sakna þeirra Bjarna og líka Jóns Magnússonar, hann hefur verið einkar málefnalegur og staðið fast á sinni sannfæringu og verið óhræddur við að tala..... þótt ég hafi nú ekki alltaf verið sammála.

Bjarni þú kemur bara aftur :-)

[Adda Laufey , 10.4.2009 kl. 11:44]

sæll.alltaf gaman að lesa bloggið þitt.

eftir að hafa skoða lista og stefnur flokka, þá er ég ekki viss um að vilja kjósa.þetta er allt sama bálknið